عرض للطباعة
السلام عليكم يا لوجانية
النهاردة شوفت موضوع عكنن عليا لان كنت ناوي اشتري اللوجان ولما شوفت الموضوع ده اضايقت.
هل فعلا هيكل اللوجان معمول على نصين وملحومين فبعض .. لان شوفت فيديو واضح فيه ان اي عربية لوجان زيرو لما تبص على العتب بتاع الباب الخلفي هتلاقى لحام واضح ..
دا الفيديو
http://www.youtube.com/watch?v=HTZcX...feature=relmfu
والفيديو مقارنة بين عربيتين ولكن انا مستنى رد كل اللوجانية هل ده صحيح وللا اللحام ده بتاع ايه ؟؟
اللحام باين في الفيديو في الدقيقة السابعة ..
بجد مستنى ردكو ضروري .....
هو مافيش معنى للحام ده غير انها نصين ملحومين فى بعض؟
كلنا لاحظنا اللحام ده من زمان وماحدش قال كده
راجع الموضوع ده من 2010 : http://www.nilemotors.net/Nile/189070-a.html
لاحظ ان العربية واخدة درجات مرتفعة فى اختبارات الأمان الأوربية ، وماينفعش طبعاً تخش أصلاً الاختبارات دى اذا كانت نصين ملحومين فى بعض.
طبعاً الفيديو لا يتحلى بأقل قدر من الموضوعية
وتلات أرباعة مغالطات
وواضح انه معمول لترجيح كفة العربية الأخرى
بمناسبة الانتخابات ، اديك شايف ازاى كله عمال يشكر في نفسه وبيجرحوا فى بعض من تحت ومن فوق الترابيزة ، بس فى النهاية الشعب الواعى هينتخب الرئيس المناسب.
نفس الحكاية بين العربيتين دول ، شوف أيهما أكثر نجاحاً وأكثر شعبية وأكثر انتشاراً وأكثر حباً وانت تعرف مين الأفضل بالفعل.
والله الواحد مش عايز يتكلم
انا مش عارف كميه المبالغه في اللوجان ملاكها بطريقه غير طبيعيه
العربيه بدائيه جدا
وحكايه اللحام دي غير مريحه
لكن هنلاقي الكل بيتكلم
ويقولك
اصلها اوربيه
لكن كلمه حق
لو هاشتري واختار مابين لوجان وساجا
هاختار اللوجان
اقدر ردودكم
وانا ملاحظ فعلا ان الفيديو مش عادل في طريقة الكلام بس انا مش مهم عندي الفيديو اد ما مهم اعرف سبب اللحام .. واكيد مكنتش شوفت الموضوع القديم وهقراه ..
بس ياريت لو حد عارف سبب اللحام ده ايه يشرحلنا لان بجد اللحام ده قلق.. انا كنت خلاص ناويت الشراء ولكن اللحام ده لوحدو رجعني شهور مقارنة لوار..
انا قريت الموضوع ومش مذكور فيه ايه سبب اللحام وكتوب فقط انو طبيعي لكنى احب اطمن دا سببو ايه من النيحية الصناعية ؟؟
متابع ..
اقتباس:
المشاركة الأصلية كتبت بواسطة meedo_2010
العربية فيها لحامات فى أكتر من مكان ، فيه لحام مثلاً فوق الباب الخلفى قريباً من الزجاج الخلفى، وفيه لحام باين فى الشنطة ..
عمرى ما فكرت للحظة ان اللحامات دى ممكن تبقى عيوب جوهرية فى العربية زى حكاية نصين والكلام ده ..
شوف .. أنا مش متخصص ، بس اسم رينو مخلي ماعنديش ذرة شك ان ده ممكن يكون عيب جوهرى ..
--------------------------
والناس اللى بيزعلهم ثقتنا فى رينو لوجان ، مافيش داعى يلتفتوا لكلامنا احنا ..
يكفى مطالعة الخبر التالى الذى أدخل اللوجان من ضمن 10 عربيات تشكل (الأسطورة تسير على عجلات) فى السنوات من 2000 حتى الآن.
اللوجان دخلت فى القمة مع عربيات زى المرسيدس والبنتلى والماباخ والبورش والمينى كوبر .. :grin28:
طبعاً قبل أن نفغر أفواهنا من الدهشة ، لازم نعرف ان كل عربية من العشرة دخلت فى هذا التصنيف بناءاً على مميزات تخصها هي وليست منافسة بينهم بالطبع ، يعنى فيهم العربية الأكثر قوة والعربية الأكثر رفاهية ، واللوجان طبعاً هى الأفضل فى العربيات منخفضة التكلفة.
Romania’s Dacia Logan nominated for the “Legend on wheels” prize | Daily news in English from Romania - Romania-Insider.com
ودى صورة العربيات الأسطورة وتقف بينهم اللوجان شامخة
LEGENDS ON WHEELS - Vote for your legend
واللوجان أخدت المركز الثانى من بين العشر عربيات دول.
والآن هل يستطيع أحد أن يصفنا بالمبالغة فى احترامها؟؟
كلام جميل جدا : ) وانا كمان واثق في رينو ... ولكن من طبيعتي كمهندس .. وانت عارف المهندسين حشريين شوية :d ... بجد عايز اعرف اللحامات دي ليه ... هل الهيكل هي دي تجميعتو مثلا يعني ؟؟ وللا ايه بالظبط ؟؟
وعلى فكرة واضح ان الموديل اللي واخد الجايزة 2005 ومافيهوش اللحام ده..
أتمنى ان حد قريب من المهنة دى يدخل ويفيدك.
بس مبدأياً علشان أطمنك ، مش ممكن اللحام ده يكوم لحام لنصين
لأن اللحام فى جزء العتب فقط ، ومش بعرض العربية كلها
يعنى لو شلت فرش الأرضية بامتداد اللحام هتلاقى مافيش لحام وان اللحام مقصور على الكام سنتى بتوع العتبة فقط.
دي mcv 2009 و اللحام باين تحت الباب للي يدقق فيها
http://www.netcarshow.com/dacia/2009...llpaper_0c.htm
باشا سيادتك لو مستعد تسمع أو تصدق كل الكلام إللي ميدخلش عقل ولا يقبله منطق، بيقى أنصحك بلاش لأنك لسه قدامك سنه أو إتنين كمان لحد ما الإشاعات دي تهبط، إنت حسستني إن العربية هتتقسم نصين وأنا ماشي بيها!!!!
طب خد عندك دي كمان، اللوجان أربع تنصص ملحومين في بعض وهي أصلا كانت ثلاث عجلات بس عدلوها وخلوها أربعه سنه 2008
يا باشا ايه المشكلة اني اطمن.. وانا مبحبش الاشعات .. واللا مكنتش سالت اللوجانية وللا ايه ؟؟؟ يارب حد متخصص يرد عليا : ) لحسن شكلى هاخد كلام تريقة كتير .. ربنا يستر.
السلام عليكم يا رجالة المنتدى العظيم
أول حاجه لو ممكن حد يعرف الأخ الفاضل اللى فى الفيديو يجيبلى رقم تليفونه أشكره على حاجه مهمه جدا انه بدأ مقارنه بين عربيتتين ماكناش نحب نعملها علشان ملاك البروتون مايزعلوش و لا ملاك اللوجان يزعلوا
تانى حاجه أحاول ابينله انه مش موضوعى خالص فى مقارنته بين الإتنين
هوا نازل يتريق على اللوجان و بس
طيب أحب أوضحله انه للأسف لما قال عن سرعة المساحات سرعتين فقط لأ هما تلاته بجانب السرعة المانيوال لما تسحب الدراع عليك و الرشاش بتاع الميا يرش على الزجاج
نسى موضوع الأمبوليزر
نسى ان الساجا مافيهاش ايرباج
موضوع اللزراير اللى فى التابلو هتعرفو قيمته لما تحب تغسل الباب و فرشه من الداخل بمياه و موضوع الكلاكس اللى فى الدراع انا شايف انه عملى جدا بس المشكله اننا اتربينا على الكورى و على فكره معظم التكنولوجى الأوربى نفس الكلام
نسى يقول ان علشان الأخ ممكن يكون طويل شويه و علشان رجليه متخبط فى الدركسيون انه يعدل ارتفاع الطاره و لما قال ان الكرسى راجع على الاخر فى اللوجان مكنش بيقول الحقيقه لان اللوجان و بتحدى اوسع من البروتون و اللانوس و الفيرنا
و اخيرا احب اهنيه على قوة ملاحظته الرهيبه اللى حسستنى اننا راكبين كنب متلصم فى بعضه لما قال المفاجأه هوا و صاحبه لدرجة انه أغم عليا لم شوفتاها ان العربيه ملحومه يانهار ابيض وزى العسل
طبعا اغم عليا من الضحك
لو كان كلف نسه شويه و رفع الفرش هيلاقى شاسيه العربيه مافيهوش اللحام ده
طيب ايه الحامات دى
اقوله انه فى الصاج الخارجى يا معلم لاكن الهيكل الداخلى مافيهوش الكلام ده
و ده معناه انه هناط هيكل داخلى
زى الهيكل العظمى بتاع الإنسان
و الصاج الخارجى زى الجلد بتاع الإنسان
و أخيرا ربنا يهني كل واحد ببروتونه و ويهنى كل واحد بولوجونته
انا لا متخصص ولا غيره بس ليه تعليق بديهى....هى الناس فاكره ان العربيه بتتعمل صب مثلا ...اكيد الصاج ليه لحامات لتشكيله فى اى عربيه يمكن بتختلف من نوع للثانى فى مكان اللحام مدارى باين متغطى بطبقه والدهان او مش متغطى حسب الفنيات والتكلفه والتصميم ....لكن اى عربيه الشاسيه واحد فيها قطعه واحده ...وطلب للاستاذ احمد ايجى عايزين موضوع فيديو مقارنه برده بنفس الاسلوب ووجود السيارتين للرد فقط بكل احترام
يا جماعة انا حطيت الفيديو لاني بحب اللوجان ومرضتش ان اشوف فيديو زي ده واسكت عليه.. وعشان اطمن كمان.. فبلاش العصبية في الرد :d... وبجد متشكر جدا على كل الردود دي ... ولولا اني حطيت الموضوع مكنتش عرفت ان السيارة ليها هيكل داخلى وخارجي ...
تصحيح بس للاخ اللي قال ان الساجا مافيهاش ايرباج ... عشان الامانة الساجا فيها كماليات اكتر من اللوجان فعلا زي اتنين ايرباج مش واحد و الاي بي اس..
ومع ذلك فمازلت متمسك باللوجان عشان توكيل عز العرب في شكاوي منو بالهبل ومش توكيل محترف زي توكيل رينو.. بس لازلت مستنى ردود متخصصين اعرف ليه اللحام الخارجي ده ؟؟؟
وشكرا لكل اللي رد بجد ربنا يخليكو لينا :)
تصحيح على مشاركتى الاخيرة .... الساجا مافيهاش اي بي اس ولا اير باج للراكب الامامي واسف على الخطأ.
العفو ياباشا محدش يقصد عصبية ولا حاجه، بس مظنش حد هيقدر يفيدك بشكل قاطق إلى لو كان مهندس في رينو، بس هي لوجان عموما إقتصادية في صنعها بس بدون إهمال المتانة والأمان، يعنى ممكن الفينيش بتاع اللحام يكون مش مصقول وناعم ويكون ظاهر طلما مكانة مش مرئي يعنى ورا قفلت الباب أو الشنطة وكده، لكن أكيد اللحامت دي موجوده في أي عربية بس بتكون مضقولة ومصنفرة بحيث متظهرش، والله أعلم
انا حطيت الموضوع في جروبات على الفيس بوك وكان في رد مقنع شوية وياريت لو حد يشرحو اكتر عشان نفهمو وهو ان
ده حد الرفرف الخلفي لسهوله تغييره . لأن فيه عربيات اما الرفرف الخلفي بيحتاج تغيير حدوده بتبقي من القايم الأمامي لحد الرفرف الخلفي يعني بطول العربيه
يعني معنى كده ان العتب هو من اجزاء الهيكل الخارجي وليس الداخلي ؟؟
دي اخر حاجة وصلتلها عشان كل اللوجانية يستفادو
ده حد الرفرف الخلفي لسهوله تغييره . لأن فيه عربيات اما الرفرف الخلفي بيحتاج تغيير حدوده بتبقي من القايم الأمامي لحد الرفرف الخلفي يعني بطول العربيه
........... لأ طبعا العربيه مش متجمعه بالعكس النقطه دي بتوفر كتير اوي في تكاليف الأصلاح لا قدر الله ........ اطمن بلاش القلق العربيه الحممد لله زي الفل
العتب هو جزء من الهيكل الخارجي للعربية
و برضه دي حاجه هاتوفي في الأصلاح لأنك لو غيرت الرفرف مش هاتحتاج تغير عتب و انت عارف ان دي حاجه بتقلل من تمن العربيه كتيييييييير
هل لو الجزء ده كان حته واحدة كان ده يبقى فصالح متانة العربية اكتر وللا متفرقش ؟؟
متفرقش.........
ده في العربيات الجديده عايساعد علي الشكل الأنسيابي للعربيه...... لكن اللوجان مش محتاجه النقطه دي لأنك تحس انها شكل العربيات القديمه حبتين ...... انت لو فتحت اي عربيه 131 هاتلاقي نثس اللحام ده بنفس الشكل و لنفس الغرض..... العربيه ماشاء الله تحفه ......... و موضوع الأنسيابيه بيأثر علي سحب العربيه و مقاومتها للهواء و استهلاك البنزين ..... بالنسبه لسحب العربيه فهو ممتاز.......
دا كان كل اللي وصلتلو وشكرا لكل اللي اتسع صدرو لاسئلتي وشكرا لكل اللي رد على الموضوع واتمنى يكون الموضوع دلوقتى بقى في ميزان اللوجان وباذن الله انا خلاص ناويت عليها والف شكر ليكو :)
شكراً على المعلومات القيمة ..
ومبروك مقدماً ..
بس ابقى جمد قلبك بعد كده ، لأن ياما هتسمع :)
هههههه ربنا يستر ولو سمعت حاجة ورايا مين غيركووووو :d
اللحام ده باين في النيسان صني و في الكورولا موجود بس مخدوم في الكورولا فمش باين و شفته بعد حادث بالكورولا و هو لحامات طبيعية و موجوده ليست عيب في السيارة
الف شكر على المعلومات :) كان فينك من بدري يا راجل :36_2_55[1]:اقتباس:
المشاركة الأصلية كتبت بواسطة soli86
اقتباس:
المشاركة الأصلية كتبت بواسطة meedo_2010
فعلا بأكد على كلامك اللحام ده موجود فى عربيتى نيسان صنى 83 يعنى من زمان الحكايه دى وفعلا عشان سهولة تغيير الرفرف الخلفى
عاش اللوجانية ... وعقبال ما نشوف قطع الغيار رخيصة :Bravo:اقتباس:
المشاركة الأصلية كتبت بواسطة hossam_elwani
ياما نفسى أشوف الراجل اللى مصور الفيديو و بيقول انه بيقارن بكل موضوعيه و حياديه
علشان أفرجه على الموضوعيه و الحياديه بصحيح
الجروب بتاعتهم على فيس بوك اسمها proton clup egypt خطوتين من الفيس بوك :wink10:اقتباس:
المشاركة الأصلية كتبت بواسطة ahmedeg1
اقتباس:
المشاركة الأصلية كتبت بواسطة meedo_2010
انتا عاوز تولعها طيب هاتللى اللينك يا معلم
العفو احنا بنهدي النفوساقتباس:
المشاركة الأصلية كتبت بواسطة ahmedeg1
https://www.facebook.com/groups/ProtonClubEgypt/ :36_2_55[1]:
في برنامج اسمه Renault Dialogys ده مخصوص ل LOGAN وال SANDERO ... مجزء العربيه مسمار مسمار ... ممكن حد ينزلوا ويفيد الاعضاء هنا بالحوار ده وفي software لل Diagnosis بتاع العربية كمان
والله اخدت معظم الكلام من علي ليسان الله ينور عليكاقتباس:
المشاركة الأصلية كتبت بواسطة ahmedeg1
هحاول اجيبو وارفع الصور بتاعتواقتباس:
المشاركة الأصلية كتبت بواسطة mohamed_nafie
saga egypt clup مش proton egyptاقتباس:
المشاركة الأصلية كتبت بواسطة ahmedeg1
https://www.facebook.com/groups/2253...ga.Egypt.club/
انا بصيت على العربية من تحت لم اجد اى لحامات واللحام دا مش مكمل من تحت.