تغيير الزيت قبل موعده غير مستحب ..... هل هذا الكلام صحيح؟؟

كنت بتجول في المنتدي ولقيت مشاركه من احد الاعضاء الكرام ده محتواها

اقتباس:

---

انا لست خبيراً فنياً في ميكانيكا السيارات، و لكن ذات مرة حدث حوار مع أحد مهندسي السيارات، و قد تمحور هذا الحديث حول عملية تغيير الزيت و خصوصاً قبل الميعاد، و قد أكد ذلك الرجل أن تغيير الزيت قبل الميعاد امر غير مستحب و قد يمثل خطورة على المحرك، لأنه يقلل من ترسيبات الكربون و التي بدورها قد تزيد من تآكل الأسطح الداخلية للمحرك، و تعقيباً منه ، ان زيت المحرك ذو طبيعة حمضية و لو لم تكن هناك طبقة عازلة من الكربون لزاد ذلك من تآكل المحرك نظراً لتلك الحامضية.

---

فهل الكلام ده صحيح ولا لأ؟؟

قراءت موضع حضرتك على عجل

واسمح لى بالعوده بإذن الله تعالى مره اخرى عند عودتى من الخارج
ومن واقع تجربتى مع تغيير الزيت سوف افيد حضرتك

لك تحياتى

اقتباس:

---

المشاركة الأصلية كتبت بواسطة _hema

قراءت موضع حضرتك على عجل

واسمح لى بالعوده بإذن الله تعالى مره اخرى عند عودتى من الخارج
ومن واقع تجربتى مع تغيير الزيت سوف افيد حضرتك

لك تحياتى

---

شكرا لمرورك وفي انتظار الرد

اخى الكريم

السلام عليكم ورحمة الله وبركاته

من خلال تجربتى الشخصيه منذ عام 98 لسيارتى 128 نوفا الى ان بعتها عام 2011

اسرد لحضرتك مايلى

بالنسبه لزيوت السياره

اولاً: زيت المحرك

* فى البدايه كنت بغير زيت موبيل او شل او اسو اللى بيتغير بعد 3000 كيلومتر وكل 3 غيارات زيت يتم تغيير فلتر الزيت وكنت مع كل غيار بكتب قراءه العداد على اساس ان يتم التغير فى حدود الـ 3000 او اقل قليلاً او ازيد قليلاً. وبعد ذلك تحولت الى تغير زيت التعاون كل 2000 نظراً لوجود دخنه بيضاء خفيفه ظهرت فى الشكمان عام 2010 وبعد ان تم اضافه زيت غسيل الموتور وهى كانت غلطه.وحطيت مره واحده بس موبيل 1 ومكررتوش تانى

* عند تغيير الزيت احيانا كنت بغيره قبل تمام الـ 3000 او الـ 2000 بمائه او مائتين كيلو وذلك فى حاله واحده فقط وهى انى على سفر ومشوار السفر ممكن يعمل من 700 الى 800 كم فكنت بخلينى فى الاضمن واغير الزيت.

* اما عندما يحل ميعاد تغيير الزيت الـ 3000 او الـ 2000 اللى بدأت اغيره من التعاون فكنت احيانا بتأخر عالزيت من 200 الـ 500 كم او 700 احيانا بس مكنتش بتأخر عن كدا لان الزيت له معدل اما ن يتم تغييره فيه بعد ذلك الزيت بيكون عامل فى الموتور زى الميه يعنى ملوش لازمه. والتأخير دا بيبقى فى الشتاء فقط اما فى الصيف فأقصى تأخير عالزيت كان بيقى تقريباً 300 كم

ثانياً: بالنسبه لزيت الفتيس

زيت الفتيس كان كل مرتين او ثلاثه فى تغيير زيت الموتور كنت بكشف عن زيت الفتيس ولو كان فيه نقص كنت بزوده وزيت الفتيس او الموتور لاينقص الا اذا كان فى تسريب
وزيت الفتيس منكتش بغيره الا اذا كنت هافك الموتور وبالتالى هينزل زيت الفتيس لان طبعاً لما كنت بحب اغير مجموعه الدبرياج كان لازم يتفك الفتيس وطبعاً زى ما حضرتك عارف ان اكتر حاجه بتستهلك فى المانيوال هى اسطوانه الدبرياج نظرا للزحام الموجود فى البلد.

ثالثاً : زيت الفرامل( الباكم)

وهو ايضا من الزيوت التى لها منسوب يجب المحافظه عليه ودى برضوا لاتنقص الا فى حاله واحده لو الميكانيكى حب ياخد هوا فرامل العجل والزيت دا يباع فى علبه صغيره ويتم زياده زيت الفرامل من خلال خزينه الزيت( الباكم ) الموجوده بالموتور مع الحذر كل الحذر اثناء زيادته من ملامسه جسم السياره وحال حدوث ذلك يتم رش مياه مكان وقوع هذا الزيت

هذا كل مالدى عن الزيوت


واتمنى ان اكون قد افدت حضرتك

اقتباس:

---

المشاركة الأصلية كتبت بواسطة _hema

واتمنى ان اكون قد افدت حضرتك

---

:plusone2::plusone2::plusone2:بصراحه شرح ممتاز وكلام لا يعلي عليه:plusone2::plusone2::plusone2:
:Bravo:جزاك الله خيرا:Bravo:

اقتباس:

---

المشاركة الأصلية كتبت بواسطة ahmad550

:plusone2::plusone2::plusone2:بصراحه شرح ممتاز وكلام لا يعلي عليه:plusone2::plusone2::plusone2:
:bravo:جزاك الله خيرا:bravo:

---

وجزاك الله تعالى كل الخير
اشكرك على عطر كلامك

لك منى كل المنا