توكيل ابو رواش حاجة تفرح

**Ahmed_Ezz** · 14-06-2008 01:10 PM

أنا رحت إلنهردة صيانة ال-١٠٠٠٠ و الحائيئة كان التوكيل نضيف جداً و المعاملة تحفة و المهندس كشف بنفسو على كل حاجة فالعربية و كتبها و بعد كدة ألي في أي ملحزات على العربية قلتلو لأ خلاص كدة تمام أوي و عملو كل حاجة أنا كنت عايزها و أكتر كمان و غسل المتور و لمعو العربية ، بالظبط ساعتين و كنت مستلم العربية يا رب يفضلو كدة على طول

**smsmbakr** · 14-06-2008 01:15 PM

ياراجل كان فاضي
امال الي احنا بنسمعة ايه بقى ؟؟
طيب وخدو منك اد ايه في الصيانة
علشان انا رابح اعمل الصيانة انا كمان

**som3aa** · 14-06-2008 02:52 PM

أنا روحت اعمل صيانة 20000 فى ابو رواش كان زحمة شوية بس انا كنت حاجز و سلمت العربية الساعة 3 استلمتها 5:30 مع ان المهندس قالى فى الاول الاستلام على 7 يمكن 8 لو اتاخرنا

بعدين كل مرة كدا , يعنى الصراحة و لا مرة شفت الكلام اللى بسمعوا عن غبور دا (لحد دلوقتى).

يمكن غبور عنده مركز خدمة تانى خفى فى ابو رواش ؟

**mada33** · 14-06-2008 04:11 PM

وأنا لما عملت صيانة الألف في أبو رواش وصلت في معادي الساعة 2 واستلمت العربية الساعة 5

وكانت زي الفل وأتفرجت علي كل حاجة من الزجاج كانت تالت عربية وكنت شايفها كويس وهي

بتتعمل ولما استلمت العربية بصراحة كان الموتور مظبوط وفرامل اليد كمان اترجلشت بس غسيل

الموتور كان أي كلام.

بس الموضوع مكانش زي الصورة اللي الواحد كان واخدها خالص أنا شايف ان من ناحية الوقت طويل شوية لكن بصراحة هما عندهم ضغط جامد.

**Nile_Storm** · 14-06-2008 07:07 PM

يارب دايما الناس تتبسط
و عقبال صيانه المليون

**bassam nagy** · 14-06-2008 07:48 PM

ياجماعة التوكيل بيتحسن غير انوا فى مراقبة شديدة من المهندسيين هناك ويارب يبقى كدة على طول

**Ahmed_Ezz** · 14-06-2008 10:06 PM

خدو باضبت ساعتيين و نص

**Ahmed_Ezz** · 14-06-2008 10:08 PM

الصيانة اتكلفت 518 تغيير زيت 10000 و فلتر و فلتر بنزين و المصنعيات

**Matrixawy** · 14-06-2008 10:09 PM

المشاركة الأصلية كتبت بواسطة bassam nagy

ياجماعة التوكيل بيتحسن غير انوا فى مراقبة شديدة من المهندسيين هناك ويارب يبقى كدة على طول

الظاهر ان تدهور سمعة غبور و الكلام الجامد من الاعضاء اللى كشف كوارث غبور جاب نتيجة كويسة و هذا ما كنت ارجوه نتمنى ان يستمر على ذلك و لا تعود ريمة لعادتها القديمة
باقى شى اخر لم يتحسن بعد و هو الاسعار المبالغ فيها لقطع الغيار