كنت بشوف الكلمة دى كتييير (ركوبةعايز اعرف ايه اللى يميز عربية عن عربية و برضك مفهوم متعة السواقة
انا مبسوقش كتير بس مش عارف افهمها
عرض للطباعة
كنت بشوف الكلمة دى كتييير (ركوبةعايز اعرف ايه اللى يميز عربية عن عربية و برضك مفهوم متعة السواقة
انا مبسوقش كتير بس مش عارف افهمها
ممكن نختصرها فى 3 حاجات مهمين اوى
الراحة من عفشة العربية وتعاملها ممع المطبات والنقر واحساسك بيهم
التسارع
الثبات
هقولك رأيي المتواضع اللي كنت بشعر فيه لما كانت معايا الاودي لحد وقت قريب ومن تجربة دامت سنة ونص طلعت بالتالي /
1.انك تحس بالامان بعربيتك من ناحية فرامل وسيطرة وعزل عن المحيط الخارجي من دوشة وحر وزحمة وده بصراحة متحسوش اوي قد ما يكون بعربية الماني بغض النظر عن النوع.
2.ان كل تجهيزات العربية وكماليتها تحت ايديك بلمسة مع توزيع جمالي ومحسوب لكل شي بالعربية بحيث انك تستخدمها بدون ما تتشتت وانت سايق ولا تحتاج تدور لسه فين وليه وازاي زي في عربيات كتير التجهيزات بتكون متوزعة بشكل غبي وغريب .
3.انك متحسش وانت سايق باهتزازات الطريق والميلان الكثير بالعربية سواء على سرعة عادية او متوسطة ,
4.انك تكون متاكد ان عربيتك بيها كل وسائل الحماية والامان من ايرباج وفرامل مانعة الانغلاق وفرامل مانعة انزلاق وخلافه ده بيديك ثقة اكبر وتاكد ان كل شي قدر بالنهاية.
5.ان العربية اي وقت تحتاجها فيه شتاء ولا صيف ليل ولا نهار تدور من اول لمسة وتكون جاهزة تحت ايديك على طول .
6.ان عربيتك طبعا تساعدك وتمشي معاك زي منت حابب وقت السحب تسحب ولا حد يسد قدامها ووقت ما عايز تمشي بالراحة توفر بالبنزين وتحسش بصوت الموتور ولا كانها ماشية.
واخيرا الشكل الجمالي طبعا للعربية ومظهرها الشيك وده بيختلفوا عليه الناس من ذوق لذوق اخر.
معادلة صعبة مش كده ؟؟ اي موديل لو صيني وفرها لي بنظري هتكون احسن عربية
ودول الحجات اللي طلعت بيهم من التجربة واللي اتمنى الاقيها بالالنترا الجديدة لاني لسه مجربتهاش . والاخوة يفيدوك اكثر.
يعنى تركبها ما تبقاش عايز تنزل منها
تحس انك واخد عليها حتى من اول مرة تسوقها
ناعمة وسلسة كدة وعلى طول فاهماك
سحب وجري تلاقى فرملة وقت مانت عايز تلاقى وطبعا شعور بالامان وثبات تحت اي ظرف وصوت الموتور حلو وتستمتع بيه في السحب وعزل عن البيئة الخارجية وعن صوت الطريق وعن الصوت المزعج للموتور ، وعفشة مريحة ووضعية قيادة مريحة ما تتعبش منها خصوصا بعد المشاوير الطويلة ..
اي عربية تحقق نسبة كبيرة من الحاجات دى يطلق عليها عربية ركوبة :d
صعب حد يقدر يوفي الاحساس بالكلمه دي
اركب عربيه من العربيات الفخمه وهتحس بمعني الكلمه دي
مش هتقولها الا لما تركب عربية تتعب فيها من الركوبة
وصوت الماتور والعافشة والثبات السئ وكل شئ تحس انه مش متناسق مع بعضه
بص يافندم ... الفرق بين عربية والتانيه رغم ان دي عربية ودي عربية ، تماماً زي الفرق بين اكلة والتانية مانتا عدم المؤخزة ممكن تجبلك طبق فول بالبيض وتقعد تغمز ... وفي اكلة تانية تجبلك ربع ولا نص كباب كده او حتت موزة وتقعد كده أيه يا معلم تاكول والسلطات والباب غنوج وتحلي كمان بعد الاكل ...
كزالك هو الحال في العربيات ... مش كل العربيات زي بعضها ... في عربية تسوقها وتنزل منها ظهرك متكسر وتقول يااااااه اخيراً وصلت وفي عربية كده بتستمتع وانتا سايقها وتقول يالي طووووووووول ... وحتى وانتا نازل منها عنيك مش قادرة تفارقها ... وشوية شوية هتقولها هتوحشيني خلي بالك من نفسك لو في حد قربلك قوليلي زمري او شغلي سرينة ... وانا هجيلك على طول ...
في عربيات ياريس تحس وانتا ركبها بأحساس غير غير غير . العربية كلها بتقولك انا كلي على بعضي ملكك أعمل فيا الي انتا عاوزو ... ولو تعبت وعاوز تريح على الكنبة الي ورى تعالة ياخويا ريح وانا هسوق بدالك . عربية تقعد كده وتحس انك قاعد على كرسي مدير ولا كنبة قدام التلفزيون في البيت مش مجرد كرسي قاعد عليه والسلام .
عربية كده تلاقيها في مشيها بتتزحلق من على الاسفلت والدريكسيون كده تحركو بصباعك ومفهوش الهوى ... والفرامل بتاعتها بطراطيف طراطيف جزمتك ولا شبشبك كفايه انك بس تلمس ولا حتى تحسس .
عربية مستوى العزل فيها رائع ... بحيث لمن تشغل التكيف وتقفل الشباك متحيسش بالغجر الي بره حوليك والدوشة والي قاعد يزمر والي قاعد ينور والي يكسر عليك ...
عربية لمن تكون مركب معاك صحابك ... وتيجي توصلوا مشوار الي انتو رايحينو تبص كده وراك تلاقي زميلك مجعوص قووي على الكنبة الي ورى وشوية شوية هيطلع رجلوو من الشباك تقلش قاعد في بيتهم الأخ وتقلوهم يالله بينا ... يقوم متمطع قوووي ورى ويقلك لا روحو انتو انا هستناكم في العربية ...ههههههههههه ساعتها بس تعرف ان العربية الي معاك ركوبة .
بخلاف عربية وانتا لسه جي تحضن وتركن ومديها مرشدير تبص تلاقي الاربع بيبان اتفتحو والي معاك كلهم هربوو ومصدقو وصلو . طيب ياجماعه استنوشوية لمن اركن الاول وبعدين انزلوا ههههههههههه مفيش صبر خالص ... لا ونزلينك من العربية وسايبين الشبابيك بتاعت البيبان مفتحه وأقعد لف انتا على باب باب واقفل شبابيكهم ... فهنا بقه يتجلى الفرق بين العربية الركوبة وعربية عادية وتحياتي .
سوق bmw أو بنز جديدة وحتفهم لوحدك بدون أي شرح
يافندم أذا كانت عربيتك صيني ومريحاك فسيبك من كلام الناس لا بيقدم ولا بيأخــر ... أهم حاجة انها مريحاك والصيين معروفين بيحبو يعملو كل حاجة او عشرين حاجة في شيء واحد ... دون الاهتمام بعمررر الحاجة .
يعني تلاقي مروحة فيها تلفزيون وراديو وكشاف وفيشة كمان لو تحب تشحن منها وتشتريه وتاني يوم تبص تلاقي المروحة مشخلعه ولمبة الكشاف اتحرقت والتلفزيون مبيطلعش قوانت غير بتوش ... والراديو الاريل بتاعو اتكسـر ... رغم انو كفكره هيا حلوة جداً ... وماليان اوبشن ... بس مبتعيش ...
وانا بشبها طبعاً مع احترامي الشديد ... بنفس مثالي السابق ... كل الناس بتاكول بس واحد جبلو نص فرخة ورز وسلطة واتغزى كويس وواحد راح جبلو كورن فليكس ولا بيتفور شكلو وطعمو جميل بس مفهوش اي غزى ... والاثنين في الاول والاخير بياكلو وبيشبعو والاتنين بنفس السعر لكن الرك على الغزى والفايدة . والي يستحمل ويعيش .
بس هتيجي تقولي العربية الصيني ركوبة ... علشان حبت الافشخنات الي فيها !!! وعلى شوية الجلد والتلفزيون الي فيها وشوية شوية هيقولك الكرسي بيعمل مساج وفتحت سقف ومش عارف ايه ... طيب الحجات دي هارد ورك ... يعني عربيات شقى وعمل ... وتعمل فيها كل الي انتا عاوزو ولا بتبوظ بسرعة وضعيفه هنا بقه السؤال ... وبعدين الي دخل العربية الصيني في الموضوع هههههههههههه احنا بنتكلم عن الركوبة محددناش لاصيني ولا ألماني ... بس طالما هيا مريحاك ياباشا الف الف مبرووووووك ويارب يهنيك بيها ياغالي وسيبك من كلام الناس .
متعه السواقه مش بس العربيه لوحدها بتحققهالك لا والطريق كمان ليها دور كبير وكمان الناس لو اكتملت المنظومه دي لو كان معاك مشوار حتي لو كان طويل بعد ما توصل بتبقي ندمان انك وصلت وتبقي عاوز ترجع تعيده تاني !!!!!
ممكن يكون عندك عربيه فخمه جدا لكن ظروف الطريق او بعض البشر المتخلفه عقليا تخليك تبقي مش عاوز تطلع من بيتكم اصلا !!!!
اى عربيه مش موديل قديم واكون على طريق مفتوح وامشى سرعة من 90 الى 100 بدون شد اعصاب وعندما اصل مشوارى انزل من العربيه غير مرهق وغير مشدود ومش عايز اتمطع هنا فقط اشعر اننى وكأنى لم اقود اصلا دى متعة القياده بالنسبه لى
الفرق بيكون مش في العربية .... الفرق في اللي بيسوق
لو انت من الناس اللي عايزة تروح من مكان لمكان و خلاص ... لو ركبت شبح مش هتقول عليها ركوبة
و لو انت من الناس اللي بتستمتع بالسواقة هيكون ليك ذوق خاص على حسب امكانياتك المادية و احتياجاتك هتخليك تقول العربية x ركوبة احسن من العربية y في 1,2,3 .... و دي حاجات تختلف من شخص للتاني
و عن نفسي العربية اللي ركوية بالنسبة ليا هيه فولفو 940 جي ال اكتر ميت مرة من مرسيدس زلموكة 200e ...
فعلا احساس الالمانى قصه تانيه
بس فى سؤال كل واحد يقول العربيه اللى ركوبه من وجهه نظره كده نقدر نعمل حصر ليهم و بكده تبتدى الفكره تبقى اوضح للى عامل الموضوع
مثلا الجيتا 2009
الجولف 5
هيونداى سوناتا 2008
بى ام دبليو e92
الفولكس فاجن شيروكو
طبعا الموضوع على حسب كل واحد و دماغه
بالنسبه ليا العربيه الركوبة
هي العربية اللي تحس انها متصله بمخك علي طول
يعني يتعمل اللي انت عايزه في الوقت اللي انت عايزه بالطريقة اللي انت عايزها
و بتنفذ افكارك زي ما انت فكرت فيها او تخيلتها بالظبط
و اكتر عربيتين سقتهم و حققولي ده هما
الكايين و الاودي ال a8 الجديده
الياريس تعتبر ركوبة ؟؟
ياراجل هي العربية ايه غير الركوبة
فرق شاسع طبعا لما تركب عربية وتحس انك سايقها وعربية تانيى تحس انها سايقاك
يعني التوازن ضايع مثلا على السرعات العالية او مفيش ثبات للعربية اصلا
غير عفشة العربية للي تحسسك انك مش سايق على الطريق اصلا
لا طبعا العربية اذا ما كنتش ركوبة صح تكره تركبها اصلا
يعني اليارس الى حدٍ. ما هيا ركوبة او تقدر تقول عليها فيها. متعة القايدة وكل حاجة انتا محتاجها لكن تقاس بالعربيات الصغيرة. الكتكوته ماهو الركوبة كمان مقسات واحجام .... بس الحمدالله ملقيتش حد اشتكى نهائي من القاعده فيها بل بالعكس بتاحيل عليهم يالله ننزل يقولولي لا خلينا قاعدين وروح انتا ههههههههه ( بسم الله مشاء الله ) وكمان بتستمتع بسواقتها. ( بسم الله مشاء الله ) وايضاً بتحس بالامان فيها لحد كبير ( بسم الله مشاء الله ايضاً ). لكن زي ماذكرت لحضرتك لو قرناها بلي في حجمها او بلي في سنها يعني بالنسبة للعربيات الكتاكيت الي في حجمها الى حدٍ ما نعم هيا ركوبة ومتعه بسم الله مشاء الله
انا لسة مستقرتش على عربية معينة بس انا دلوقتى طالب و لما اتخرج وجالى شغل برة اسكندرية هتستحمل معايا السفر و هتريحنى ولا هلاقى اعصابى مشدودة زى الفيرنا ؟؟
ولا فى حاجة تانية فى نفس السعر و تعتبر ركوبة اكتر من الياريس ؟
ههههههههههه حلوة اعصابك مشدودة دي .... ياباشا العربية اليارس تعتبر غالية. ومعقتدش غلو السعر ده لله وللوطن. وفهمك كفايه .... واليارس راكب فيها ماتور وفتيس كورولا بسم الله مشاء الله والمستعمل فيها ب ٧٥٠٠٠ او ٨٠٠٠٠٠ جنيه يعني بتمن عربية زيرو. ومش لله وللوطن كمان بسم الله مشاء الله متعت القايدة بسم الله مشاء الله بتتمثل في الياباني في عربيتين سيريون Glx. او يارس بسم الله مشاء الله وتحياتي
الفرق ياباشا عامل زى الفرق بين الست الحلوه أوى فى كل حاجه والست الوحشه أوى فى كل حاجه...
تخيل كدا!!!!!!!!!!
متابع
بتتقال على العربيات المحترمة زي الألماني مثلا
معايا 65 ادور على ياريس مانيوال عشان عاجبنى اوى شكلها ولا لجيب اى بى ام ؟؟
يا باشا هشتريها من قريبى بس هى مخبوطة حبتين
مش مشكلة اذا مخبوطة خبطتين عادي. واذا حبيت في اخر شهر مقابلة في قسم دايو هكون موجود هاتها ابصلك علها واقولك اشتريها او اصرف نظر لو حبيت
والبي ام. كمان حلوة لو حبيت و ٦٥٠٠٠. تجبلك حتى بي ام. دبانه لو حبيت بس اذا التيوتا نظيفه وبالسعر ده اشتريها وانتا مغمض بس المهم الحالة ومتكنش متهانه
تمام اشكرك على تعبك معايا و انشاء الله الحاج يخلص فيها