عايز أشترى عربية ومحتاج نصائحكم الكريمه

**hossamhawas** · 12-05-2012 06:32 AM

السلام عليكم ورحمة الله وبركاته

أولاً أنا العبد لله أخ جديد بينكم وأمنى نكم تتقبلوني بين أسرتكم المحترمه لكي أفيد وأستفيد..
أنا عايز أشترى عربيه مستعمله وبأختصار بعد مباحثات ومشاورات كثيرة أستقريت على سيارتين وعايز أختار واحده منهم ومحتاج نصحيتكم..
الأولى هونداى إلنترا :2007-2008
وتمتاز انها مسكه سعرها شوية ومنتشره وقطع غيار متوفره فى كل مكان ورخيص يعنى من الناحيه العمليه سيارة ممتازه ومناسبه لعائله..

الثانيه برلينس جالينا 2008-2009
تمتاز بكم الرفاهيه والأمكانيات الموجوده وموتور قوى وطبعا ثقلها على الطريق.. ولكن رجاءً أنصحوني أيه أخبار وأسعار قطع الغيار والسياره نفسها كويسه وأجزءها قوية وبتستحمل ولا ضعيفه ؟؟ وكهرباء السياره كويسه ولا فيها مشاكل ؟؟ والمكيف أيه أخباره ؟؟ وأهم شيء توافر قطع الغيار وأسعاره زى الفوانيس الأماميه والخلفيه والمساعدين والتيول والطنبير ؟؟؟ أرجوكم اللي يعرف أى حاجه عن العربيه ده يقوللي

أرجوكم فدوني بسرعه وجزاكم الله كل خير

أخوكم حسام

**احمد نور الدين** · 12-05-2012 06:39 PM

ربنا يوفقك للاحسن ليك لازم الاول تحدد انت عايز ايه من العربيه وايه اللي نفسك فيه وايه اللي ممكن تستغني عنه يعني مثلا لو عايز عربيه سحبها سريع جدا وتجري يبقي الالنترا لو عايز الكماليات والوسع والصالون يبقي جالينا لو فارق معاك البنزين يبقي الالنترا مع العلم اني اشتريت جالينا اكسكلوسيف 2012

**hossamhawas** · 12-05-2012 08:20 PM

الأخ المحترم أحمد نور...

أولاً شكرا جدا جدا لأهتمامك وسرعة الرد وتوضيحك يا غالى

طبعاً انا مش فارق معايا السرعه ولا الجرى نهائي ويهمني الفخامه والوسع والأهم من الفخامه والوسع يهمنى أسعار قطع الغيار وسهولة الحصول عليها وطبعاً من الواضح أن موضوع قطع الغيار وسهولته مش متوفر فى الجالينا ولكن برده أنا حابب أركبها بس عايز أطمن على موضوع قطع الغيار وأسعاره وتوفرها وهل يوجد فنيين (ميكانيكي) خارج التوكيل بيعرفوا يشتغلوا فى العربيه ده ولا أيه؟

وكمان أنا بسمع من ناس كثير أن قطع غيار الجولف أو دايوا ليجانزا بتمشي عليها هل دع صح ولا أى كلام فارغ :)..

من فضلكم وضحولي وفهموني قبل مشتريها لأن البيت عندى كله معارض البرلينس وأنا فقط اللى مقطنع بيها وخايف شتريها وتحصل مشكله وملاقيش قطع الغيار ويضحكو عليا :(

وشكراً جداً للأهتمام وبالأخص الأستاذ أحمد نور

**Hmatchy** · 13-05-2012 08:52 PM

بص قطع غيار و انتشار وتوفير بنزين الالنترا
ثبات وجرى و رفاهية وفخامه الجالينا
و لو منك استنى و شوف موديلات البريلليانس الجديدة
http://www.nilemotors.net/Nile/28755...30-2012-a.html

**samoreception** · 14-05-2012 03:13 AM

والله نصيحة بجد هات النترا وركبلها باركينج سينسور وشاشات عرض وخليك فى المضمون

**hossamhawas** · 15-05-2012 03:00 AM

بسم الله الرحمن الرحيم

أولاً أنا شاكر جداً ليكم وعلى نصائحكم الغاليه...

ولكن أنا قررت أجرب الجالينا

لأنها مناسبه ليا ولظروفى الماليه لأني ليس لي دخل ثابت حاليا وده لأني كنت فى الأمارات ولسه راجع من شهر

وطبعا فرصة العمل فى مصر ضعيفه جدا ولو سفرت ثاني هبيعها قبل مسافر علشان مخسرش فيها كثير..

ولكن لي سؤال صغير

جالينا موديل 2007 لا يوجد بها شاشات دى فى دي

وأريد أشترى 3 شاشات... هل من الممكن أشتريهم من أى حد بتاع كمليات ؟؟ ولا لازم أشتريها بتاعت البرلينس ؟؟

ولو حد يعرف سعرهم يريت يفدني ؟؟؟

وشكراً

**mohsal** · 15-05-2012 09:14 AM

استاذ حسام لو الجالينا علشان الفخامه واتساع الصالون و الكماليات والتصميم الجذاب فده كله متوافر في الجالينا اما اختيارك للعربيه علشان وقت متحب تسافر تبيعها بسرعه ومتخسرش فيها كتير فده اعتقاد خاطىء الجالينا اللى يحب يركبها يحط فى اعتباره ان اعاده البيع صعب جدا و انه لازم يخسر كتير عن تمن الشراء - سؤال تانى اشمعنى وقع اختيارك على موديل 2007 - وايه هى الحالات اللى قابلتك موديل 2007 وشكرا.

**hossamhawas** · 16-05-2012 07:29 PM

السلام عليكم ورحمة الله وبركاته

الأستاذ والأخ المحترم (mohsal)

أولاً شكراً جدا على مشاركت

بالنسبه لموديل 2007 لأن الناس بتقول ان الموديلات من أول 2008 بتكون خامتها أقل من 2006و2007 وبالتالي هتكون مشاكلها أكثر أو عمرها الأفتراضي أقل وعلى كل حال أنا مش لاقى أى سياره بحاله كويسه فى حدود المبلغ اللى معايا..

أما بالنسبه للحالات اللى قبلتها فكانت كلها حالاتت سيئه جداً والناس بتكتب 65ألف كيلوا و50ألف كيلوا ولما بروح أشوفها بلائيها سياره شكلها عامله 200الف كيلو والجلد متبهدل واللون البيج بتاع الجلد ممسوح ومسود وناهيك عن المنظر الخارجى والحاله العامه (شنيشه - أو شربه)