حل مشكلة الكاسيت في الأوكتافيا لو الإسطوانات إتحشرت
ناس كتير بتقابلهم مشكلة غير مقصودة في كاسيت الأوكتافيا تؤدي لتوقف عمل مشغل الإسطوانات..وده لو حد غصب عنه دخل إسطوانتين في الكاسيت بغير قصد..والمشكلة دي ظهرت وحلها بسيط إن شاء الله ومحتاج بس تركيز..أنا هكتب الحل في صورة خطوات :
1- افتح غطاء الطفاية الموجودة أمام عصاية الفتيس.
2- بعد فتح غطاء الطفاية امسك نهاية الفريم الفيبر المدمج بالكنسول والمحيط بالكاسيت ووحدة التكييف.
3- انزع الفريم الفيبر عن طريق سحبه للخارج برفق.
4- بعد نزع الفريم هتلاقي 4 مسامير ألانكيه في الكاسيت فكهم بمفك ألانكيه.
5- دلوقتي تقدر تسحب الكاسيت لبرة برفق حتي لا تخدش حواف الطابلوه.
6- هتلاقي في الكاسيت من فوق 4 مسامير صغيرين فكهم بمفك صليبة.
7- هتلاقي الإسطوانات المحشورة في الجهاز ظاهرة أمامك بوضوح وتقدر تشيلهم.
8- أعد تركيب الكاسيت مكانه وراجع نفس الخطوات لتركيب الفريم وكده تمام.
ملحوظة :- قبل ما تشتغل في الكاسيت شيل سوكيت الباور الأول....بالتوفيق
