عرض للطباعة
فوكاس 2012 ولا فانتازيا 2012 ؟؟؟؟؟ مع العلم اني يهمني جدا جدا مراكز الصيانة و خدمة ما بعد البيع و يهمني الوسع و ارتفاع العربية عن الأرض عشان أنا في الصعيد.....أنا محتار لي 4 شهور بين فانتازيا و قشقاي و سيفيك و فوكاس بس أنا رسيت على مقارنة بين الفوكاس و الفانتازيا....شكراااااااااا اااا
طالما قررت
يبقي فانتازيا 2012
لكن القشقاي انا شايفها انتشرت بسرعه كبيره في القاهره
كلام مظبوطاقتباس:
المشاركة الأصلية كتبت بواسطة hugan
فانتازيا بجد تستاهل كل مليم مدفوع فيها والف مبروك مقدما
فورد فوكس 2012 تقيمها ممتاز بره
انا من اصحاب الفانتازيا وانصح اى مشترى بهذة السيارة العائلية الجميلة
متابع
فوكاس بس قطع غيار نار , و الفانتازيا ممتازة بس هاتها خليجى
فوكاس , شكل احسن وموتور اقوى وتقفيل الماني وقطع الغيار هي هي تقريبا , وارخص من الفانتازيا الهايلاين ال 100 حصان , ما يميز الفانتازيا الانتشار وسعر اعادة البيع , توكيل فورد الجديد كويس ومنزل قطع الغيار باسعار منافسة
هو الفورد الماني !!!!!......الفوكاس ممتازة بس مش ناعمة زي الفانتازيا .بعدين الفانتازيا تحس انها فخمة عن الفوكاس . عيب الفوكاس سعر إعادة البيع و قطع الغياراقتباس:
المشاركة الأصلية كتبت بواسطة mody3on
اه والله الماني تصنيع وتقفيل مش تشيكي , وبعدين مش ناعمة ازاي انت جربتها ؟ انا مش شايف اي فخامة في الفانتازيا اصلا , بالنسبة لقطع الغيار في التوكيل هي هي وممكن الفانتازيا اغلى كماناقتباس:
المشاركة الأصلية كتبت بواسطة ahm662
الفوكاس طبعا افضل
فانتازيا دي عربيه ثابته اه لكن جري لا لا لا (علي راي الاغنيه )
الفوكاس 125 حصان
فانتازيا 107 حصان ومش عارف ازاي دايما بشد مع واحد صاحبي بالكورولا الي معايا 1300 كمان بطير من جنبه بس هو ثبات عني
الفوكاس ثبات عالي يمكن تكون اعلي من الفانتازيا
الشكل موضوع نسبي ولكن اسكودا بتاعت ناس كبيره مش شاب لكن الفوكاس جامعه بين الشبابيه والناس الكبيره
بالنسبه لموضوع اعاده البيع هما الاتنين بيخسروا مبلغ وممكن تكون الفوكاس بتخسر اكتر ولكن انت بتشتري عربيه علشان تبيع تاني يوم امال بتشتري ليه سيبك من موضوع بتخسر ومش بتخسر جيب حاجه تريحك شياكه فخامه رحابه اسعار قطع ممتازه والله في قطع ارخص من الكورولا الي معايا
الي راكبها مش سواق علي فكرا حضرتك انا كنت بحط بالالنترا 2008 علي كرولااقتباس:
المشاركة الأصلية كتبت بواسطة toyota4arab
النترا ماشي هتحط علي 1300 كورولا ماشي لانها خفيفه بردو
لكن تعرف تتكلم مع 1600كورولا 2007 علي ما اعتقد لا
ثم حضرتك الموضوع مش سواق خالص حته فاضيه متسفلته كويس هاديه والاتنين اتوماتيك وانا بدوس بنزين وصاحبي بيدوس بنزين وخلاص ونشوف مين الاسرع وشكرا
يبقي الموضوع سواق ازاي
بص يا باشا الفانتازيا في انظهم في القياده
يعني مثلا دا لو طالع علي الدي اس مش الدي بس معتقدش انه زي ما يكون طالع علي الدي فهمتني وامتي ينقل بنهم دي بردو
الموضوع مش موضوع كل واحد يدوس بنزين
الموضوع موضوع عزم العربيه بيطلع عند كام لفه
انا عزم عربيتي مش بيظهر غير 2500 لفه وعشان اطلع العزم دا بجيب اخر الدواسه واتفرج علي سحبها انما هخدها بالمسايسه والضغط بحنيه مش هتجري
في عربيات زي الفرنا مش بتحتاج كبس وغيرها كل عربيه وطبعها في الجري
يا ريت محدش يتكلم عن الفانتازيا بدون تجربه عمليه للقياده بمختلف الطرق
الفانتازيا تسارعها من 0-100 في 12 ثانيه تقريبا ودا معدل معقول يعني فين مفيش جري والكلام الي بنتكلمه
أنا ركبت فوكاس ٢٠١٠ و فانتازيا ٢٠١١ بصراحة فرق كبير في صوت الموتور (بتاع الفوكاس صوته خشن ) . الفانتازيا كفخامة أفخم بكتير يعني تحس انها فئة أعلي من الفوكاس. من ناحية السحب بصراحة سحب الفانتازيا ممتاز (أنا ركبت الفوكاس مجرد راكب مش سواقة ) . بس حكاية كرولا ١٣٠٠تعدي من فانتازيا (واسعة اوي دي ) الا إذا كان صاحبها خايف يدوس علي البنزين
علي فكره الكورولا الي معايا بتجيب تقريبا من 0-100 في 11ثانيه
انا علي فكره جربت الاوكتافيا فانتازيا اكتر منك وانا متاكد من ده اخويا معاه واحده وصديقي المقرب معاه واحده فركبتها وسوقتها اكيد اكتر من حضرتك وعارف العربيه دي كويس
الفوكاس 2012 متغيره بالكامل في الماتور فبلاش نقول 2010
انا بحب عربيتين في الرينج 180 -190 الف الفوكاس مع خوفي من الفتيس الجديد والسيفيك.مع عدم اقتناعي بشكلها ولكن ركوبه وماتور لا موضوع وحوار تاني
وعلي فكره اه الالنترا عربيه بتجري. وتغلب الكورولا في الجري لكن اليباني يباني يكفي لما تدخل وتشوف خامات التابلوه هتعرف مين الافضل لما تروح تتفرج علي المنتديات السعوديه وتسال عربيتك الكورولا ماشيه كام يقولك 340 الف كيلو ولسه مفيش عمره او خلل وبجيب بيها 210 عادي (الماتور 1600 و1800)
الصراحه انا لغايه دلوقت شايف ان الكوري منظر وجري وماتور طياره لكن فين الامان فين الخامات النضيفه
علي فكره اختي معاها accent rb 2012 يعني انا بقول علي تجاربي
واسف علي الاطاله
على فكرة انا بتكلم عالفوكاس 2012 , عربية تانية خالص وكانت 102 حصان عشان كده سحبها ضعيفاقتباس:
المشاركة الأصلية كتبت بواسطة ahm662
معلش اصلا المقارنة ظالمة للفانتازيا اللي راحت عليها , ممكن لما ينزل الشكل الجديد منها نبقى نقارن , لكن دلوقتي الفوكاس الهايلاين ب 185 الف والفانتازيا هايلاين ب 215 الف يعني فرق 30 الف , ده غير ان الفوكاس الماني و 125 حصان والفانتازيا تشيكي و 102 حصان
الفانتازيا ألمانى مش تشيكى ........ سكودا تابعة لمجموعة فولكس فاجن الألمانية منذ عام 1991
اي كان مكان المصنع يا جدعان الانتاج تحت رعاية vw يعني الماني في اعتراض علي كدا
انا عربيتي في اجزاء منها عليها علامة فولكس واودي ودا فعلا تم انتاج العربيه تحت رعايتهم
سكودا تشيكي والله , مش عشان تبع vw تبقى الماني ماهي القشقاي نيسان يعني ياباني المفروض لكن هي بتتقفل في انجلترااقتباس:
المشاركة الأصلية كتبت بواسطة HAITHAM1985
طبيعي السكودا يكون فيها قطع فولكس لانها نفس شاسيه الجيتا بس تقفيل تشيكي
الانتاج بيبقى تحت رعاية سكودا مش vw , ومفيش سكودا بتتصنع في المانيا اساسا لانها مبتنزلش في المانيااقتباس:
المشاركة الأصلية كتبت بواسطة AhMeD MeTwAlY
بالظبط كدهاقتباس:
المشاركة الأصلية كتبت بواسطة mody3on
History موقع سكودا دولة قطر
http://en.wikipedia.org/wiki/%C5%A0koda_Auto
بشمهندس مش بجيب حاجه من عندي يا ريت تشوف الرابط وبعدين تتكلم وانزل لاخر سطر موجود
هو حد قال انها مش تبع vw يا باشا ؟اقتباس:
المشاركة الأصلية كتبت بواسطة AhMeD MeTwAlY
طب بص في اللينك بتاع وكيبيديا positioned as the entry brand to the group يعني اقل ماركة في الجروب كله :)
ومكتوب كمان في اللينك بتاع حضرتك
Manufacturing facilities in China, Czech Republic, India, Kazakhstan, Russia, Slovakia, Ukraine
فين المانيا في دول معلش ؟
وعلي اساس ان فولكس دلوقت كويسه بالفتيس اﻷي مش مناسب مصر خالص
دي عربيات تحزن بتخسر ب80000الف جنيه بسبب الفتيس
انا عارف ان الاوكتافيا فتيس اتوماتيك عادي
بالمنطق والعقل استحالة انى الفورد فوكاس تتفوق على الاسكودا اوكتافيا بجميع المقايس
وده كلام برده عن تجربية للعربيتن فى الامارات وسفر شبه يومى بيهم من دبى لابو ظبى
lol , على اساس ايه ؟ حضرتك جربت الفوكاس الجديدة اصلا ؟اقتباس:
المشاركة الأصلية كتبت بواسطة samoreception
طيب حضرتك ايه اللي يميز الاوكتافيا عن الفوكاس لو كنت بتتكلم على الفوكاس 2012
بص حضرتك انا مش هتكلم فى فنيات لانى مش خبير قوى فيها
بس كل اللى اقصدة (الركوبة) يعنى الراحة والثبات والتحكم فى العربية على سرعات عالية
وبالنسبة لى الاسكودا افخم من جوة ومن بره وخاماتها احسن بكتير
شباب خلينا نلخص الحوار اللي فات لان صاحب الموضوع هيتوه
-اسكودا عربيه جميله ومريحه وعمليه ولكنها بطه وغير مؤهله للجري مع التالي ذكرهم
-فوكاس 2012 حصان رابح بكل المقاييس فشكل واداء واتزان وتقفيل وقطع غيار ارخص من الفانتازيا
العربيتين القادمين انا بحبهم وعايز ادخلهم المقارنه
-تويوتا كورولا 2012 highline دعونا ننسي 2008 و 2009 و2010 و 2011 كمان بالمره عربيه دي مع والدي وبسوقها علطول بصوا انى هقول كل حاجه بصراحه
1-هاديه لدرجه رهيبه
-ماتور قوي جدا بجد تسارع مدهش
--ثبات هائل نظرا الي الجنوط 16
-عفشتها مش هقول غير انها تويوتا حتي مع الجنط شعور جميل بالهدوء والثبات والقوه
-بجد المنتدي انا شايف انه ظالمها
تاني عربيه عايز ادخلها المقارنه
الهوندا السيفيك 2012
عربيه قويه انا بعتبرها اقوي 1600 في مصر بدون شواحن ولا اي حاجه
-شكلها مش حلو من بره انا معاكم الشكل القديم احلي
-الداخليه طياره بجد
-واسعه جدا من جوا
نسيت اقول حاجه فتيس الفوكاس جديد وانا بقلق
تمام ده الكلام المظبوط ... ده تابلوه الفانتازيا افخم من الباسات ... فوكاس ايه بس الللى افخم !!!!!
من وجهة نظرى الخاصة الفانتازيا طبعا
الفانتازيا طبعا
شكرا جدا يا شباب......ردودكم كلها مفيدة....بس للأسف استقريت على نيسان قشقاي...زي انتخابات الرئاسة....مناظرة بين أبو الفتوح و عمرو مويى و الاعادة بين شفيق و مرسي....هههههههههههههه
شكرا جدا....و تعبتكم معايا
قشقاى
الف مبروك وربنا يتم بخير
قشقاى ...... يا جماعة بيننا جاسووووووووووووس يابانى .....هههههههههههههههههه
ههههههههههههههاقتباس:
المشاركة الأصلية كتبت بواسطة thomasnader
انا كمان كنت بقارن قاشقاى و فانتازيا وفوكاس وفى الاخر......................اشتريت بيجو :10D5C8w1107: