السلام عليكم و رحمة الله و بركاته
طاااااااااااااب, أنا دلوقتى عندى سؤال mcq (الاختيار المتعدد) مش عارف أحله.
السؤال:
أنا لو سايق عربيتى و ماشى فى الشارع و لقيت ظابط حليوه كده و أمور و حاطط جيل على شعره و سايق عربيته و جمبه المودام أو خطيبته, قمت أنا باصص من الشباك و قايلها, ماتشيلى نضارة الشمس دى يا جمييييييل عشان أشوف عنيكى الحلوين, تعتقدوا ايه هيكون رد الظبوط الأمووووووووور ؟؟
1- هيشتمنى و يمشى.
2- هيوقف العربية و ينزل يتخانق معايا.
3- هياخد رقم عربيتى عشان يقدم فيا محضر فى القسم.
4- هيقفل الازاز اللى ناحية مراته/خطيبته -اللى هوا فيميه طبعا يعنى- و يحرق بنزين و يمشى.
5- هيقولى "حرام عليك, أنت مالكش أخوات بنات".
ياترى, هتكون ايه الاجابة ؟؟؟؟
أنا قلت أما أسأل السؤال ده, أدام بيقولك أن الظابط دلوقتى بيتفاوض مع الحرامى اللى سرق عربيته عشان يرجعهاله, و الظابط اللى يتهاون فى عربيته النهارده, يا عااااااااااااالم, بكره هيفرط فى ايه, أنا أقصدالظابط, مش أى مواطن عادى اتسرقت عربيته, لأن الظابط ده هو أداة حماية المجتمع و تنفيذ القانون, بس للأسف, وصل بيهم الحال الى قدر كبير من الذل و المهانة بالفعل يتلائم مع ماكانوا عليه من الكبر و الغطرسة و الاستعلاء قبل الثورة, لا اللى فوق بيفضل فوووووووق و لا اللى تحت بيفضل تحت, اياكشى بس يفهموا الدرس.