الموضوع: كافيه مفتوح 24 ساعة في مدينة نصر

يا جماعة انا دلوقتي بمر بفترة امتحانات وطبعا بلعب طول السنة وبحتاج اسهر اذاكر لغاية الفجر في الفترة دي ........
المشكلة انا قاعد لوحدي في الشقة ومليش في عمل القهوة والشاي وكده

فلقيت احسن حاجة اني اسهر اذاكر في اي كافيه وبالمرة الاقي حد يونسني

المشكلة اني كل كافيه اروحله الاقيه بيقفل على واحدة بالليل (ستار بكس -بينوس-.......... اللي في مكرم عبيد)

فهل حد يعرف اي كافيه نظيف (مفيش فيه شيش وكده) يكون جنب عباس العقاد او مكرم عبيد فاتح 24 ساعة

وشكرا جزيلا

المشاركة الأصلية كتبت بواسطة hagan

اخي الكريم
المذاكرة تحتاج لتركيز شديد
فأنت تستجمع كل ملكاتك لتثبيت المعلومة جيدا داخل العقل
فأذا انت جلست في مكان به حركة دائمة و متغيرة قللت من قدرتك علي التركيز و فقدت ملكاتك بالتدريج
و قلت مع الوقت قدرتك علي التحصيل
و حين نبحث عن السبب الذي دعاك لمثل هذا الامر كما ذكرته حضرتك نجد ان حجتك هي احتياجك ( للشاي و القهوة بأستمرار ) و اري ان حلهم في توفير ( كاتل ) و عبوات من الشاي و القهوة و كل ما تحتاجه و شية ( مجات علي شوية كبايات فيهم السكر اللازم ) و تصب و تشرب كما تشاء طوال ال 24 ساعة دون ان تحتاج الذهاب للمطبخ ههههههههههه
طيب لو المشكلة ان مش هيا دي بس المشكلة انما المشكلة انك قاعد لوحدك ( يبقي تجيب حد من اصحابك معاك ) طيب لو المشكلة مش دي و لا دي انما الازهق و نفسك تغير مناظر
يبقي ذاكر كويس في البيت ايضا و انزل اتمشي شوية بتاع ساعة كده و اطلع تاني و لما الفجر يدن انزل المسجد صلي و اقعد اقرأ قرآن حتي الشروق و هكذا الي ان تنتهي الفترة
تحياتي اليك

م.حاتم السباعي

متشكر لحضرتك جدا على كل النصايح الغالية دي وعلى الاخذ من وقتك الثمين