استفسار بخصوص تسقيط ماتور للماروتى

**Amr Axel** · 19-05-2012 06:35 PM

المشاركة الأصلية كتبت بواسطة msa142

ماروتى 2000 وسقطلها ماتور .. بعد اذن حضرتك ممكن اعرف السبب و هل مكنه الماروتى مش بتعمر زى بقيه العربيات ولا ايه .. ؟!!

موتور الماروتي مفيهوش اي مشاكل
لكن موضوع المكنة مش بتعمر ده بيعتمد ع اللي سايق ع سبيل المثل
جيب اتنين معاهم نفس نوع العربية
الأولاني بيشد و يجري طول الوقت و هاري العربية من الاخر سوقته غبية
و التاني الراجل سواقته محترمة و هادية و ملوش في الشد و الكلام ده
الأولاني الموتور ممكن ميكملش معاه 100 الف و يلاقيها فتحة بوقها و الموتور عايز يتغير لأنه تعب
التاني الموتور ممكن يوصل معاه لــ300 الف بدون اي مشاكل
اخدت بالك ؟

**bondok20002002** · 20-05-2012 01:26 PM

المشاركة الأصلية كتبت بواسطة axel

خليك في موتورها الماروتي مش محتاجة تسقيط موتور اساسا اولا بالموتور الاساسي بتاعها ممكن تجيب 130- 140 لو عايز بس طبعا بتفرق في الحالة بالاضافة ان بدن العربية مش هيستحمل موتور أقوي متعملش زي جيتز و فيرنا الموتور قوته اكبر من العربية نفسها بعدها العربية بتفسخ من قوة الموتور
اذا حسيت ان الموتور اللي فيها خلاص مفيش فيه أمل خلاص شيل القديم و جيب بداله ماروتي برده

الكلام ده مظبوط جداً جداً متحاولش تركب حاجة على حاجة الفكرة علشان متتعبش بعد كده
على فكرة أنا والدى معاه نيسان صنى 95 موتورها 1300 غيرنا الموتور وجبنا 1500 عمل مشكلة فى الفتيس كبيرة قوى لأن الموتور أقوى من الفتيس فلازم نجيب فتيس بتاع 1500 وبرده أنا حاسس إن العربية معايا تقيلة على العفشة فى الطلعة بصراحة مبهدلة العفشة علشان العزم بتاعها تقيل قوى أتقل من أصلها
وإلى فى الخير يقدمه ربنا