ما هى امكانية عمل عوامة طرمبة البنزين كهرباء بحيث تعمل مع الكونتاك ؟
عرض للطباعة
ما هى امكانية عمل عوامة طرمبة البنزين كهرباء بحيث تعمل مع الكونتاك ؟
مش فاهم قصدك يامصطفى انت عايزها يعنى اول ماتفصل المحرك تلاقى مؤشر البنزين بينزل
ايوا زى العربيات الجديدة العوامة كهرباء ولما ادور تقرى تانى
شوف هو حلها ممكن يتعملها cut- out فصل يحيث اول لما العربية تفتح كونتاكت تروح فاتحة واول لما تقفل تروح قافلة
وبعدين ياباشا دة حتى احسن انك تبقى عارف العربية بتاعتك فيها بنزين قد اية من غير ماتفتح الكونتاكت
يا كبير راجع نفسك انا كلامى صح انت خلتنى اتصل بناس معاها لانوس و اكسنت
و بيقولولى مفيش الكلام ده مع ان العوامه عاده و عندك بردو عاده
بس هما لما يبطلوا المؤشر بينزل عادى جدااااااا
و انت لما بتبطل المؤشر مش بينزل
انا اعتقد ده عيب فى العوامه ذات نفسها مش واصله مع العداد و شغاله مانيوال مع قرايه العداد
ده اعتقادى الشخصى
و بعدين زى ما سامح بيقول و مالو يا عم شغاله على طول
مش هتضرك
^_^
لا يااحمد عوامة السيفيك كلها كدة , المؤشر مش بينزل مع وضع السيارة على off كل الهوندا كدة
مفيش حاجة اسمها عوامة عاده
القصة ان المؤشر في الهوندا دي حركته بطيئة (تصميمه كده)
فالعوامة واحده كهربا على طول علشان لو أخدت كهربا كونتاك زي ما حضرتك عاوز هيفضل المؤشر بيرفع بعد ما تدور تقيقتين تلاته وده مش هيبقى صح عشان هتبقى ماشي فترة وانت مش عارف البنزين كده مضبوط ولا لسة هيرفع تاني
لكن أي عوامة في الدنيا حتى لو عربية موديل ستينات كهرباااااااااااااااا
طيب انا عندى مؤشر البنزين فى الاكورد بينزل لما بقفل الكونتاكت يبقى عندى العوامة ايه نظامها عاديةولا كهربا ؟؟؟
لأ ده الطبيعي بتاعه
يا جدعااااااااااااااااااااان
العوامه بتتوصل على التابلوه علشان تدى قرايه العداد
اكتر من كده يبقى فى غلط فى الكهرباء و العوامه مش متوصله مع كونتاك العربيه
و شغاله منيوال على طول
^_^
احمد بيه ياريت توضح اكتر
الدنيا كدا عايزا شرح تقنى اكتر
طب امشوا معايا واحده واحده كده
بس سيبوا طرمبه كهرباء و عاده و العوامه و الكلام ده على جنب ماشى
دلوقتى انت اول ما تدور اى عربيه فى الدنيا
بيطلع معاك مؤشر بنزين و حراره مظبوط
نفرض مثلا مؤشر الحراره فيه مشكله اكيد مش هيقرا
طب مؤشر البنزين مش واصل اكيد مش هيقرا
تمام كده
انت عندك دلوقتى العوامه بترفع عادى جدااااا بس لما تبطل مش بتنزل
معاناها انها شغاله مانيوال بمعنى اوضح مش شغاله على الكونتاك
تمام كده
اى عوامه فى الدنيا لازم تبقى واصله على العداد علشان تديك القرايه اللى فى التنك تمام
اكيد مش واصله ب ان البنزين بيوصل للعداد يديك القرايه اللى فى التنك
لاء ده بيبقى واصل بيه سلك علشان يديك القرايه اللى فى العوامه اللى راكبه فى التنك
تمام كده
السلك ده المفروض انت اول ما تبطل مياخدش القرايه اللى جايه من سلك العوامه اصلا
يبقى كده مشكله كهرباء عندك با كبير يا رب اكون عرفت اوضح
^_^
معظم عوامات الهوندا الاجيال السابقة مبينزلشى مؤشر البنزين لتحت لما بيتفصل الكونتاكت ... ولو الواحد بطل العربية اثناء التزود بالبنزين والمؤشر كان فى النصف مثلاً مبيطلعشى تانى الا لما تبتدى تشغل العربية .
ياجماعة عشان نبقى واضحين معلش بعد اذنكوا كلكوا فى الاجابات
دلوقتى انتوا لو شيلتوا الفيشة بتاعة العوامة هتلاقى المؤشر نزل فورا واول لما توصل الفيشة تانى هتلاقى المؤشر طلع بسرعة نسبيا طبعا هياخد وقت عن ماهو بينزل بس كل دة فى زمن لا يتعدى ال10 ثوانى يعنى
ودة معناة ان العوامة دية عايزة بس يتعملها توصيلة عن طريق الكونتاكت انها تفصل وتشتغل معاة زى بالظبط الكاسيت فى العربيات القديمة لو عايزة يتعمل مع الكونتاكت او لأ
باختصار و مع احترامى لاراء الجميع الموضوع ده مينفعش يتعمل لان عوامة الهوندا فعلا واصلة مع الكونتاكت ، بدليل انك لما بتمون وانت مبطل العربية الامبير مبيتحركش غير لما بتدور العربية.
العوامة باختصار بتطلع وتنزل كهرباء ، يعنى عشان تنزل المؤشر لازم العوامة تنزل وانت مدور العربية .