ارجوكم تساعدونى فى m11
انا هشتريها جديد موديل 2012
وهستلمها كمان يومين من المصرية
عايز نصيحتكم وهل المشاكل اللى كانت فى
الموديلات القديمه اتحلت فى الموديل 2011
وشاكر افضالكم
عرض للطباعة
ارجوكم تساعدونى فى m11
انا هشتريها جديد موديل 2012
وهستلمها كمان يومين من المصرية
عايز نصيحتكم وهل المشاكل اللى كانت فى
الموديلات القديمه اتحلت فى الموديل 2011
وشاكر افضالكم
اتكل على الله وربنا يوفقك ويباركلك فيها .. بقالها معايا سنة بالظبط موديل 2011 عاملة 13,000 كم والحمد لله عربية محترمة
مفيش شك انها لاتخلو من المشاكل لكن كلها بسيطة واتحلت فى التوكيل والحمد لله .. معرفش مشاكل موديل السنة اللى فاتت اتحلت ولا لأ فى موديل السنة ممكن حد من الاخوة الاعضاء يفيدك اكتر
وانت بتستلم خد اخوك او صديق معاك يكون بيفهم فى العربيات وراجع كل حاجة فى العربية شوفها شغالة وسليمة ولا لأ ولو فيها حاجة واحدة بسيطة بس متمضيش على محضر الاستلام وخليهم يغيروا العربية خالص .. يعنى شوف كل انوارك وفوجاتك واشاراتك والتابلوه وتكييفك ومروحتك ومراياتك الكهربا والكاسيت وجرب كل حاجة فيه ومساحاتك وشنطتك واوكر الابواب من برة وجوة والسنتر والشنطة والكبوت افتحه بص جوة شوفه نضيف ولا فيه حاجة مسربة زيت ولا مية واتاكد ان مفيش خدوش نهائى فى العربية والريموت بتاعك انه شغال تمام وان الانتينا موجودة والاستبن جنط من نفس نوع جنوط العربية وشنطة العدة والكوريك وشوف عداد العربية عامل كام كيلو ميكونش رقم مبالغ فيه .. بص من الاخر راجع العربية فى ربع ساعة كده ولا تلت ساعة قبل ما تمضى وربنا يوفقك فيها
تحياتى
مشكوووووووووووووووووووور استاذ خالد
ربنا يوفقك فى الاختيار وهيا معايا بقالها حوالى 8 شهور وعامله حوالى 17 الف كيلو وماشاء الله عربية محترمة زى ماخالد قالك كدة وربنا يباركلنا فيها ويباركلك وياريت متنساش كمان بعد ماتشيك عالعربية بالكامل تاخد منهم الكتالوج الخاص بيها لان ساعات بيستهبلوا وياريت تركز اوى فى تقفيل العربية وتبص على تقفيلة الشنطة والكبوت وميكونش فية مسافة فى حته والتانية مضبوطة لان زى ماحضرتك عارف التقفيل المصرى لازم يطلع فية افتكاسات زى ماطلع معايا فى شنطة عربيتى وماخدتش بالى غير من بعد ماستلمت .. وخد معاك كمان سى دى وفلاشة علشان تجربهم
متااااابع
الف مبروك مقدما وان شاء الله تكون خير عليك وربنا يحفظهالك ... العربية معايا بقاله سنة بالظبط وعامل 9200 ... وكل المشاكل اللي قابلتني فيها بسيطة جدا وبتتحل في الصيانه الدورية ... زي ما الشباب قالولك افحص العربية كويس وراجع علي كل حاجة فيه وما تستعجلش وانت بتستلم ويفضل انك تستلم في ضوء النهار علشان كل حاجة تبقي باينة وواضحة قدامك جوه وبرا علشان لو فيه خدش في الصاج او فرق تقفيل جوه العربية بيبان اكتر في ضوء النهار ومبروك عليك مرة تانية
ممكن اعرف ايه العيوب اللى موجوده فى التقفيل علشان انا لاحظت فيه فروق فى تقفيل الزجاج الامامى والخلفى
توكل علي الله
عربية كويسة
14000 مبروووك
والعربية دى نا بحبها اوى بس لما تسنلم ان شاء الله ادينى لفة ههههههههههههههههه
العربيه كويسه بس التوكيل وحش وأسعاره غاليه