الحمدلله لسه عامل صيانة ال 5000 و العربيه كده بقالها معايا 6 شهور
و انا تحت امركم في اي استفسار
عرض للطباعة
الحمدلله لسه عامل صيانة ال 5000 و العربيه كده بقالها معايا 6 شهور
و انا تحت امركم في اي استفسار
بعد المبروك طبعاً,
أحكيلنا بقى عملتها في التوكيل ولا فين, غيرت ايه, كلفتك كتير ولا ايه, و لو عملتها في التوكيل ايه انطباعك عنهم ؟
و ايه أخبار العربية معاك ككماليات, راحة, ثبات ؟
أنا عن نفسي كنت لسة في منصور الطيران النهاردة بغير فانوس خلفي و كانت تجربة مش ولا بد الصراحة..
رايك ايه في العربية ؟ يا ريت تعمل تقرير عنها عشان ملاكها قليلين شوية , هي بانوراما ؟
الف مبروك وياريت تقرير عنها
مبروك العربية اولا و ياريت لو حضرتك تعمل لنا تقرير عنها او راي حضرتك في التسارع .التكيف .العفشة .الكماليات عمتن و تبقي مشكور جدا لو تقرير كامل عنها و شكرااااااا
مبروك ياباشا بس اكيد هما شيكو ع العربيه وطلع مش ناقصها حاجه بالصلاه عالنبى
و هل العربية فيها start-stop ولا لا ؟؟؟
الله يبارك فيك يا باشا
الصيانه عملتها منصور الطيران غيرت زيت-340 جنيه- و فلتر - 60 جنيه - و تربيط العفشه و تنضيف فلتر الهوا و تيل الفرامل-مجاني عشان اول صيانه- و جبت جدول الصيانات بأسعارها و ان شاء الله هاعملها سكان و اشيرها
المعامله في التوكيل محترمه خالص و مفيش مشاكل
الملحوظه الوحيده و انا باراجع على العربيه لقيت بقعة زيت على cover الموتور البلاستك عموما احنا مش في اوروبا
بخصوص العربيه
هي ما شاء الله عفشه الماني مش محتاجه كلام و مريحه مش ناشفه
abs+2 airbag+multifunction+cd mp3
مرايات كهربا ,,سنتر,,تكييف محترم
100 hp و 1400 سي سي
العزل بتاعها محترم ,, تقفيل اسبانيا
العربيه واسعه قدام و ورا فعلا -اوسع من البيجو 308 - الشنطه حجمها كويس و ممكن تتني الكراسي الخلفيه و تخليها ربع نقل
عربيتي مانوال مش بانوراما و من غير مثبت سرعه و هو ده الفرق بينها و بين الهاي لاين
و انا تحت امر الجميع ف اي استفسارات تانيه
بس كنت عايز اعرف تجربتك مش ولابد ليه
أولاً, أنا عندي فانوس خلفي أتكسر من يوم 21 أبريل اللي فات, و كلمت التوكيل في نفس اليوم عشان أغيره و قالي ماشي هنجيبهولك الطيران من فرع الهرم و لما سألته على السعر أول مرة قالي 810.
فضلت أتابع مع مركز قطع الغيار و أكلمهم كل كام يوم أشوف وصلوا لأيه و كل مرة أأكد عليهم أنه فانوس خلفي غامق أسترا j الشكل الجديد, فين و فين لما حد كلمني و قالي جبنالك 3 فوانيس تعالى شوف أنهي واحد فيهم, رحتلهم على طول و طلع ان التلاتة بتوع الأسترا الشكل القديم مش بتاعي, فقالي معلش في مشكلة في كتالوج العربية دي و بتاع ففين و فين برضه لما قالي اهه في واحد في الهرم أبعت أجيبهولك, كلمتهم بعد أسبوع كمان قالولي هاييجي الأسبوع الجاي, لحد ما كلمتهم أمبارح الصبح و قاللي انه وصل فنزلتلهم جري, و طلع سعر الفانوس في الاخر 1322 مش زي ما أتقالي في الأول..
رحتلهم و خلاص طلع الفانوس هو تمام زي اللي عندي, فكنت عايز أركبه فقالي روح على مركز الخدمة اللي هو جوه محطة البنزين و هما هييجوا ياخدوا الفانوس, روحت هناك و بسأل عشان عايز أركب الفانوس فواحد قالي طب ماشي أقف في الصف..
صـــف !!! صف أيه لما مؤاخذة بتاع العربيات اللانوس ده اللي عايز توقفني فيه !!
المهم أنا مكنش عندي خلق أجادل مع حد فرحت لافف و واقف في الصف, فواحد من الصنايعية شافني و سألني عايز تعمل ايه و بتاع فهو ظبطني الصراحة و خلصني على طول..
فأنا مش فاهم بجد المعاملة دي, مش مستوى خدمة أبداً لعربية ألماني, خصوصاً انه لأغلى عربية أوبل التوكيل نزلها في تاريخه!!
المهم كل الحوار ده حصل عشان واحدة هانم خبطتلي الفانوس و أنا راكن في الجراج و نايم في بيتي!! ربنا يسامحها بقى!!..