| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 3 1 2 3 الأخيرةالأخيرة
النتائج 1 إلى 10 من 27

  1. #1

    الصورة الرمزية MaZaGAngeE

    رقم العضوية : 19004

    تاريخ التسجيل : 14Sep2008

    المشاركات : 5,735

    النوع : ذكر

    الاقامة : El-menya

    السيارة: Lancer 1993 & VW 1964

    السيارة[2]: نيسان صني فيس لفت

    دراجة بخارية: هانكو 150

    الحالة : MaZaGAngeE غير متواجد حالياً

    Lightbulb فكرة مشروع لغير المتفرغين - Facebook Twitter whatsapp انشر الموضوع فى :

    hasad">

    طبعا ظروف البلد الفترة اللي فاتت مخلية الواحد بيكلم نفسه , و كمان زاد عليها أزمات السولار و البنزين و البوتاجاز و مين عارف ايه كمان ممكن يحصل و ربنا يستر ...
    طبعا أغلب الشركات و المصانع قللت العمالة و قللت المرتبات و لغت الحوافز و الارباح ...
    و انا قاعد كده في ساعة تجلي , جت في دماغي فكرة ممكن تفيد جدا لو نجحت ( و لو فشلت مخسرناش حاجة ) ...
    طبعا زي ما بعضكم عارف انا مدير شركة تعدين و بنصنع كربونات كالسيوم عادية و معالجة ( فيه موضوع كنت عامله عن دراسة جدوى للمشروع في المنتدى هنا )
    و الحمدلله خلصنا المصنع و اختبارات التجارب و الانتاج و كل العك اللي بيكون في بداية المشروع كله .. و دخلنا في الجد بقى , اللي هوه التسويق و البيع .
    التسويق و البيع بيكون مباشر و غير مباشر .
    ازاي ؟
    أقولك :
    1- الغير مباشر بيكون عن طريق انك تدور في النت على مواقع تجمعات المنتجين و المستهلكين للحاجة اللي انت عايز تبيعها و تتناقش معاهم و تفتح معاهم شغل .
    2- المباشر انك تمسك Yellow pages أو دليل الشركات أو مواقع الشركات و المصانع اللي انت عايز تبيعلها المنتج بتاعك أو الخدمة بتاعتك و تكلم المشتريات أو الشخص المسؤول عندهم و تقنعه بالشراء من عندك او عن طريقك ...

    طبعا انا شغال بالطريقتين و معايا 2 زملا شغالين معايا بس المشكلة اننا عايزين نغطي منطقة جغرافية أكبر و في وقت أقل , و عايزين نوصل لشركات أكتر و عدد أكبر في أقصر وقت ممكن ..
    و لكن يا معلم ده موضوع مكلف جدا و هنحتاج نعين ناس كتير و مصاريف اكتر و الخزنة فاااااااااااااااااااااااا ااااااااااااااضية ... ايه العمل يا ابو خالد ,,, تعمل ايه يا ابو خالد ,,,, دبرني يا وزير ..

    رحت رايح على الغيط تحت تكعيبة العنب و ضربتلي براد شاي بالحطب و علبة سجاير و سرحت في دنيا الخيال .....
    المهم وصلت لفكرة أني أطلب مساعدتكم ( أمال لو مش هنساعد بعض هنساعد مين ؟ ) و أعرض عليكم فكرة ممكن تكون مفيدة لينا و ليكم و هتكون تجربة لو نجحت نكبرها و ندخل فيها منتجات تانية و لو فشلت نقعد نعملها تحليل و نشوف اسباب الفشل و نعالجها ازاي ...
    و عشان مطولش عليكم الفكرة باختصار ::::
    احنا عدد كبير من الشباب و الشابات ( عشان محدش يقول عليا واخد موقف من المرأة ) و منتشرين في كل محافظات و مدن و قرى مصر المحروسة ... و أغلبنا أو بعضنا بيشتغل و الباقيين يا طلبة أو سيدات بيوت ( يا بختهم ) أو عندهم اعمال خاصة ...
    و ممكن البعض يشتغل معانا و يتعاون معانا بانه ساكن قريب من منطقة صناعية او عنده وقت يلف على مصانع من غير ما يتكلف مبلغ كبير ( مثلا انا في بني سويف و عشان اروح برج العرب اليوم بيضيع و بصرف 150 جنيه و بروح مصنع او 2 بالكتير , بعكس اللي ساكن في برج العرب ممكن يروح 5 مصانع في اليوم وهيصرف 20 جنيه بنزين )
    هيه دي بقى الفكرة يا شباب ..................
    انت مثلا ساكن في بورسعيد او اسماعيلية و قريب منك منطقة صناعية تقوم رايح و توصل لمصنع بوية أو بلاستيك و تعرض عليهم منتجنا و تناقش معاهم مواصفاته و تبيعلهم .... و هتاخد نسبة معقولة على حجم المبيعات اللي هتعملها و ده ممكن تعمله بعد مواعيد شغلك الرسمية و كده بقى هيكون عندك فرصة انك تزود دخلك و تتعلم مجال جديد و نشاط جديد ... واحنا استفدنا اننا انتشرنا في وقت أقل و بتكاليف اقل كتير ...

    طبعا دي مش فكرة جديدة و شركات كتيرة عملوها لكن الجديد ان شركات و مصانع التعدين و الخامات معملوهاش .....

    منتظر آرائكم و نقاشكم المفيد
    أخوكم م عمر الصاوي

    [mshosh2]http://www.4shared.com/photo/lCkSz74F/morsee.html[/mshosh2]


  2. #2

    الصورة الرمزية أبو صلاح

    رقم العضوية : 30921

    تاريخ التسجيل : 23Jan2009

    المشاركات : 4,877

    النوع : ذكر

    الاقامة : KSA

    السيارة: kia rio 2001

    السيارة[2]: Lincoln Town Car 2001 4.6

    دراجة بخارية: لايوجد

    الحالة : أبو صلاح غير متواجد حالياً

    افتراضي -

    طيب والمواصفات الفنية والكتالوجات؟


  3. #3

    الصورة الرمزية mahmoudselim

    رقم العضوية : 20556

    تاريخ التسجيل : 29Sep2008

    المشاركات : 1,038

    النوع : ذكر

    الاقامة : Cairo Sraya al Quba

    السيارة: Subaru Impreza 1998

    السيارة[2]: Toyota Corolla 2006

    دراجة بخارية: SUBARU

    الحالة : mahmoudselim غير متواجد حالياً

    افتراضي -

    الكلام جميل من حيث المبدأ. وفيها مصلحة حلوة لكل الناس
    بس دي لازملها قاعدة يا معلم علشان الواحد يفهم بالتفصيل الممل
    كل حاجة عن المنتج ال المفروض نسوقة. انا عامتا جنبي مصانع مدينة العبور
    و المصانع ال في طريق الروبيكي.

    اللهم صلى على محمد وعلى آله وصحبه أجمعين


  4. #4

    الصورة الرمزية alfath8

    رقم العضوية : 80023

    تاريخ التسجيل : 12Sep2010

    المشاركات : 2,142

    النوع : ذكر

    الاقامة : بورسعيد

    السيارة: نفسى اجيب هورنت 600

    السيارة[2]: honda

    دراجة بخارية: cb400

    الحالة : alfath8 غير متواجد حالياً

    افتراضي -

    ممكن اساعدك بس اشرحلى كل حاجة عن نشاطك والمواد اللى انتا بتصنعها بتستخدم فى ايه انا شغال فى الملابس الجاهزة

    محمد مصطفى


  5. #5

    الصورة الرمزية brown-eyes

    رقم العضوية : 2980

    تاريخ التسجيل : 03Nov2007

    المشاركات : 1,159

    النوع : ذكر

    الاقامة : haram-maadi () italy - roma

    السيارة: opel vectra

    السيارة[2]: opel corsa 95

    دراجة بخارية: honda vision 50cc

    الحالة : brown-eyes غير متواجد حالياً

    افتراضي -

    فكرة كويسة زممكن بردو تطيق بره مصر

    ( وكان الانسان اكثر شيء جدلا }


  6. #6

    الصورة الرمزية rockana9112007

    رقم العضوية : 3595

    تاريخ التسجيل : 06Dec2007

    المشاركات : 800

    النوع : ذكر

    الاقامة : cairo

    السيارة: chevrolet pick up

    السيارة[2]: chevrolet spark 2008

    دراجة بخارية: لا

    الحالة : rockana9112007 غير متواجد حالياً

    افتراضي -

    كنت عاوز حضرتك تقولى من هم المستهلكين اللى بيستعملو كربونات الصوديوم وبتستعمل فى اية ؟؟؟؟

    وانا شغال فى منطقة المصانع ....6 أكتوبر ...ومتحمس للفكرة

    قد تعلمت الصمت من الثرثار .والتساهل من المتعصب .واللطف من الغليظ...
    والاغرب انني لا اعترف بجميل هؤلاء المعلمين !!


  7. #7

    الصورة الرمزية hazemhassan

    رقم العضوية : 37774

    تاريخ التسجيل : 11Apr2009

    المشاركات : 1,585

    النوع : ذكر

    الاقامة : عين شمس

    السيارة: شيفورلية لانوس

    السيارة[2]: 128 فيات

    دراجة بخارية: no

    الحالة : hazemhassan غير متواجد حالياً

    افتراضي -

    ونا كمان عايز اعرف بيستخدم فى اية
    عشان ممكن يكون لية مجال قدامى


  8. #8

    الصورة الرمزية aboomar22

    رقم العضوية : 55040

    تاريخ التسجيل : 06Dec2009

    المشاركات : 1,928

    النوع : ذكر

    الاقامة : egypt

    السيارة: opel vectra

    السيارة[2]: nubira 2

    دراجة بخارية: لا

    الحالة : aboomar22 غير متواجد حالياً

    افتراضي -

    اقتباس المشاركة الأصلية كتبت بواسطة rockana9112007 مشاهدة المشاركة
    كنت عاوز حضرتك تقولى من هم المستهلكين اللى بيستعملو كربونات الصوديوم وبتستعمل فى اية ؟؟؟؟

    وانا شغال فى منطقة المصانع ....6 أكتوبر ...ومتحمس للفكرة
    هى كربونات كالسيوم اللى هو الحجر الجيرى مثل اصابع التباشير العادى واظن بيدخل فى صناعة الاسمنت والدهانات ومعاجين الاسنان والادوية وصناعة اللدائن والبلاستيك وصناعة الحديد والصلب وممكن بقى صاحب الموضوع يكمل لنا الشرح


  9. #9

    الصورة الرمزية MaZaGAngeE

    رقم العضوية : 19004

    تاريخ التسجيل : 14Sep2008

    المشاركات : 5,735

    النوع : ذكر

    الاقامة : El-menya

    السيارة: Lancer 1993 & VW 1964

    السيارة[2]: نيسان صني فيس لفت

    دراجة بخارية: هانكو 150

    الحالة : MaZaGAngeE غير متواجد حالياً

    افتراضي -

    ايه الجمال ده كله و الحلاوة دي , و الله انا سعيد جدا بيكم و هوه ده نايل موتورز و همه دول اهله , أحييكم جميعا و اشكركم اهتمامكم


    زي ما قال ابو عمر ,,,, كربونات الكالسيوم هوه الحجر الجيري و افضل انواعه على مستوى العالم موجود في المنيا و هوه مكون صناعي يدخل في صناعات كتيرة جدا لا يمكن حصرها
    و الصناعات اللي تهمنا في الفترة الحالية :

    1- صناعات البويات : و دي بتستخدم كربونات كالسيوم مطحونة عادية و قليل جدا كربونات كالسيوم معالجة بحمض الاستيريك ...
    و تستخدم الكربونات في البويات بكميات كبيرة لأنها تشكل من 40 الى 60% من خامات البويات على حسب نوعية البوية و استخداماتها ....

    2- صناعات البلاستيك :
    مواسير و كراسي و اي انواع اخرى من البلاستيك ..
    و صناعة البلاستيك تستخدم كربونات الكالسيوم المعالجة فقط و تستخدم كميات قليلة لأن الكربونات تدخل في صناعة البلاستيك بنسبة تقريبا من 10 الى 20% على حسب النوعية و الجودة و الاستخدام ..


    طبعا الصناعات دي في الغالب مش هنلاقيها غير في المناطق الصناعية , و على فكرة الصناعتين دول منتشرين جدا في كل المحافظات ...
    و زوروا صفحتي على الفيس بوك عشان تشوفوا صور المحجر و المصنع و الكتالوجات

    Al Doha mining | Facebook

    طبعا عايزين نناقش الموضوع هنا مع بعض لحد ما نحط الخطوط العريضة و بعدها نعمل مقابلة في المصنع عشان تشوفوا كل حاجة على الطبيعة عشان لما تناقش مهندس الانتاج او مسؤول المشتريات تكون على قدر مناسب من المعرفة بالصناعة اللي انت بتبيعها .....

    [mshosh2]http://www.4shared.com/photo/lCkSz74F/morsee.html[/mshosh2]


  10. #10

    الصورة الرمزية ahmad550

    رقم العضوية : 123066

    تاريخ التسجيل : 12Apr2012

    المشاركات : 176

    النوع : ذكر

    الاقامة : قنا

    السيارة: لا يوجد

    السيارة[2]: لادا 2107 06

    دراجة بخارية: no

    الحالة : ahmad550 غير متواجد حالياً

    افتراضي -

    hasad">

    متابع وياريت تفاصيل اكتر عن المشروع

    سبحان الله وبحمده ... سبحان الله العظيم



 
صفحة 1 من 3 1 2 3 الأخيرةالأخيرة

المواضيع المتشابهه

  1. فكرة مشروع والاستفسار عن الجمارك
    بواسطة أبو صلاح في المنتدى المنتــــــدى الاجتمــاعى
    مشاركات: 4
    آخر مشاركة: 11-11-2011, 06:25 PM
  2. فكرة مشروع
    بواسطة Omar.Shawki في المنتدى المنتــــــدى الاجتمــاعى
    مشاركات: 19
    آخر مشاركة: 03-04-2011, 10:11 AM
  3. فكرة جديدة لغير القادريين علي السمكرة قبل الفحص مباشرة
    بواسطة hook1st في المنتدى جسم السيارة داخليا وخارجيا
    مشاركات: 5
    آخر مشاركة: 09-10-2010, 06:22 PM
  4. فكرة مشروع
    بواسطة mrwho1982 في المنتدى المنتــــــدى الاجتمــاعى
    مشاركات: 5
    آخر مشاركة: 23-06-2010, 10:24 AM
  5. فكرة مشروع الملاكى الجماعى
    بواسطة mohmed011 في المنتدى المنتــــــدى العـــــــــــام للسيــارات
    مشاركات: 28
    آخر مشاركة: 28-12-2009, 08:38 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2