إشتريت 4 فرد بريدجستونb250 لعربيه المدام(كيا برايد سيدان 2001) من بريدجستون عمارات العبور-صلاح سالم
مقاس 79T) 13/165/70 )المفروض مقاس العربيه 13/165/65 بس للأسف معندهمش منه المهم
الكاوتش اندونيسي مع اني كنت سامع ان الاندونيسي مش موجود كتير و اللي موجود التايلاندي بس وانتاجهم 12/2011
الفرده سعرها شامل(فك - تركيب - بلوف - ترصيص - نيتروجين) 361 جنيه
انا شفت ان السعر ده كويس مقارنه بباقي الماركات زي كومهو و هانكوك اللي الفرده فيهم في المقاس ده بحوالي من 300 الي 330 جنيه فقررت اجيب بريدجستون.
المشكله بقي ان موضوع كاوتش عربيه المدام ده مكانش في الحسبان خالص بالعكس انا اللي كنت عاوز اغير كاوتش عربيتي(كيا سيفيا 2001) مقاس 14/185/65
وسألت علي المقاس ده عندهم لقيت الفرده b250 ب 471 جنيه
والفرده my-01 ب475 جنيه وأن شاء الله حغير عندهم بس مش عارف اجيب انهي فرده فلو حد عنده تجربه مع الفردتين او اي موديل تاني في البريدجستون ياريت يفيدني وشكرا.