شكرا يا استاذ thunder155 ,,,,بس يا جماعة رسوووني مين افضل في الثبات والتكييييف
عرض للطباعة
شكرا يا استاذ thunder155 ,,,,بس يا جماعة رسوووني مين افضل في الثبات والتكييييف
الثبات الاتنين مش كويسين اوي دي عربية ب 80 الف برضه مش بي ام
التكييف برضه الاتنين مش كويسين زي الاسيوي وده عيب في الاوروبي عموما
مفيش حاجة اسمها كده، :cool:
هى مش بالسعر.. لكن بالصناعة،
كان معايا بونتو Speedgear 2004 وكانت ثباتها عالى أوى،
آه كان فيها upgrade عن البونتو الكلاسيك.. (لأن موتورها Super-FIRE 16v بيطلع 84 حصان + فتيس 6-سرعات سبيد-جير) + ABS.
بس برضه لا البونتو الكلاسيك ثباتها قليل (بالموتور الـ60 حصان والعفشة الحالية)،
ولا الرينو سانديرو ثباتها مش كويس؟؟!!! عشان على شاسيه الكليو.. (واللى يعرف كليو هاتش الفرنساوى كانت عاملة ازاى كـ ثبات هيفهم كلامى).
الكلام ده جبته منين؟؟ :dzey:
بالنسبة للتكييف:
- الفيات كان بيركب Bosch Climatronic ألمانى.. وده فعلا مكانش قد كده، بس بمراعاة حجم العربية الصغير.. جيد جدا
(دلوقتى الفيات بيركب Denso يابانى فـ الجراند والبرافو، معرفش البونتو أيه؟؟)
- والرينو تكييفه Delphi فرنساوى وده برضه متوسط الى جيد، وإسأل اللى معاهم لوجان/سانديرو فـ قسم الرينو يفيدوك أكثر.
Edit: ليا تعليق على جزئية ثبات البونتو، العربية Mini (مش سوبر-مينى حتى)،
الأربع عجلات فـ آخر أبعاد العربية (يعنى فـ الزوايا، المسافة بعد العجل للإكصدام قصيرة جدا)..!!
وده بيخليها ثابتة أوى، وبتهاندل فـ الغرز زى الدبانة.. هههههههههههههه
دى بونتو معروفة يعنى أنا مش بفتى ..؟!! :grin28:
رأيى فـ المقارنة:
- السانديرو طبعا (خاصة لو الأوتوماتيك بموتور وفتيس ميجان II الـ110 حصان جامدة جدا).
للأسف البونتو دلوقتى تقفيل صربى (مش إيطالى)، لو ايطالى كنت هقولك ماشى..!!
بالتوفيق فـ الإختيار isA،
والله العظيم المكان ده اكتر ون رائع والردود افادتني جدا وشكرا لكل الساده المحترمين اللي ردوا عليه وخاصة كبير الفياتاوية .... والحمدلله استقرت على السانديرو بس لقيت التوكيل (رينو) بياخذ فائدة 10 فالمية اصل هاجيبها تقسيط ولاقيتها في اماكن اخرى بسعر فائدة 8 (معرض اليسر)و 9 فالمية في (شيرين كار)......وشكرا جدااا
حضرتك جبت ايه في الاخر