الموضوع: تسارع عربيتي من 0- 180 بس... ؟

النهاردة وانا راجع من اسكندرية قولت اعمل اختبار للعربية خصوصا اني بقالي كتييييير مسفرتش بيها ودايما معايا العربية التانية

العربية موديل 2009 واجا اوتوماتيك
عاملة 42 الف كيلو
حالة الكاوتش زفت والجنوط كمان

حبيت اجرب التسارع بعد ماغيرت فلتر الهواء وظبطت الكاوتش وكله تمام

waja 0-180 - YouTube

طبعا اللي هيسمع الصوت في العربية وانا قافل الازاز هيفتكر ان ده مشهد من فيلم جحيم تحت الماء
الموتور صوته عالي جدا وصوت هوا جامد جاي من الازاز القدام يمين وشمال بسبب التصليح المتكرر للازاز والمكن

وكمان حاسس ان السحب مش اللي هو بس ده ان شاء الله مع الوقت والسفر يبقى احسن

طبعا الثبات على السرعة دي تقريبا مفيش خصوصا ان الجنوط معووجة وكمان المقص اليمين قدام عايز زرجينة عشان العجلة راجعة لورا سيكا
بس سبحان الله خدت غرز غريبة
ونستنتج من هنا ان العربية على الطوالي مش مظبوطة بس في الغرز ثابته ( حاجة غريبة )

طبعا وانا جاي على المحور لقيت جيتا جنبي وطلعنا انا وهو المحور وعلى سرعة 90 كنا جنب بعض
وفجأة سمعت صوت موتوره بيجعر قولت مبدهاش انا كمان .. جبته وعديته بعد ال 150 بس للاسف حصل اللي كنت خايف منه

واحدة ماشية بأكسنت نبيتي على المحور وانا جاي سريع على 150-160 تقريبا
مبصتش في المرايا بتاعتها وكسرت عليا راحت طيرت المرايا بتاعتي

طبعا وقفت على جنب راحت جات وقفت قدامي
روحتلها لقيتها نزلت وقولتلها هو مش في مرايا بردو؟
قالتلي انا اسفة جدا انا اختي تعبانة وعملت حادثة وهيا في المستشفى دلوقتي وانا رايحة وقعدت تتأسف كتيير قولتلها الحمد لله ان محدش حصله حاجة وان انا وانتي كويسين والحمد لله انها جات على كدة .. قولتلها تقدري تمشي والف سلامة على اختك ( هيا كان شكلها بنت ناس جدا ) لو كنت طولت معاها في تعويض مككانتش هتقول لا بس بصراحة خلتها تمشي عشان تلحق اختها
وحظي السيء ان المفروض ان المرايا بتاعتي انا اتقفلت وهيا اتفتحت .. انا كنت جاي من ورا
الغريبة ان مرايتها سليمة مفيهاش حاجة الا خدوش .. وانا مرايتي وقعت في نص الطريق ورجعت حوالي 500 متر بالعربية عشان اجيبها
الحمد لله القاعدة اتكسرت ودي هنزل اجيبها من محل المدينة ب150 جنيه زي اختها الشمال :))

المشاركة الأصلية كتبت بواسطة lanos2004

معلش بس هوة الماتور كام سى سى وكام حصان للعلم --هيه الى 160 كانت حلوة قوى لحد 180 ريحت شويه

1600 سي سي
110 حصان
بس من غير ال iafm وده تعديل مش موجود في الواجا زي ماموجود في الجين2

المشاركة الأصلية كتبت بواسطة ahmedsamir5edr

انت عا رف لو كانت قفلت عليك خالص علي السرعه دي كان حصل ايه ؟؟

كنت انت هتموت و هي كمان ممكن تموت !! و شوف حسره اهلها و اهلك !!

انا عارف
الحمد لله انها جات سليمة
اللي خلاني اجري كدة ان الدنيا كانت فاضية
بس ربنا سترها والله يجازيها