الموضوع: كل ما يخص الفيفوريت

المشاركة الأصلية كتبت بواسطة next_academy

حبايبى اهل الفيفوريت
رجعتلكم بعد الشدة التمام
قصة كفاح والحمد لله :)
اولا العمرة كانت كالتالى :
طقم بساتم بالشمايز بالاولسيهات = 900 جنية
طقم السبيكة = 60 جنية تقريبا
طقم الجوانات = 140 جنية تقريبا
طقم بوجيهات بالسلوك = 100 جنية
ساعة الزيت = 20 جنية
ترموستات = 20 جنية
كاتينة = 150 جنية
طقم دبرياج = 360 جنية تقريبا
الشداد = 60 جنية
طرمبة المية بالقاعدة = مش متاكد بس تقريبا 140 جنية
رداخ استيراد = 60 جنية ( اللى هو طرمبة البنزين )
وبالمرة جبت جوز كبالن = الواحد عامل 150 جنية بس اوريجينال
وظبطت الكراسى والكنبة = 60 جنية
رشيت جنب العربية = 350 جنية بس والله العظيم اكتر من 3 طبقات بطانة
رشيت الاكصدامات والمساحات = 20 جنية
شوية استيكرات = 50 جنية
غسلة حلوة = 25 جنية
غيرت زيت بعد العمرة ب 500 كيلو عشان مكنتش ضامن الميكانيكى = شل هيلكس 3000 = 75 جنية
اه ومية خضراء للردياتير = 40 جنية
مروحة تبريد 4 ريشة جديدة = 140 جنية وواحدة كمان استيراد 4 ريشة برضو = 100 جنية
جوز فوانيس امامى = غالبا 350 جنية ومش متاكد
الجريدة الكبيرة اللى بتبقى فوق دى = مفجأة
شكمان كامل ووداعا للمشكلة الازلية دى = 350 جنية
جهاز الانزار زجهاز السنترلوك = 350 جنية بالتركيب
شاشة ديفيدي صينى = 400 جنية
جوز سماعات فنلندى 500 وات = 380 جنية
طقم دواسات = 65 جنية
فرش جلد سبور = 380 جنية ( حاجة نضيفة )
كفرات للدركسيون والمراية والفتيس وفرامل اليد ودراعات النور وستاير 150 جنية
واجرة الميكانيكى صحيح كانت 700 جنية شاملة الخراط وشوية حاجات كملها من عنده
وطبعا يا شباب مش محتاج احكيلكم العربية بقى شكلها ايه وحالتها ايه
و إن شاء الله قريب قوى هوريكم الصور
بس انا مستنى اعمل شوية شغل كده فى الكبوت عشان تشوفو حاجة نضيفة :) ادعولى بس

الف الف مبروك وعقبال عندنا انشاء الله بجد الفيفوريت دى عزيزه عليا جدا ومش خسارة اى فلوس تدفع فيها لأنه بجد عربية حمالة اسيه وعمرة ما خذلتنى فى مشوار عاوز تعطل بتعطل قدام البيت وبس اما فى ايه حته لا تتحمل لحد ماتوصل بيتها وتحت راسها على المخدة وتحلف مهى قايمه بنت حلال بجد....*