شقة العمر 203 م التجمع الخامس النرجس فيلات 2

فرصة بجد ومن المالك مباشرة
شقه 203 متر بالاضافة لحصة في الجراش لعدد عربيه واحده وكمان غرفة مخزن في الجراش 18 متر مربع
الشقه بالكامل بحري - 3 نوم - 3 حمام - مطبخ - ريسيبشن 3 قطع مستريح - بالاضافع لغرفه رابعه ليفينج
الدور التاني - والفيلا ساكنه - استلام فوري - نص تشطيب على المحاره
قطعه رقم 333 - النرجس 2
خطوات من شارع التسعين حوالي 500 متر من التسعين الرئيسي والليك فيو والفندق العالمي
من التراس تشاهد التسعين والليك فيو والفندق العالمي
غير مجروحه نهائي وتطل على شارع عمومي عريض جدا عمودي على التسعين الرئيسي
عداد الكهرباء راكب
المطلوب 750 الف جنيه مصري وممكن تسهيلات على سنه وقابل للتفاوض - مرحبا بالوسطاء
مهندس عبدالرحمن 01115585586
او الاتصال الرائد حسام 01005557021 \
01065003050

ملاحظه - انا مالك الشقه ولست سمسار :36_2_55[1]:

موفق فى البيع انشاء الله يا باشمهندس

جزاك الله خيرا

ربنا يوفقك يا عبد الرحمن يا صديقي الغالي

موفق ان شاء الله
صديق لوالدى فى نفس المكان ده
مكان مميز بجد

هل من الممكن البدل بشقة اخرى ودفع الفرق

اقتباس:

---

المشاركة الأصلية كتبت بواسطة abdelaziz-waleed

ربنا يوفقك يا عبد الرحمن يا صديقي الغالي

---

السلام عليكم ورحمة الله وبركاته - وليد حبيبي ربنا يكرمك - واحشني جدا جدا جدا:Copy of m-s5::beat5:

اقتباس:

---

المشاركة الأصلية كتبت بواسطة tananybasha

موفق ان شاء الله
صديق لوالدى فى نفس المكان ده
مكان مميز بجد

---

جزاك الله خيرا ا\محمد - شكرا لذوقك

بسم الله ما شاء الله .. ربنا يبارك للبائع و المشتري.

اقتباس:

---

المشاركة الأصلية كتبت بواسطة samoreception

هل من الممكن البدل بشقة اخرى ودفع الفرق

---

السلام عليكم ورحمة الله وبركاته - اخي الحبيب معلش والله محتاج الفلوس - ربنا يكرمني ويكرمك ان شاء الله:36_2_55[1]:

جزاكم الله خيرا جميعا

السلام عليكم ورحمة الله وبركاته.
اظاهر فعلا السوق مش نايم بس ده في غيبوبه كامله - الناس خايفه تعمل اي حاجه اليومين دول - الله المستعان

يا فندم شقه زى دى هتاخد وقت كبير على متتباع
برضو مليون الا ربع فى الوقت ده مبلغ صعب التفريط فيه محدش عارف الجى شكلو ايه
ربنا هيرزقك باذن الله خير اتقل و الله المستعان

والله انا لو معايا الفلوس كاملة كنت خدتها لانها شقة ما شاء الله زى الدهب كل ما تقعد تغلى وربنا يباركلك فيها بجد

اقتباس:

---

المشاركة الأصلية كتبت بواسطة minicooper20

يا فندم شقه زى دى هتاخد وقت كبير على متتباع
برضو مليون الا ربع فى الوقت ده مبلغ صعب التفريط فيه محدش عارف الجى شكلو ايه
ربنا هيرزقك باذن الله خير اتقل و الله المستعان

---

السلام عليكم ورحمة الله وبركاته.
كلام حضرتك صح 100% - اكيد طبعا المبلغ مش سهل والناس فعلا خايفه تاخد اي خطوه على الرغم من اني مقتنع ان العقار دايما بامر الله طبعا - اامن استثمار - وعلى فكره انا شاري كاش من سنه تقريبا - يعني بعد الثوره - وكنت برتب اموري على انها شقة العمر - بس سبحان الله تاتي الرياح بما لا تشتهي السفن - ومضطر للبيع - والله المستعان - شكرا لحضرتك:w_030:

اقتباس:

---

المشاركة الأصلية كتبت بواسطة samoreception

والله انا لو معايا الفلوس كاملة كنت خدتها لانها شقة ما شاء الله زى الدهب كل ما تقعد تغلى وربنا يباركلك فيها بجد

---

السلام عليكم ورحمة الله وبركاته.
شكرا لحضرتك وربنا يرزقك يارب بالي تتمناه - قليل جدا انك تقابل مشتري او شخص لديه الرغبه في الشراء ويشكرلك في الحاجه بتاعتك الي بتتباع - جزاك الله خيرا - حضرتك عارف للاسف نسبة من الناس عند شرائها لحاجتك بتحاول دايما تبخس بيها الارض - انا شاري من سنه تقريبا كاش وقدر الله سبحانه وتعالى اني مضطر للبيع - ولاني مش تاجر او سمسار - عاوز ابيع كاش - وبعدين لما لقيت الموضوع تقيل بسبب حجم المبلغ وظروف البلد وخوف الناس - قلت خلاص اخد جزء واقسط الباقي على سنه او سنه ونص - وربنا يكرمني ويكرمك باذن الله:8941[1]:

اقتباس:

---

المشاركة الأصلية كتبت بواسطة kar!m

بسم الله ما شاء الله .. ربنا يبارك للبائع و المشتري.

---

السلام عليكم ورحمة الله وبركاته.
شكرا لحضرتك وجزاك الله خيرا :Bravo:

متتوقعش تبيع حاجه بتلات اربع مليون هنا الناس هنا شباب و طلاب

حاول تنزلها اعلان في اكتر من موقع يا عبد الرحمن زي مصراوي والوسيط وربنا يكرم ان شاء الله ويجيلها شاري
وتبيعها باحسن سعر يرضيك ان شاء الله

باشا لو تفاوضنا فى السعر وووصلنا لسعر مرضى
هتقسط كام و تاخد فى الاول كام نسبه مئويه قصدى يعنى
و هتمشيها شهرى و لا نص سنوى و لا سنوى
و هل هتضيف فوايد و لا بسعرها ؟

بالتوفيق ان شاء الله

كأنك بتبيع الشقة الي طول عمري بحلم بيها
ورب الكعبة انا لو فلوسي كاملة مكنتش اتأخرت وانا زيك عارض شقه ليا في فيصل ولسة متبعتش علشان عايز شقة ف التجمع
علي العموم ربنا يكرمك ويكرمنا جميعا

اقتباس:

---

المشاركة الأصلية كتبت بواسطة ahmedaglan

كأنك بتبيع الشقة الي طول عمري بحلم بيها
ورب الكعبة انا لو فلوسي كاملة مكنتش اتأخرت وانا زيك عارض شقه ليا في فيصل ولسة متبعتش علشان عايز شقة ف التجمع
علي العموم ربنا يكرمك ويكرمنا جميعا

---

السلام عليكم ورحمة الله وبركاته.
ا\احمد
ربنا يكرمني ويكرمك يارب ان شاء الله بالحاجه الي نتمناها - والله انا لو ماكنتش محتاج الفلوس كنت قسطت على سنتين او ثلاثه بس للاسف محتاج الفلوس او الجزء الكبير من المبلغ 500 والباقي على سنه او سنه ونص بالكتير - لحاجتي الضروريه - الله المستعان
مش هامدح في المكان علشان الشقه تتباع بس بجد انا قعدت تقريبا 10 شهور بدور بجد لغاية ما لقيت الحاجه الي ترضيني وعلى قد فلوسي والمكان فعلا مميز جدا - الفيلا في نص الطريق ما بين شارع التسعين الرئيسي والليك فيو والفندق العالمي ومن الناحيه التانيه المدرسه الامريكيه ومسجد كبير جدا زي فاطمة الشرباتلي كده بس لسه المسجد بيتبني حاليا:Bravo: