بشري ساره للمدخنين فقط ( ادخل فورا مش هتزعل) جرب مش هتندم

**MaaG** · 17-06-2008 12:20 PM

المشاركة الأصلية كتبت بواسطة Mido5

انا و لله الحمد بطلتها من غير اي حاجة بس لمجرد الشعور اني فعلا قرفان منها.
انا شربتها من وانا عندي 22 سنة لمدة 3 سنين تقريبا و الحمد لله وقفتها و استحملت اعراض الانسحاب...و الله هي مش متعبة اوي زي ما الناس متخيلة...او يمكن كانت سهله بالنسبة لي عشان انا كنت قرفان امسك السجاير في ايدي اصلا.
صحيح الواحد ساعات بيشيش من آن لاخر بس مش بصفة دايمه و بصورة متقطعه...لغاية ما الواحد يوقف خالص الدخان كله باذن الله..
و ربنا ييسر علي كل مدخن انه يبطل ان شاء الله.

ههههههههههههههههههههههه ، طيب غير الصورة إلي جمب إسمك .
( أنا مصدقك على فكرة والله بس بجد الصورة عملت مع الموضوع إفيه جااااامد)

**khalid_adel** · 18-06-2008 12:19 PM

يا اخ امير انت فهمتني غلط خااااااااالص
يعني انا بقول وده للامانه ان صاحبي ده مبقاش بياخودهم عشان بتعملو مغص في المعده والكلام ده مكتوب في الروشته بتاعت الدواء انها من بعض الاعراض الجانبيه اللي ممكن تحصل لواحد والتاني لا
وانا قولت كده عشان الامانه اني مخدعش حد واني ببيع سلعه ولا بعمل بيزنس ولا حاجه
مش عارف ليه كل ده ربنا يسامحك
عالعموم ربنا يعينك وتبطل خالص ان شاء الله وابقى قولنا ايه الاخبار معاك

**amir** · 18-06-2008 04:56 PM

المشاركة الأصلية كتبت بواسطة khalid_adel

يا اخ امير انت فهمتني غلط خااااااااالص
يعني انا بقول وده للامانه ان صاحبي ده مبقاش بياخودهم عشان بتعملو مغص في المعده والكلام ده مكتوب في الروشته بتاعت الدواء انها من بعض الاعراض الجانبيه اللي ممكن تحصل لواحد والتاني لا
وانا قولت كده عشان الامانه اني مخدعش حد واني ببيع سلعه ولا بعمل بيزنس ولا حاجه
مش عارف ليه كل ده ربنا يسامحك
عالعموم ربنا يعينك وتبطل خالص ان شاء الله وابقى قولنا ايه الاخبار معاك

ممممم
مادام الموضوع كده فأنا اسف جدا علي سوء الفهم ده
و ارجو انك تتقبل اسفي

**khalid_adel** · 18-06-2008 07:13 PM

ياباشا ولا يهمك عادي اخويا الكبير وضربني :)
المهم طمنا عليك وقولنا ايه الاخبار متنساش
وان شاء الله ربنا يكرمك وتبطل خالص

**amir** · 19-06-2008 02:39 AM

المشاركة الأصلية كتبت بواسطة khalid_adel

ياباشا ولا يهمك عادي اخويا الكبير وضربني :)
المهم طمنا عليك وقولنا ايه الاخبار متنساش
وان شاء الله ربنا يكرمك وتبطل خالص

بجد احرجتني بذوقك و اسف مره تانيه علي اللي حصل مني, بس ياريت تحط في اعتبارك مقدار الاحباط و الندم اني عملت الموضوع ده, انا قلت افيد الناس اللي عايزه تبطل و مش عارفه لأني كنت فعلا مخنوق من السجاير و مش طايقها و نفسي ابطل و كل مره احتفل باشعال اخر سيجاره و ارجع في نفس اليوم او تاني يوم بشراهه مضاعفه, لغايه ما سمعت عن اللبان ده و جربتو و من ساعتها مش بفكر في سجاير نهائي, ده حتي دلوقتي اشتريت تاني شريط و راكنه في البيت و مقضيها لبان عادي او حتي من غير حاجه خالص و الموضوع ماشي( بس مؤخرا اتجهت للشيشه تفاح حجر او اتنين بالكتير لو مخنوق قوي اهوه شويه دخان بردو) بس الفكره اللي اتمنتها و انا بكتب الموضوع كانت افاده الناس اللي عايزين يبطلو و مشكلتهم في اعراض الانسحاب, لاكن من اول مشاركه من الاخوه حسيت بالتهكم و السخريه و كان نفسي حد يقول انه جربو و نجح معاه يمكن نكون دعم معنوي لبعض, لاكن محصلش نهائي
و علي فكره ممكن قوي صاحبك يكون من النوع اللي بيتأثر بسرعه بالوهم( بمعني انو لما قرا النشره و خد باله من موضوع الم البطن كعرض جانبي حس بالوجع ده و ممكن فعلا ده يحصل و يكون هو حاسس بالوجع و مقتنع ان اللبان وجع بطنه, العقل الباطن ده قوي جدا جدا في تاثيره علي الواقع)
و بعدين تعالي هنا اخوك الكبير ايه و ضربك ايه ! انا معرفش انت عندك كام سنه لكن انت اكبر مني بعقلك و ذوقك ده و بكررلك اسفي و اتمني اني اتعرف عليك قريب ان شاء الله

**khalid_adel** · 19-06-2008 09:46 AM

طب الحمد لله اهو في ناس نفعت معاها اهو زي الاخ xmmx وفي نتيجه كويسه ومع امير اهو بس بلاش الشيشه عشان ده مش حل نهائي وممكن لو اتخنقت من الشيشه تقوم راجع للسجاير
نصيحه اقطع عرق وسيح دمه وابقى خد معاك اللبان لو حتقعد على قهوه واول لما نفسك تهف اضربلك واحده وقول ادي الشيشه بتاعتي اهي :)
يا امير باشا دانا اتشرف بيك لما اشوفك وياريت تيجي المقابله عشان تتعرف عالناس كلها
اشوفك على خير ان شاء الله

**محمد مجدى** · 30-03-2014 02:19 PM

انا كنت بشرب سجاير من وانا فى ثانوى :) يعنى من زمن :)

بطلت السجاير من 4 سنين تقريبا من غير اى حاجة مساعدة ؛ كل اللى عملته انى قعدت يومين بالظبط فى البيت واستحملت الصداع اللى حصل

بعدين من سنة فاتت قدمت على الهجرة لامريكا ولما عرفت النتيجة وانى مقبلتش مسكت سجارة وشربتها ورجعت تانى للتدخين لمدة 3 شهور تقريبا وبعدين بطلتها تانى ومشربتش من وقتها

من وجهه نظرى الشخصية احسن وقت تبطل فيه السجاير هو يوم الخميس ؛ احسبها كده انك بتنام 8 ساعات من غير ماتشرب سجاير ؛ فانت تعتبر اخر يوم تشرب فيه سجاير يوم خميس مثلا وصابح الجمعه والسبت اجازة فتقدر ماتنزلش من البيت وماتحتكش باى حد بيشرب سجاير اليومين دول ولا هاتشموا ريحتها

دى كانت طريقتى

-

-

مشاهدة نتائج الإستطلاع: هل حاولت الاقلاع عن التدخين من قبل؟؟

الموضوع: بشري ساره للمدخنين فقط ( ادخل فورا مش هتزعل) جرب مش هتندم

LinkBack

أدوات الموضوع

عرض

-

-

-

المواضيع المتشابهه

مجموعه ضخمه من مواقع كتالوجات السيارات ....... ادخل مش هتندم

تقيمي لاسبيرانزا 516 بمنتهي الامانه و الحياديه ( ادخل مش هتندم )

تاريخ شركة bmw ادخل مش هتندم

لعشاق البي ام ادخل و مش هتندم ...... جنوووووووووون

الكلمات الدلالية لهذا الموضوع

المفضلات

المفضلات

ضوابط المشاركة