الموضوع: هبوط سعر الذهب

المشاركة الأصلية كتبت بواسطة amro_on

شكرا يا باشا بس ليه السعوديه

علشان فعلا انت لو قارنت الجنيه السعودى بالمصرى حتحس ان السعودى مايل للاصفرار فعلا زى ما اخ هنا قال و بيتباع هوا و الجوهرجيه بيموتو عليه

المشاركة الأصلية كتبت بواسطة moustafa_saad

انا عاوز اشترى شبكه على اخر السنه
بس مش عارف اجيب من عندى هنا من السعوديه ولا اشتريها لما ارجع مصر

ازيك يا مصطفى ترجع بالسلامه اخبار العمليه الليزك اللى فى عنيك عامله ايه دلوقتى نصيحه هات جنيهات من عندك لان انت ممكن تجيب شبكه ما تعجبش العروسه او ممكن تجيبها و تبعها هنا و حيخصم المصنعيه طبعا

المشاركة الأصلية كتبت بواسطة sha2e

الدهب السعودي جودته اعلى بكتير من الدهب المصري الحديث بتاع الشركات ( الدهب المصري دلوقتى معدتش تصنيع ورش يدوي زي زمان كله بقى انتاج مصانع استثماريه )
من حوالى شهر كنا بنبيع شوية دهب كان من السعوديه واشترينا دهب مصري جديد
لاحظت ان الدهب السعودي برغم انه قديم لكن فيه لمعه واضحه ولونه مايل للاصفر أكتر فى حين ان الدهب المصري برغم انه جديد لكن تحس ان مايل شويه للاحمرار برغم ان الاتنين عيار 21
ولاحظت ان بتاع الذهب هيموت وياخد كل الدهب السعودي الى معانا
لما سألت عن الموضوع ده فى ناس بيقولوا - الله اعلم بصحة الرأى ده - ان الذهب المصري بيكون فيه نسبة نحاس أكبر من الذهب السعودي عشان كده فى جواهرجيه بيبقو هيموتو على الذهب السعودي الاصفر
وعلى فكره فى السعوديه بيكون الذهب ارخص فى سعر الجرام والمصنعيه لأن هنا بيضيف فوق سعر الجرام 2.5 جنيه ختم وضريبه وبعدين يضيف عليهم 5% مصنعيه

الله ينور عليك هو ده الكلام مع العلم كل اللى معايا 2 جنيه و حططهم تحت البلاطه