كل ما يخص الفيفوريت

**ايمن الشربينى** · 19-05-2012 10:37 PM

المشاركة الأصلية كتبت بواسطة hamahomo

استاذ ايمن الشربينى انا من الجيزة ياريت تقولي اجيبها منين وبكام

حضرتك هتجيبها من الحرفيين او الوكالة فى حدود من 200 الى 300 ج
وهقول لحضرتك حاجة العلبة دى تافهة جدا وبسيطة ولو كهربائى بيفهم هيعمل الاتى:
يخلع العلبة برة ويطلع كل الفيوزات ويرش اسبراى تنضيف جاف (حا

جة اسمها اكاى ازرق ب 11ج) وبعدين يسيبها تنشف ويجيب مكوة اللحام والقزير ويعيد لحام كل البنط من الخلف وبعدين يركب طقم فيوزات يابانى 30 امبير الواحد ب 2ج وكدة انتهت مشكلتها والكلام دة عن تجربة

**hamahomo** · 20-05-2012 07:12 PM

استاذ ايمن الشربينى انا شاكر ليك جدا على ردك واهتمامك بس في طلب ممكن تقولي فين الكهربائي اللي صلح علبة الفيوزات ولا افكها واعملها بنفسي انا ليا واحد صحبي كهربائي وعندة مكواة لحام بس مش كهربائي سيارات
وجزاك الله خيرا

**next_academy** · 20-05-2012 11:15 PM

اولا متابع جدا موضوع علبة الفيوزات ده وفعلا ياريت نعرف مكان الكهربائى او امكانية ان الواحد يعملها بنفسه
ثانيا

يا شباب اىىىى حد قدامه تابلوه نضيف كامل بالعدادات يلحقنى بالاسعار

**sakr_skoda** · 20-05-2012 11:43 PM

المشاركة الأصلية كتبت بواسطة ايمن الشربينى

حضرتك هتجيبها من الحرفيين او الوكالة فى حدود من 200 الى 300 ج
وهقول لحضرتك حاجة العلبة دى تافهة جدا وبسيطة ولو كهربائى بيفهم هيعمل الاتى:
يخلع العلبة برة ويطلع كل الفيوزات ويرش اسبراى تنضيف جاف (حا

جة اسمها اكاى ازرق ب 11ج) وبعدين يسيبها تنشف ويجيب مكوة اللحام والقزير ويعيد لحام كل البنط من الخلف وبعدين يركب طقم فيوزات يابانى 30 امبير الواحد ب 2ج وكدة انتهت مشكلتها والكلام دة عن تجربة

فعلا الموضوع دا انا عملتة بنفسى بس يمكن انا عندى خبرة بالكهرباء لسابق عملى كهربائى اصلاح تليفزيون*

فكيت لوحة الفيوزات ووجد ان بها خط محروق على البورد ودا طبعا اكين من قفله بى كهربة السيارة فقمت بتوصية النقط باسلاك معزلة والحمد الله احسن من الكهربائى واللغوصة اللى كان عاملها فيها....

بس ليا ملاحظه على تعليق حضرتك فيوزات الفيفوريت 10 امبير و20 امبير و 30 امبير ولكل وظيفته فمن الخطء الجسيم ان تقوم بتركيب فيوزات 30 امبير على خط لا يتحمل الا ال10امبير وهذه عمليه محسوبة لفصل الفيوز عن حدوث خطء بالدائرة....*

**المنسي** · 21-05-2012 01:32 AM

فكرة ان الفيوزات مختلفة الامبير لان كل دائرة له مايعادل المقاومة بتاعتها بمعنى ان دائرة الساعة ونور الصالون مثلا على دائرة واحدة بفيوز مقاومته 7.5 امبير وعندما يزيد التحميل عن هذا الحد يقوم الفيوز بقفل الدائرة ارجو ان اكون عرفت اوضح

**ايمن الشربينى** · 21-05-2012 03:37 PM

المشاركة الأصلية كتبت بواسطة mentullah

السلام عليكم ورحمة الله

عندي مشكلة في سيارتي الفيفوريت وهي الماتور غير ثابت من ناحية قاعدة الفتيس
يجب تغيير القاعدة بواحدة اصلى ب 60ج وعند تركيبها لازم تهوى باقى القواعد علشان ما تقطعش
وكمان السياره بتفصل عند التهديه او بعد التزويد للتسخين ارجو الافادة في هذه المشكلة ولكم جزيل الشكر

يعنى لو بترفع رجلك من البنزين تبطل وبصفة مستمرة يبقى بك السلانسية الكهربا فاصل كهربا او بايظ ، ولو غير كدة تبقى محتاج تنضف الكربراتير كويس عند اخصائى

**asasi** · 21-05-2012 03:38 PM

بشكر صاحب الموضوع على فكرتو لانى من عشاق العربية دى المهم

عندى كدا شوية مشاكل فى العربية هى نوعها فيفوريت 94 معدله بالكامل فليشيا 99 وموتورها فولكس بولو
1600
اولا : العربية كانت بتدور على طول الصبح كنت ادوس ع البنزين مرة واحدا وبعدين ادور تدور على طول انمادلوقتى لازم افضل دابس رجلى ع البنزين شويا لحد متدور مع انى ودتها مرتين للميكانيكى وعملها بس تقعد اسبوع وترجع.
ثانيا : غيرت اسطوانة ديبرياج كامل بالبيضة من كام شهر بس انا مكنتش قاعد مع الميكانيكى فانا مش متاكد اذا كان غيرو جديد المانى زى مقالى ولا لاء وسالتو على العلب بتاعت الجديد اتهرب منى ومدانيش عقاد نافع
المهم من ساعت مغيرت طقم الدبرياج وفى حاجة غريبة فى العربية لما بكون فى العربية مدة طويلة او لما اقف فى اشارة والعربيه تسخن فى الجو الحر بالزات بتسحب ببطء جدا وعلى مجيب ال80 بكون اتشليت الحكايا دى بقالها اكتر من شهرين معايا ومدايقانى جدا .
رحت للميكانيكى غير اللى عمل طقم الدبرياج قلتلو ع العيب دا وكمان العربية لما بيكون سحبها تقيل كدا لما اقف بيها وابطلها واجى ازقها مثلا مبتتحركش من مكانها كانى شادد الهاند المهم حكيتلو ع الحوار دا قالى الموضوع مش موضوع اسطوانت ديبرياج قالى العيب فى الفرامل مع العلم ان الفرامل فعلا ضعيفة جدا
وقالى هات الحاجات دى
1- ماستر وسيرفو استيراد
2- ماسترين عجل امامى استيراد+2 خرطوم.
3- 2طمبورة جديدة امامى.
4- طقم تيل فرامل امامى. مع العلم انى لسا مغيرو من اسبوعين وكنت جايبو جديد ماليزى.
عارف انى طولت عليكم بس دى مشكلة مديقانى ومش واثق فى الصنيعية وعايز اعرف اعمل ايه بالظبط .

**المنسي** · 21-05-2012 03:57 PM

المشاركة الأصلية كتبت بواسطة mentullah

السلام عليكم ورحمة الله

عندي مشكلة في سيارتي الفيفوريت وهي الماتور غير ثابت من ناحية قاعدة الفتيس وكمان السياره بتفصل عند التهديه او بعد التزويد للتسخين ارجو الافادة في هذه المشكلة ولكم جزيل الشكر

بالنسبة لقاعدة الفتيس غير قاعدة الفتيس بواحدة جديدة فرنساوى
العربية بتفصل منك لما تهدى شوفلى الار بى ام فى السلانسيه على كام لو اقل من 8 يبقي لازم هتفصل منك فى التهدية وتبطل دى حاجة تانى حاجة ممكن الكربراتير عايز يتنظف ويظبطلك مسمار الهوا والبنزين