عرض للطباعة
ممكن بعض الناس تقابلهم مشكلة في موديلات الفانتازيا 2009-2010 فقط بالنسبة لزجاج الباب الأمامي الأيمن..وهو إعاقة حركة صعود ونزول الشباك نتيجة تلف ترس صغير بلاستيك في الموتور الخاص بالباب..وهي مشكلة بسيطة جدا علاجها يكلف 70 جنيها فقط ويتم تركيب ترس آخر فيبر مقوي كبديل للبلاستيك.ويكون الحل نهائي إن شاء الله..حبيت أنوه للموضوع ده لإفادة أصحاب موديلات 2009-2010
شكرا يا باشا علي عرض المشكله وحلها ربنا يبارك لحضرتك فيها
انا عندى نفس المشكله فى عربيتى ال 2010 ورحت التوكيل علشان يغيروها فى الضمان
ولحد دلوقتى قرفنى لحد ما العربية خرجت من الضمان وبيقولوى دلوقتى انك حا تدفع جزء من تمنها
فاعترضت على كده فالمهندس قالى لما تيجى القطعة تانى يحلها ربنا
بس انا ناوى اعمل مشكله لو اصروا انى ادفع فلوس
طب حضرتك لو انا فشلت مع التوكيل ممكن تقولى انت حليت الموضوع ده فيناقتباس:
المشاركة الأصلية كتبت بواسطة inspiron
حاجه تانيه هو الموضوع ده بيظهر عندك فى الصيف بس؟
لانه عندى بيظهر فى الايام الحر بس
صح يا باشا هو بيظهر في أيام الحر بس لأن بيحصل جهد عالي علي الترس البايظ ده.أنا عملته بنفسي والموضوع مخدش نص ساعة فك وتركيب..نزلت الوكالة إشتريت الترس ده بـ 70 جنيه وظبطت الدنيا.اقتباس:
المشاركة الأصلية كتبت بواسطة zacklat
طبعا أنا لما فكرت أعمله في التوكيل قالولي زيك وتمن الموتور 1000 جنيه ( والموتور مفيهوش حاجة أصلا بس بيريح دماغ سعادته علي حساب المستهلك بقه )
أنا كان عندي نفس العيب و تم تغيير الموتور في الضمان و العيب ده معروووف جداً .غريبة ان التوكيل بيماطل!!!!
يا ريت تسيح للمركز اللي بيماطل عشان ما حدش يروحوا اصلهم سايقين الهبالة علي الشيطنة و فاكرين اننا من غيرهم هنحتاس بس الحمد لله بقي في مراكز معتمدة كتير و كمان ناس زي المهندس خالد اسماعيل كانت في التوكيل و سابته و فتح مركز صيانة لنفسه
اولا احييك على طريقة تفكيرك انا عندي عربيه فانتازيا وفيها مشكلة الازاز اليمين برضه وقريت الموضوع بتاعك يا ريت لو تقدر توضحلي اكتر حوار الترس ده واعملو ازاي ؟؟
وانا كمان لو ممكن توضح عملته عند مين
انا عندي نفس المشكلة في الa5 و 2 أصحابي عندهم المشكلة دي في الفانتازيا!!!
التوكيل قاللي تمن المكنة 2800 جنيه...و بترجع المشكلة تاني!!!
هل ممكن يا باشا تقولنا مكان الترس فين بالظبط و كيفية الوصول إليه؟
جزيل الشكر