تصليح ترس ديفيوزي ؟!

**amr_mabd** · 10-05-2012 10:57 PM

يا جماعة أنا ترس الدفيوزر عندي زعل مني و كل شوية يتكنك كل ما أشغل العربية حتي و هيه سخنة و سمعت أنو بيتصلح عند م.عادل و كلمتو أكدلي الكلام دة و هيكلف 300 فهل التصليح ده عملي ؟

**shawkylotfy** · 11-05-2012 06:28 AM

ايوة تمام بيغيروا النجمة الى جواة وبيشتغل تمام

**amr_mabd** · 11-05-2012 11:53 AM

المشاركة الأصلية كتبت بواسطة shawkylotfy

ايوة تمام بيغيروا النجمة الى جواة وبيشتغل تمام

ياباشة ألف شكر تعبك معاية من ساعت المروحة

**amr_mabd** · 11-05-2012 06:43 PM

رحت صلحتو الحمد لله ووبطل يكركب و أداني ضمان سنة بس العربية مش بيتدو من أول مرة بتدور من تاني مرة فهل ده لية علاقة بالشغل بتاع الدفيوزر ؟؟

**shawkylotfy** · 11-05-2012 07:42 PM

المشاركة الأصلية كتبت بواسطة amr_mabd

رحت صلحتو الحمد لله ووبطل يكركب و أداني ضمان سنة بس العربية مش بيتدو من أول مرة بتدور من تاني مرة فهل ده لية علاقة بالشغل بتاع الدفيوزر ؟؟

انا صلحت ترس الديفزر عندى من حوالى شهرين والعربية بتدور من اول مرة عادى ... لو انت متاكد ان دة حصل معاك بعد تصليح الترس على طول ممكن ترجعلوا وتشوف..

**etrder63** · 14-05-2012 01:48 PM

يا جماعة انا عملت الموضوع ده قبل كده عند عادل وهو ما بيصلحوش هوه بيلغى وظيفته والموضوع بيقعد 5 او 6 شهور بالكثير ويرجع يكركر تانى الحل هو التغيير ولو بترس استيراد

**ahmedfouad** · 14-05-2012 05:06 PM

الترس ده بتاع ايه ومكانه فين؟

**sleepyhammer** · 04-06-2012 01:27 PM

يا جماعة معلش سؤال بايخ
هوه ايه وظيفة الترس ده اصل انا شكلى حغيره قريب وربنا يستر
وياريت سعره استيراد وجديد من التوكيل

**Shiref_mohamed** · 04-06-2012 02:02 PM

المشاركة الأصلية كتبت بواسطة sleepyhammer

يا جماعة معلش سؤال بايخ
هوه ايه وظيفة الترس ده اصل انا شكلى حغيره قريب وربنا يستر
وياريت سعره استيراد وجديد من التوكيل

وظيفته تغيير وقت فتح الصبابات

**amr_selim** · 04-06-2012 02:43 PM

لاء ليه طبعاٌ من الترس اي ارجعلو وعلى فكر هيبوظ تاني في خلال 4 شهور وهيقولك لا ده جايب اخر والله واعلم.بس بعد ميصلهولك تاني مرة.وعلى فكرة هتدفع حق المصنعيه وهيقولك مديك ضمان على الترس ميش المصنعية بتاعيت الفك والتركيب.وميش كده وبس لا ده كمان هايعملك وحيش ويتنك عليك ويأعدك كتير جدا
طبعا هتقول عرفت منين وبتكرة لية كده.
هقولك انو عمل معايا في العربيه كده لما كنت لسة شاريها ومفهمش اي حاجه لسة

وفي أخر ما زهقت وكفرت الترس وتعبني غيرتو جديد من عند واحد بي 850 من 6 شهور ومعاة ضمان وكان حصل صوت عندي وأفتكرتو منو وكلمت الراجل قاليي تعلالي في اسرع وقت واغيرهولك واستغرب لانو بيجي جديد وبضمان وبيرجع عادي للشركة.