ممكن لو سمحتم مقارنه بين كل من :
- كيا سبورتاج فئه 186 الف
- نيسان قشقاي فئه 175 الف
- سكودا اوكتافيا فئه 175 الف
عارفف ان سكودا حاجه ودول حاجه تانيه بس انا معجب بالعربيات دي واتمني نعمل مقارنه بينهم علي اساس الراحه والاعتماديه ومراكز الخدمه وقطع الغيار وكل شيء
[QUOTE=farfora20082008;3874300498]ممكن لو سمحتم مقارنه بين كل من :
- كيا سبورتاج فئه 186 الف
شكل حلو , توكيل نص نص , متوسطة الكفائة (كورى) ممكن تلاقى مشاكل مش متوقعة , الكورى ميدفعش فيه اكتر من 100 او 105 بالكتير
- نيسان قشقاي فئه 175 الف
عربية مش منتشرة , وكيل مبيفهمش غير قى الصنى , قطع غيار مش موجودة غير فى التوكيل و غالية , سعر كويس بالنسبة للامكانيتها و انها يابانى
- سكودا اوكتافيا فئه 175 الف
غنية عن التعريف , قطع غيار متوفرة بس غالية , سحبها تقيل عشان وزنها و موتور 1600 المفروض العربية دى تبقى 2000 سى سى , ببساطة هى عربية راجل فوق ال40 سنة و ببدلة و كرش :) بس عربية حلوة الصراحة بس شوف فى قسم سكودا عشان فى ناس بتتكلم عن مشاكل فى الموديلات الجديدة
السكودا
او
النيسان
بالنسبه للاسبورتيج هى نظريا الفئه التانيه ب 186 الف لكن عمليا يا اما تحجز و تستلم بعد ٦ شهور او فورى ب ٢٠٠ الف و شويه و دى الفئه التانيه مش التالته بس ده السعر اللى بتتباع بيه و هى الى حد ما موجوده على الطرق و بتنتشر و هى بس اعتقد نظريا ان الموتور صغير عليها و كانت محتاجه تبقى ٢٠٠٠ سى سى
القاشقاى الاتوماتيك لسه نازله جديد و لذلك ما انتشرتش جامد لكن اعتقد هتعمل مبيعات كويسه لانها يابانى تقفيل انجليزى و امكانياتها حلوه و بتجرى و توكيل نيسان محترم
الفانتازيا موجوده من زمان و علشان كده ماسكه نفسها فى سعر اعاده البيع و قطع غيارها موجوده و امكانياتها كويسه و منتشره. هى تقيله حبتين و كنبتها اللى ورا ضيقه شويه ( على حسب ما باسمع) لكن فى المجمل كويسه طبعا
الخلاصه : ال ٣ عربيات حلوين و انا لو مكانك هحتار شويه بين الاسبورتيج و القاشقاى بس فى الاخر هختار قشقاى بصراحه علشان انا باحس انها عمليه اكتر و ممكن تقعد سنين بحالتها و كمان خاماتها جيده جداً و توكيلها محترم
[QUOTE=temo85;3874300579]لفت نظرى حاجه عايز اعلق عليها: بالنسبه للقاشقاىاقتباس:
المشاركة الأصلية كتبت بواسطة farfora20082008
عربية مش منتشرة. --> علشان لسه ما بقالهاش كام شهر فده طبيعى ( مش لعيب فى العربيه خللى الناس تبطل تشتريها مثلا بالاضافه الى انها مش رخيصه
وكيل مبيفهمش غير قى الصنى --> ما اعتقدش و ده عن تجربه . يجوز تكون معلوماته لسه قليله لان العربيه لسه نازله و ده طبيعى لكن على الاقل بقيه الموديلات التانيه زى التيدا و البلوبيرد و الاكس تريل بالاضافه للمورانو و الانفينيتى و الارمادا زى الفل فمش عارف حضرتك بتقول الكلام ده على اى اساس بس
, قطع غيار مش موجودة غير فى التوكيل --> هو فى حد يدفع الفلوس دى فى عربيه لسه زيرو و يروح يصلحها بره التوكيل و يبوظ الضمان؟ و ده سؤال عام مش خاص بالقشقاى بس حتى :)
انا ارشح لحضرتك الاسكودا يكفى الثبات الوهمى الى مؤكد اعلى من العربيتين التنين
القشقاي والاوكتافيا موتور ضعيف , عشان كده انا افضل السبورتاج بس تستحمل 6 شهور انتظار , ورايي تزود شوية وتجيب اعلى فئة عشان فيها esp واوبشن اعلى بكتير
[QUOTE=Land_Cruiser;3874300746]اقتباس:
المشاركة الأصلية كتبت بواسطة Land_Cruiser
:yeah::yeah::yeah:اقتباس:
المشاركة الأصلية كتبت بواسطة temo85