الموضوع: بالصور تقرير عن مقابلة المنصورة الاولى 11/5/2012

ـــــــــــــــــــــــــ ـــــ السلام عليكم و رحمة الله و بركاته ـــــــــــــــــــــــــ ـــــ


الحمد لله تمت مقابلة المنصورة الاولى لنايل موتورز بنجاح و لله الحمد و ان شاء الله يكون فيه اكتر من مقابله بعد كده ونشوف بعض تانى على خير ان شاء الله و الناس الى مجتش تيجى المرة الجايه الى مش هييجى زمبة على جمبه انا حذرت اهوه


طبعا احنا بقالنا ييجى 3 اسابيع بنجمع فى الناس و بتقول و نعيد علشان الناس تيجى حاطين اعلانات و دعايا و كان ناقص ننزل فى الوسيط


و قد كان و الحمد لله المقابله امبارح يوم الجمعه الساعه 2 العصر

و طبعاا انا كنت اول الحاضرين



مش عاوزين ضرب انا قولت اهوه

معلش انا طبعا بعتزر يا جماعه انى جيت متاخر على الاجتماع الجميل ده



الى حضر مش الاستاذ محمد ولا محمدين بل ثلاثة محمدات :):)


الاول كان الاستاذ :محمد عاكف M.Akef


الثانى كان الاستاذ : محمد حامد BAZED2006


الثالث كان الاستاذ : محمد مالك Medo.Malek


و طبعاا الناس الى مجتش المرة الجاية لو مجوش هنيجى ناخدكم انا قولت اهوه

هخطفكم



التجمع كان عند بنزينة الوطنية بتاعت الجيش

اتجمعنا عند البنزينه الساعه 2 (المفروض يعنى ) بس للاسف انا جيت متاخر

و اتجمعنا كنا تقريباا الساعه 3 و نص العصر

اتعرفنا على الناس الحلوة الى جت و بعدين الاستاذ محمد عاكف قال تعالوا نروح عند كافيتيريا قريبه من مكان التجمع

بس مقولكمش الى يروحها بليل يتخطف وش

هى كانت تقريباا عند سوق السيارات الى بيتعمل فى المنصورة يوم الاربع

و كافيه مقولكش بقا الكراسى فيها مسامير

و قعدنا كده ييجى نص ساعه على ما حد جه و عبرنا من الكافيه



و كلهم بقا طلبوا ليمون و انا طلبت شااااااى

بس مقولكش ميتشربش

الا صحيح الليمون اخباره ايه هو كمان صحيح

المهم طبعاا قعدنا و اتكلمنا و تقريباا الكلام كله كان على العربيات الى جمعتنا على خير

و احنا قاعدين بقا كان فيه حتع فاضية الناس بتتعلم فيها و كلهم ستاات

و طبعا الوضع المعروف لسواقة البنات الكرسى راسه لازق فى الطارة تقريباا و رجليها التلاته على الفرامل :)
و الطارة ممسوكه بايديها الاتنين دا غير ايدين الى بيعلموها كمان


و بعدها روحنا المنطقة الى كانوا بيتعلموا فيها السواقة دى قولنا بقا نتصور هناك

رحنا و وقفنا هناك و اذا بالى بتتعلم تقترب من عربيه محمد مالك

هههههههههههههه تقريباا قلبة كان هيقف و الراجل متخافش متخافش واسعه

و بعدا مفيش بعشر دقايق لقينا بنت صغيرة هى الى سايقة العربيه و داخلى فى منطقة فيها مبانى :):)
مقولكش الله ينور

و بعدها استأذن الاستاذ محمد مالك علشان كان عندة تقريباا ميعاد

و بعدها بوقت ليس بالكثير استأذن الاستاذ محمد حامد ايضا
و تبعة الاستاذ محمد مالك و وراه العبد لله



و الان للصور و ان شاء الله باقى الاعضاء ييجوا يكملوا التقرير و ما فيه من نقص



دى اول محاولة لاخذ صورة جماعية بس الكاميرا اخذت الصورة قبل ما اوصل :)



و دى بالترتيب من اليمين
الاستاذ: محمد حامد
الاستاذ: محمد عاكف
الاستاذ: محمد مالك




و دى صورة جماعية لينا كلنا بعد معاناه علشان نقدر نصورها

المشاركة الأصلية كتبت بواسطة mohammedabdallh

الله ينور يا رجاله ايه الحلاوه دى
المره الجايه هكون معاكم باذن الله
وتتجمعوا دايما على خير

الحلاوة حلاوة الروح

فينك يا زعيم كانت ناقصاك و الله الواحد نفسه يشوفك

و يخطفك برضه :P:P