السلام عليكم,
انهاردة لقيت ورقة ملزوقة على الزجاج بتاع العربية لمركز صيانة معتمد من هيونداي .. و كاتب تكلفة صيانة لكل موديل وبالكيلومتر ...
لاحظت وجود صيانة ال 5-15-25-35 ...
سؤال ؟؟ هل الصيانات دي اجبارية ؟؟
انا عامل 7800 الان .. و كل الي عملته صيانة ال 1000 و بعد كدة حخش على ال 10000 و بعدها 20 ؟؟؟ هل فيه مشكلة كدة ؟؟؟
فيه ناس بتعمل كده منهم المهندس سمير منسق القسم
المهم لو احتجت الضمان لا قدر الله هتدفع تمن الصيانات ديه كلها اللي في الوسط عشان العربيه تدخل !
فعلا كلام الاستاذ كريم مظبوط لو احتاجت للضمان في اي وقت هيطلبوا منك فواتير جميع الصيانات بس بيني وبينك انا مبعملش الصيانه غير كل سنة مرتين بالكتير وبعملها بره كمان مش في التوكيل الحرامي
شكرا . .. يعني انا كدة فوت صيانة ال 5000 ؟
دي ثمنها كام دي يا جماعة حد يعرف ؟
انا كمان مبعملش صيانات فردية
لانهم مبيعملوش فيها حاجة غير تربيط عفشة ورجلاش فرامل وشكراً
بس لو احتجت الضمان هيدفعوك
لانه توكيل حرامى
لاكن انا كدة كدة برا الضمان
بما اني برة الضمان اساسا -عشان مبروحش التوكيل- فانا كمان ماشي صيانات العشرات :d
مش فاكر بس يا 190 يا 290اقتباس:
المشاركة الأصلية كتبت بواسطة cryptonx
أنا برضك مكنتش هعملها ووحصل عندى شوية ملاحظات وكانت عربية عاملها 5221 كم ومردوش يبصواا على ملاحظات الا لما تدخل صيانة 5000 كم وللاسف دخلتها (ومردتش اغير زيت لانى كنت مغيرة فى 1000 كم) ودفعت زى باشا 235 جند (وطبعااا انا كنت فااكر انها مصنعية تغيير سى دى بلاير فقط اتاريها مصنعية 5000 كم) :s
الافضل ان الواحد يمشى حسب جدول الصيانات المعتمد
من وجهه نظرى دا امان للعربيه
اقتباس:
المشاركة الأصلية كتبت بواسطة Kareem.ElAraby
:bravo::bravo::bravo:
كتالوووج (الصانع) بيقول كل 15.000 كم وعم هبور بيقول لحضرتك كل 5000 كم ,, اى رأيك ؟!اقتباس:
المشاركة الأصلية كتبت بواسطة _hema
ومعادة زيت كل 10.000 كم .
اعتقد ان لازم تكون الصيانات زي ما الاخوه بيقولو هنا!!!! للأسف!
بس بقلك انت ممكن تتصل بالتوكيل عادي بخدمة العملاء وتسأل عادي !
الصيانات للهيونداي ألنترا md كالتالي :
- 1000 كم الاولي
- كل 15000 كم (أي 15000 - 30000 - 45000 - 60000 - 75000 - 9000 - 105000 - 120000 )
طبعا بعض البنود بيتم تغيرها علي فترات أقل في منطقة الشرق الاوسط و الهند مثل :
- الزيت و الفلتر للمحرك (كل 10000 كم)
- فلتر الهواء (يتم تغييره كل 15000 كم و ليس تنظيفه)
أنا حاليا ماشي بنظام الصيانة كل 10000 كم و لكن ناوي اغير عند صيانة ال 30000 كم الي نظام ال 15000 كم مع التغيير بزيت يستمر أكثر من 15000 كم
انا بمشي بنظام صيانة كل 10 الاف والعربيه دلوقتي عامله 80 الف كيلو. والحمدلله طلعت من الجنه... قصدي من الضمان بتاع غبور.
ولو موضوع الصيانه كل 15 الف كيلو ينفع لالنترا hd هعمل الموضوع ده عشان العربيه بتطلع بعد الصيانه اسوأ ما دخلتها كل مره.
انا عامل 60000 ومعملتش اى صيانة ودة لان التوكيل حرامية ولو حعمل حاجة حشوف ميكانيكى شاطر فى الهونداى
ما شاء الله بس يا عزيزي مينفعش طبعااقتباس:
المشاركة الأصلية كتبت بواسطة kshussein
لازم تعمل صيانة ومش ضروري في التوكيل بس اعملها عند اي ميكانيكي او مركز زي سبيد كار عشان تحافظ على عربيتك اطول فترة ممكنة
اه التوكيل بيحسسنا احساس سيء بس احنا لما بنعمل صيانات بنحافظ على عربياتنا اللي هي فلوس مدفوعة وماشيين بيها فلازم نحافظ عليها
اتمنى اسمع انك عملت صيانة في اقرب وقت ممكن عشان كدة المسافة دي كتيرة اوي على العربية بدون صيانة :Bravo: