الموضوع: ايه مشكله ان انا اشيل تلاجه التكييف السخن

افيدونا افادكم الله

بس هو ال heater (السخان) باظ ليه؟؟ هل إتخرم ولا بارومة في الكوعة بتاعته؟؟

أساساً .. إحنا قلما نستخدم التدفئة في تكيف العربية.
وعموماً مفيش أي مشكلة بتاتاً من إزالة الهيتر من دايرة تبريد المحرك.

المشاركة الأصلية كتبت بواسطة ahmedfouad

هى المشكلة الوحيدة ان الجزء ده وان كان سعته صغيرة الا انه جزء من دورة التبريد ولما بنلغيه لحد ما دورة التبريد حجمها بيقل فبيأثر شوية على كفائة التبريد بتاعة المحرك بس مش التأثير القوى والله اعلى واعلم

مافيش اى قلق او مشاكل نهائى من لغى التكيف السخن اللى هو اصلان الدائرة بتاعتة مغلقة طول الوقت ولا يعتبر زى اى تأثير فى التبريد لان المياة لا تمر فى الدورة إلا فى حالة فتح صمام الدورة لما تحب تشغل السخن فقط غبر كدة لا يمر بها المياة اصلان (لا تقلق).

الراجل الى لغاها عمل الصح
و طالما هية بايظة يبقى كدة تمام لانها ممكن لو اتخرمت تلاقى مية الرادياتير خرت داخل العربية لان الدورة بتاعت المية الساخنة كانت بتدخل سربنتينة الساخن .
مفيش مشكلة و لعلمك حا تلاحظ نسبيا ان التبريد بقى افضل شوية لان سربنتينة الساخن بتعمل تبادل حرارى مع سربنتينة البارد و بتأثر نسبيا عليها

دة شكل توضيحى للهاوسنج الى راكب خلف التابلوة و فى الصزرة حا تشوف سربنتينة الساخن




و دة شكل الهاوسنج و المكان الفاضى دة الى بيركب فية التلاجة سربنتينة البارد يعنى





و دى التلاجة او سربنتينة البارد و بتركب فى المكان الفاضى فى الصورة السابقة و علشان كدة بيبقو قريبين من بعض و لما بتلغى الساخن مفيش أى حرارة بتاثر على تلاجة البارد نسبيا .