يا جماعه ممكن حد يكتب
مميزات شيفروله سبارك 2012
وسعرها
وعيوبها ولصورها
علشان انا ملقتش الموضوع ده في قسم الشيفروليه
عرض للطباعة
يا جماعه ممكن حد يكتب
مميزات شيفروله سبارك 2012
وسعرها
وعيوبها ولصورها
علشان انا ملقتش الموضوع ده في قسم الشيفروليه
للاسف اعتقد مفيش حد جابها او جربها فى المنتدى
هى ب 75 الف 1200 سى سى 81 حصان مانيوال
http://img694.imageshack.us/img694/5...k20131280x.jpg
http://img52.imageshack.us/img52/595...k20131280x.jpg
http://img405.imageshack.us/img405/5...k20131280x.jpg
العربية دي سعرها ووكيلها قتلوها
هى عربية حلوة بس سعرها عالي ومتنفعش غير عربية تانية وليست عربية اساسية او عائلية
معلش يا جماعه هو تصحيح صغير العربيه اتوماتيك مش مانوال 1200 سي سي وفعلا سعرها 75000 جنيه للأسف الشديد
لأ العربية مانيوال مافيش منها اوتو.. وكونتاكت حاطط معلومات غلط عنها..
أنا شفتها ف التوكيل علي أساس أجيبها وأروشنها أنا.. بس مزبلة المزبلة..
أولا المساحة الداخلية رايحة ف داهية.. أصغر من البيكانتو كمان..
العدادات علي قد ماهي شكلها مش وحش علي قد ما تحس انك راكب موتوسكل..
العربية مليانة طبات أماكن حاجات متشالة منها الكماليات (كعادة توكيل بربور)
وأمثلة للكماليات اللي متشالة:
1- مكان ال USB وال iPod
2- مكان الفوجات
3- مكان زراير مرايات الكهرباء (يعني المرايات يدوي)
4- مكان تعلية وتوطية اضائة الكشافات
5- الزجاج الخلفي تقريبا يدوي
طبعا غير الموتور التعبان وآخر العداد 160.. والغباء الأزلي في ان عداد ال rpm هو اللي ديجيتال والسرعة انالوج!! وأكيد أكيد التابلوه خاماته مزبلة كالعادة.
مش فاكر ايه تاني ناقص أنا وقتها كنت تفيت ع العربية وطلعت منها..
النقطة الوحيدة ف صالحها انها شكلها شبابي أكتر شوية من البيكانتو اللي عاطية أكتر علي حريمي.
بصراحة ف نفس السعر هات سانديرو مانيوال جميع كماليات أنضف.. أو لو نفس ال category هات البيكانتو.. ضعف الامكانيات بنفس السعر والموتور كمان أعلي.