السلام عليكم
معروض عليا سيارة 316 i موديل 2011 ماشية 3000 كم فقط مفهاش خدش ماشاء الله
مطلوب فيها 240 الف هل السعر ده كويس و تنصحونى بايه ؟؟
شكراااا جداا و ان شاء الله اتمنى انى انضم ليكم قريب ان شاء الله
عرض للطباعة
السلام عليكم
معروض عليا سيارة 316 i موديل 2011 ماشية 3000 كم فقط مفهاش خدش ماشاء الله
مطلوب فيها 240 الف هل السعر ده كويس و تنصحونى بايه ؟؟
شكراااا جداا و ان شاء الله اتمنى انى انضم ليكم قريب ان شاء الله
متشتريش الفءة الثالثة خالص دلوقتي عشان الجيل الجديد نازل مصر كمان كام شهر و نزل بره خلاص ,, استنى احسن. ده غير اني لا انصح خالص بال 316 لان الموتور ضعيف جدا , عشان تبدأ تحس بالمتعة و الرفاهية من اول 320 (2000 سي سي ) , ممكن بال 240 الف تجيب حالة حلوة 2010 ده لو ضروري تشتري دلوقتي , لو مش ضروري استنى الكام شهر
أنا برضه بأيد كلام أحمد وشريف ، لو هتدفع المبلغ دة في عربية كسر زيرو يبقى أحسن تجيب أفضل عربية في السعر دة ، خصوصاً إن 240 في 316i مش توفير كبير في عربية تمنها زيرو في حدود ال- 260 !
الاحسن تجيب 320 موديل أقل شوية وهتكون فعلاً أحسن صفقة ليك ، الفكرة بس إن 240 ممكن ما تغبش 2010 لأنها هتكون في حدود 255-270 (حسب الحالة والكيلومتر )، يبقى ممكن تزود حاجة بسيطة وتجيبها أو تجيب في اواخر 2009 في حدود المبلغ إلي معاك .
و بالتوفيق إن شاء الله ونباركلك قريب
شكرااا جدااا لنصيحه حضرتك وانا مش مستعجل و حستنى ان شاء الله
شكرااا جدا لحضرتك على النصيحه و حدور على 320 بس يارب الاقى حالة كويسة
شكرااا لحضرتك و ان شاء الله ربنا يقدم الى فيه الخيير و الاقى حاجه كويسة
هو لسة فيه حاليا 316 زيرو ولا خلصت خلاص؟
يا راجل العربيه دى فى مصر الجديده صح ؟
لو هى العربيه دى مشاء الله لاكن مش هتتباع بلاكلام ده
اولان لانها كده غاليه
ثانيا لان الشيب الجديد نازل
ثالثا لانها 316 و هى زيرو كانت ب 260 اصلن فا فين التوفير يعنى و فى الاخر خدت عربيه عاديه
لو عايز ب 240 دول تركب 320 مرتااااااااااااااااح و حاله محترمه
و ممكن تركب 520 2007 مثلا لو 2008 و سعتها هتستمتع
العربيه دى مش هتتباع باكتر من 200 الف
+++111
اؤيد كل كلام الاعضاء الافاضل اعلاه مع اضافه :
- 316 مو 2011 كسر سوقها اليوم لا يزيد عن 210 الف.
- 320 مو 2009/2010 حاله ممتازه سعرها اليوم رنج 250 الف.
- ال 520 /e60 فقط مو 2005 سعرها اليوم رنج 200 الف بشرط الحاله.
- ال 523 / e60 مو 2006/2007 سعرها اليوم رنج 220 الف بشرط الحاله.
بالتوفيق تحياتى ...
طيب هما عشاق المانيوال فين من السوق المصري
ليه مافيش 318 و 320 و 325 مانيوال
هو عشان اسوق مانيوال لازم اركب ال 316
ليه بيعتبرو اللاستين ترونيك والاتوماتيك كماليات
هي مش فتحة سقف انا بحب الفتيس المانيوال خاصة مع مواتير بتقدر السواقة دي
بص يا كريم
السياسة اصلاً
ان الكوبيه هي اللي بتنزل مانيوال و بتنزل بمواتير من 1600 لغاية 3000 و طبعا ده عشان معروف ان الكوبيه هي سيارة رياضية فاكيد اللي هيسوقها هيحتاج يكون الفتيس مانيوال
لكن في مصر باه مش بيردو يجيبو العربيات ديه لانها اغلي من السيدان فا سوقها مش اد كده
و حتي لو جابو الكوبيه بيختاروها اوتو مش مانيوال ----
يلا ربنا يجازي اللي كان السبب .
اراء اراء
هي الفئة الثالثة متوقع تنزل بكام؟
انا حاسس انها هاتنزل اغلي من القديمة بكتير...يعني 280-300 الف مثلا
و بعدين هي هاتنزل 1600 سي سي ولا لأ ؟
يه لأ يا كريم ، أصلاً العربيات دي كلها حتى إلي بيجيبها التوكيل عبارة عن سبيشيال اوردر !!
الفكرة إن بمو أصلاً بتشتغل بنظام تصنيع بالطلب ، يعني فعلياً مش بيجمع غير الحاجات إلي اتعمل بيها طلب ، وإلي بيحصل إن كل وكيل بيبعت اوردر بالعربيات إلي عايزها ومواصفاتها (يعني عايز فيها كماليات إيه وقطع إيه ومش عايز إيه ) وبتتجمع وتتشحن ليه ، لكن عشان مصر سوق صغير ومش بيطلب عربيات كتير (بالكتير 30-40 عربية في كل اوردر ) ، بالتالي التوكيل بيختار المواصفات إلي شايفها مناسبة للسوق ويطلبهم كلهم بالمواصفات دي من bmw مرة واحدة ! ، ويريح دماغه !
وعشان كدة للأسف كل العربيات إلي بتنزل بتكون اوتو سواء bmw أو مرسيدس أو غيرها من إلي بيشتغل بالنظام دة ، لأن التوكيل شايف إن السوق هيشتري المواصفات دي أكتر من غيرها ،
لكن في حالة انك عايز مواصفة مخصوص ممكن التوكيل يجبهالك مع الشحنة ، لأنها مش هتفرق معاه حاجة أصلاً ، كدة كدة هيبعت مواصفاتها مع مواصفات الشحنة إلي عايزها ، وده مش مفروض يزود السعر ، بالعكس في حالتك دي إنت بتشيل كمالية وبالتالي السعر نظرياً مفروض يبقى أقل ، أو على أسوأ الفروض هيكون نفس السعر والتوكيل حيضرب الفرق في جيبه أرباح :)
يضرب الفرق في جيبه :-)
على ايه
يبقي خليني لما اطلب 330 مانيوال بقي :-)
اوبااااااااااااااااااااا
330 مانيوال
انت كده داخل علي تقيل و تيجي باه مقابلات البيمرز تحط علينا و لا ايه - لا انا كده هزعل
حليك في ال 320 احسن يا كيمو عشان مزعلش هههههههههههههههههههههه
حبيبي يا كيمو ربنا يرزقك بالخير ليك و تشرفنا في البيمرز قريب
ان شاء الله