الله يبارك فيك، وأزعل منك ليه هو انت اللي ضفرتها، قصدي بوظتها ههههههه، ارحمني بقى يا نبيه أرجوك
عرض للطباعة
:stink[1]::stink[1]::stink[1]::stink[1]:
مبروك حل المشكلة
واضح أن توكيل أوتو أيجيب محترم فعلآ
مبروك الضفيرة يا باشا
ربنا يبعد عنك المشاكل ان شاء الله
[mark=#f7f7b2]ألف مبروك يا باشا على حل المشكلة..
أنا بس عندي استفسار رفيع.. اللي فهمته إن لو ماكنتش حضرتك غيرت إلى بطارية أمبير أعلى ما كانتش المشكلة ظهرت والعربية كانت فعلاً ماشية كويس مع البطارية القديمة.. مظبوط؟ وزي ما انت قلت الحمد لله إنك غيرت البطارية وانت لسة في الضمان.. طيب معنى كدة إن الضفيرة القديمة كان فيها عيب يخليها مش مظبوطة مع الأمبير الأعلى.. لكن العيب ده ما ظهرش إلا مع التجربة الفعلية.
السؤال.. إزاي نعرف العيب ده من غير ما نغير البطارية؟ هل فيه فحص أو طريقة نقدر نحدد بيها الضفيرة اللي شغالة تمام مع البطارية الصغيرة هاتفضل كويسة وتكمل مع أمبير أعلى ولا هاتفيص وتبقى محتاجة تغيير؟
وإذا كان العيب ده يعتبر عيب صناعة في البطارية يبقى إيه الموقف لو ظهر بعد انتهاء فترة الضمان؟؟؟؟[/mark]
ربنا يبارك فيك يا أبوحسام.. بص يا باشا، المشكلة مش في البطارية المشكلة في الضفيرة واضح إنها ما كانتش قادرة توصل كهرباء أكثر من أمبير البطارية الـ44 أمبير ولما الأمبير زاد وعلى فكرة الـ55 أمبير ده الطبيعي لأي عربية 1500 أو 1600 ظهرت المشكلة، بس أرجع وأقولك إن بيشوي مثلا ركب بطارية 70 أمبير وما حصلش معاه حاجة الحمد لله، وغيره كتير فأنا رأيي إنك تجرب بطارية 55 أمبير على العربية لو حصلت مشكلة اطلع على التوكيل، ما حصلش يبقى خلاص.. تحياتي