الموضوع: عايزكم فى كلمتين

المشاركة الأصلية كتبت بواسطة fisha

ازايكم عملين ايه نخش فى الموضوع

دلوقتى انا إن شاء الله ناوى اجيب عربية حلوة كدا انا لسا شاب فى الجامعة

انا رسيت على الابيزا 94 بس حاسس ان 55 حصان ضعيف شوية الموتور و كمان سمعت انها بتسخن بسرعة اوى و شوفت بردو البونتو 94 وشكلها عجبنى اكتر و من جوة بردو عجبتنى اكتر بس فى ناس بتقول قطع غيارها مش كتير و اغلى و مش اى ميكانيكى بيفهم فيها و كمان هيا 75 حصان يعنى اقوى من الابيزا

انا بجد مش عارف مين احسن انا ميال اكتر لى البونتو بس خايف من الكلام الى بيتقال عليها فا انا حابب اخد رئيكو فى الاتنين

و شكرا ليكو

اولا اهلا بيك في قسم سيات

ثانيا انا هتكلم عن الي يخصني فقط وهي السيات الأبيزا

السيات اولا مش بتسخن over heat
هي بتسخن يمكن اكتر من الكوري والياباني بس دي طبيعة الموتور ومفيش اي ضرر من السخونية طالما الدورة تمام وشغالة كويس

كمان 55 حصان مش قليل ولا حاجة
العربية بتجري وبتسد قدان اتخن تخين طالما مظبوطة والكربراتير مظبوط

الأبيزا قطع غيارها متوفرة جديد واستيراد وليها بدائل كتير من البولو والجولف
وكمان سعرها مناسب مقابل العمر الأفتراضي

الميكانيكي بتاعها مش نادر ولا حاجة
لو انت قريب من المصر الجديدة عندك في عين شمس والحرفيين

ولو قريب من الجيزة في عندك في الهرم

ولو لفيت شوية هتلاقي في كل حتة ميكانيكي فولكس

ربنا يوفقك
وصلي استخارة

وان شاء الله الي فيه الخير يقدمه ربنا

والله المستعان
،
،