الموضوع: شراء أم إيجار ارجو ان لا تبخلوا بالنصيحة وشكرا

المشاركة الأصلية كتبت بواسطة shnory

والله دا اللي داخل اقوله
بس احب ازود نقطه
الالنترا حتنزل مثلا في شهر 9 وطابور استلام نقول علي احسن الفروض شهرين
يعني بالميت 6 شهور *3000 جنيه ايجار عربيه = 18 الف جنيه
لو جيبت لانوس ب45 الف مثلا
عمرك ما حتخسر فيها 18 الف جنيه حتي لو بيعتها بالكيلو
واسمها عربيتك
تعطل ولا تبوظ ولا تتخبط فهي ملكك
ولو مش عاجباك اللانوس هات اي عربيه من العربيات البياعه اللي تتباع وانت واقف ومتخسرش فيها كتير

يشرفني وجود حضرتك وردك على الموضوع ودي معلومات جديدة بالكامل عليا انها ممكن تتاخر كل ده بصراحة انا كنت سألت اني اجيب نفس نوع العربية اللي كانت معايا بس لقيت سعرها زيرو يخض بجد معرفش ليه كده انا بتكلم عن الاودي a4 وبعد تجربتي عرفت يعني ايه عربية بتخسر جامد وقطع غيار نار فمش عايز اعيد التجربة بعربية مظلومة كده فلكده اتجهت للالنترا الجديدة اقله هتكون كويسة لمدة 3 سنوات اللي هحتاج عربية فيهم بدون ما تتغير ان شاء الله وكمان سهولة بيعها قدام
وبسم الله ما شاء الله بجد استغربت حضرتك عرفت منين رأيي في اللانوس من قبل ما كنت حتى ارد دي معرفهاش بس حقيقة انا مش بحب العربية دي ابدا وكده وصلت لتصور واضح اني اشتري عربية بياعة ومتكونش لانوس ومش تخسر جامد الفترة دي فمستني بقى الاقتراحات اللي ممكن تكون موجودة قدامي غير اللانوس والفيرنا واللوجان والاوبترا والافيو ههههههههههه معلش في مجموعة عربيات كده من حيث المبدأ مش حبيتهم
وشكرا ليكم جميعا وسامحوني اني غلبتكم ومستني آرائكم

السلام عليكم
اشكر كل من شرفني ونصحني مخلصا نصيحة اخوية ودخل ورد ام لم يرد بارك الله بكم جميعا
بعد تجربتي لعديد من الموديلات الكورية استقريت على قرار نهائي والحمد لله ان لا اشتري سيارة كورية ابدا والقرار الان محسوم ما بين 5 سيارات اوروبية وواحدة يابانية وأفاضل بينهم اولا بالنسبة للزيرو
اما سكودا فانتزيا او كورولا
المستعمل هختار
اودي ، بي أم ، فولفو ولسه محتار ما بين الانواع دي بس ان شاء الله مش هطلع برة الانواع دي ولو جديد هستنى الموديل الجديد واعمل احلى تقرير عنها بصراحة من جوايا اتمنى اجيب الاودي الجديدة زيرو بس هتضطر للقسط لان سعرها معدي فلكده ممكن افكر اجيبها مستعملة بس موديل جديد سنتين او اقل