فكرة مشروع لغير المتفرغين

**MaZaGAngeE** · 14-05-2012 01:52 AM

المشروع انا كنت عامله دراسة جدوى هنا في المنتدى :
http://www.nilemotors.net/Nile/195317-a.html

و في اليوتيوب بتاعي هتلاقي فيديوهات لمراحل الانشاءات و التجارب
MaZaGAngeE - YouTube

**mohammedabdallh** · 14-05-2012 11:12 AM

اوك

**MaZaGAngeE** · 14-05-2012 06:35 PM

و مصانع البلاستيك :::
تحتاج كربونات كالسيوم معالجة بحمض استيريك و تكون التعبئة في شكائر ورق او بلاستيك وزنها 25 كيلو جرام
و بيحتاجوا انواع : 20 , 25 , 30, 45 ميكرون

**MaZaGAngeE** · 14-05-2012 07:10 PM

المطلوب مننا تنفيذه :::::
1- هنقسم المناطق جغرافيا على حسب اقرب منطقة صناعية لمكان سكنك او شغلك الاساسي .
2- هتجيب دليل الشركات و المصانع و تدور في على مصانع البويات و البلاستيك الموجودة في منطقتك ( خلي بالك ان فيه مصانع كتيرة مش متسجلة )
3- هتتصل بالمصنع و تاخد العنوان بالتفصيل او تناقش المسؤول على طول ( على حسب الكلام ماشي معاك ازاي بس الاغلبية بتكون محتاجة مقابلة شخصية ) و تعرض عليه المنتجات المناسبة و توضح له مميزات منتجنا و تديله كتالوج المنتجات و بياناتها الفنية .
4- هتسلمه عينة0.25/ 0.5 كيلو للتجربة في المعمل و لو قبلها هيطلب منك عينة للتجربة على خط الانتاج و دي بتكون ما بين 0.5 الى 1 طن حسب طبيعة الخط . و دي بتكون عينة مدفوعة في حالة نجاحها .
5- هيتم طلب كميات مبدئية و دي بتكون على حسب حجم المصنع و طاقته الانتاجية و عدد الموردين و تتراوح ما بين 5 طن اسبوعيا الى 50 طن اسبوعيا .

اي اسئلة ؟ نفاصيل مش واضحة ؟

**rockana9112007** · 15-05-2012 02:31 AM

متابع ياباشا

طيب والاسعاار هل بتكون شاملة النقل لحد العميل ولا العميل هو اللى بيتكفل بالنقل ؟؟؟

ثانياا موضوع العينات بيكون لة حساب ولا فرى ولا اية ؟؟؟ولازم عينة واحد طن وكدة ولا اية ؟؟؟

ثالثااا هل اسلوب الدفع كاش ولا شيكات بتاريخ لاحق ولا شهر من تاريخ التسليم ولا اية ؟؟؟وماهو السائد فى هذة الصناعة

**damasry** · 15-05-2012 02:42 AM

فكرة جميلة يا باشا وليك منى رسالة على الخاص

**MaZaGAngeE** · 15-05-2012 03:29 AM

المشاركة الأصلية كتبت بواسطة damasry

فكرة جميلة يا باشا وليك منى رسالة على الخاص

اهلا بيك معانا في الموضوع
مفيش رسالة جت على الخاص
لو حاجة تخص الموضوع اكتبها هنا عشان نناقش بعض و نوصل لأفضل صيغة
و لفكرة تحقق هدفنا كلنا

**MaZaGAngeE** · 15-05-2012 08:07 PM

تعالى نمسك منتج و نفهم الداتاشيت بتاعته مكوناتها و معناها ايه :

و هناخد هنا مثال منتج اسمه D10G

- من الاسم نفهم انه كربونات كالسيوم عادية مش معالجة و حجم الحبيبات 10 ميكرون و سنة زيادة اعلى منها .
- الجدول الأولاني ده بتاع التحليل الكيميائي و هتلاقي البنود بتاعته كالتالي :
CaCO3 و ده هوه المركب بتاعنا اللي اسمه كربونات الكالسيوم و تركيزه في العينة 99.6%
نيجي بقى للشوائب :::: MgO , Sio2 , Fe2O3 , Al2O3 , و دول نسبهم زي الجدول لا يذكروا
اخر خانة هيه معدل الفقد عند الحرق و دي 43.89 % يعمي لما تحرق الحجر هيفضل منه النسبة دي و الباقي ثاني اكسيد الكربون هيتطاير .

- الجدول التاني ده بتاع المواصفات الفيزيائية و اللي يهمنا منه بس درجة البياض اللي هيه 96.3% و الباقي ده يهم مهندسين الجودة في المصانع اللي بيطلبوا منتج عالي الجودة و بمواصفات قياسية .

- الرسم البياني ده بييوضح التوزيع الحبيبي في العينة .... يعني ايه ؟
يعني انت عندك حبيبات حجمها يبدأ من الصفر حتى يصل الى 10 ميكرون , الرسم بيوضح نسبة كل حجم كام في المية ...

- أهم حاجة في الداتاشيت كله و هيه دي اللي الناس بتهتم بيها و بتسأل عليها و كل اللي فات ده مش مهم بالمقارنة بدي ::::

Finenss و دي اهم عامل في الموضوع كله و هيه دي اللي بنبيع بيها ::
D97 = 12.4
معناها ان 97% من العينة اقل من 12.4 ميكرون .... أو ان اكبر حجم حبيبة 12.4 ميكرون

D50 = 3.3
50% من العينة اقل من 3.3 ميكرون

less than 2 microns = 34%
34% من العينة اقل من 2 ميكرون

اي اسئلة ؟

-

-

الموضوع: فكرة مشروع لغير المتفرغين

LinkBack

أدوات الموضوع

عرض

-

-

-

-

-

-

-

-

المواضيع المتشابهه

فكرة مشروع والاستفسار عن الجمارك

فكرة مشروع

فكرة جديدة لغير القادريين علي السمكرة قبل الفحص مباشرة

فكرة مشروع

فكرة مشروع الملاكى الجماعى

الكلمات الدلالية لهذا الموضوع

المفضلات

المفضلات

ضوابط المشاركة