مين بيعمل الوضع ده أثناء القياده ؟

**BOUTCHY11** · 13-05-2012 09:05 PM

الكلام دة جميل طبعا عند الركن وليس التوقف اثناء الحركة ويفضل ايضا كسر العجل يمين فى المنزل وكسر العجل شمال فى المطلع علشان لو الفتيس عطل مع فرامل اليد العجلة تصد فى الرصيف بدون مشاكل كبيرة للسيارة

**Inteltech** · 13-05-2012 09:06 PM

هو انا دايما كنت بفضل اركن عربيتي بسطح مستوي واتاكد ان الدركسيون عدل علشان ميأثرش على الباور بس بالنسبة لو ركنت بمكان فيه منحدر كل اللي بعمله باختصار شديد بحط الفتيس على وضع الباركنج p ومع او بدون ما ارفع فرامل اليد العربية هتبقى ثابتة الا لو ونش هيشيليها من مكانها ثم ان مين قال ان المفتاح راح يطلع لو الفتيس على الوضع r عن تجربتي مش بيطلع ولا العربية ممكن تدور اصلا وده معامل امان بكل الاوتوماتيك والله اعلم . والوقفة في المانيوال نفس الحاجة بس بخلي دايما العربية متعشقة على الغيار الاولاني وسواء سحبت فرامل يد او مسحبتش مش هتتحرك .

**SYD** · 14-05-2012 01:40 AM

افضل الحلول هو انك بعد لما تقف تشد فرامل اليد
وسيب حمل العربية كله علي الفرامل
حمل العربية علي الفتيس مش كويس علي الفتيس وتروسه سواء مانيوال او اوتوماتيك

انا شخصيا حتي لو راكب اوتوماتيك مش بحب اعملها علي p

بحب اعملها N واشد فرامل اليد

اعتقد دة احسن الحلول

والله المستعان
،
،

**BassamHafez** · 14-05-2012 02:39 AM

المشاركة الأصلية كتبت بواسطة tahaderaz

أحلى كلام سمعته منك بتجيب الطوب منين علشان نعمل زيك وبعدين الموضوع للوقوف على منحدر
شكرا على مشاركتك

الطوب من اي حته في المكان اللي انا واقف فيه مش شايله في شنطه العربيه يعني هههههههه

وانا كلامي فعلا على الوقوف على منحدر مش حاجه تانيه

**BassamHafez** · 14-05-2012 02:52 PM

على فكرة اسكندريه فيها شوارع كتير كده

**SYD** · 15-05-2012 08:10 AM

طب حد سمع عن تكنولوجيا سيات الجديدة الي سميتها hill hold ؟

سيات عملت تكنولوجيا اسمها hill hold مخصوص عشان المنحدرات و المرتفعات
بتقولك يا سيدي
لما تقف علي مرتفع افضل دايس علي الفرامل ثانيتين
سيب بدال الفرامل
هتلاقي البدال فضل دايس لوحده
اول سعادتك ما تيجي طالع وتدوس بنزين
هتلاقي بدال الفرامل ساب لواحده ورجع تاني لوضعه الطبيعي

والله المستعان
،
،

**BassamHafez** · 15-05-2012 02:08 PM

المشاركة الأصلية كتبت بواسطة tahaderaz

أستاذ بسام مش عايزك تزعل من كلامى أحنا بنعمل الموضوعات نتعلم من بعضل فى كلامك الأول الوقوف على مطلع والثانى الوقوف على منحدر . تحياتى ليك

لا يا باشا ازعل من ايه

انا مش شايف اصلا حاجه تزعل خالص

اجو انك ما تكنش فهمتني غلط

انا بس عايز اسال ايه الفرق بين المطلع والمنحدر

انا قصدي من الكلمتين ان انا بركن في مكان غير مستقيم والعربيه مش واقفه بشكل افقى زي مثلا مطلع جراج او شارع من شوارع اسكندريه الفرعيه اللي على الكورنيش

ولو الفرق في درجه الميل فهي مش ها تفرق من وجهه نظري غير بس في حجم الطوب اللي ها تختارة عشان العربيه ما تتزحلقش من فوقه