محتاج اكشف على المحرك بالجهاز لانى لسه مغير سير الكاتينة وحاسس ان الموتور مبقاش مظبوط ..صوته عالى والعربية بتسخن سنة
وهل الجهاز يبين اذا كان السير مظبوط ولا لاء؟
عرض للطباعة
محتاج اكشف على المحرك بالجهاز لانى لسه مغير سير الكاتينة وحاسس ان الموتور مبقاش مظبوط ..صوته عالى والعربية بتسخن سنة
وهل الجهاز يبين اذا كان السير مظبوط ولا لاء؟
الموضوع صعب للدرجة دى؟
مفيش حد يعرف حد عنده جهاز الكشف عن اعطال المحرك؟؟
في واحد بيصلح رينو في أحمد عرابي
لو تعرف معرض الكموني واخد ناصيه, خش الناصيه دي هتلاقيه على شمالك مافيش 20 متر هو محل صغير بس بيصلح كليو وميجان كمان
ربنا يكرمك بس سمعته كويسة ؟؟
لان اللى اتلسع من البهايم ينفخ فى الرينو :)))))))))
ههههههههه
والله بص احنا مصلحين عنده كليو وشفت عنده ميجان كتير وفي الاخر انا مش هقوللك انه 100% فنان لأنه مش نازل من السما :)
بص هو صاحب الورشه راجل كبير في السن وهو بيبقى قاعد بس مش بيشتغل بايده لأنه تقريبا عامل عمليه في القلب فابنه هو اللي بيشتغل ومعاه صنايعي كهرباء وصنايعي تاني كده يعني تقدر تقول بيعملوا كونسولتو :penguin4:
عموما جرب وشوف خلليه يكشف بالسكانر
عجبك الكلام خير وبركه ماعجبكش يفتح الله
على فكره هما عندهم محل قطع غيار في وش الورشه ده بتاعهم عشان تبقى عارف قبل ماتروح
مش شرط تجيب من عنده
لو قاللك عايزين كذا او كذا في واحد قريب جمب ابو العينين اللي في وادي النيل ممكن تجيب منه الحاجه لو حبيت وتقوله لو مانفعتش هرجعهالك (مثلا يعني) وممكن برضه تجيبها من عندهم لو حبيت
وربنا يكرمك
هو سعر الكشف بالاسكانر بكام ؟