الى كل من يشتكى من نشفان عفشة البريلليانس fsv
طبعا كلنا بنحس بالفرق فى نشفان العفشة بينا وبين بعض العربيات التانيا زى الفيرنا و الالنترا و الافيو مثلا
بس انا هنقلكو تجربتى اللى خلتنى اكتشف ان العفشه مظلومه
امبارح ربنا كرمنى بمبلغ و قلت اغير الكاوتش لانو عمل 52 الف كيلوو و فردتين منو ابتدو يعملو مشاكل بيريحو و ينامو
وبينى و بينكم انا بسافر كتير فا خفت فردة تضرب على سرعة ولا حاجة
قمت اتكلت على الله و غيرت الاربع فرد الى فيها مقاس 15/65/195 ب اربع فرد دانلوب المانى 15/60/205
وكانت المفاجئة
نعومه تاااااااااااامه للعفشة الدبابيس اللى العربيه كانت بترقص عليها بقت مش محسوسه تقريبا
قضبان المترو بتاعت اشارة روكسى اللى كنت بنط عليها كل يوم بقت ولا كانها كرتونة دوست عليها
بجد اكتشفت ان كا فى العربية 4 فرد طوب مش كاوتش
فا نصيحتى للى هيغير كاوتش اوعى تسترخص بجد بجد هتحس انك راكب عربيه تانيه و اللى مش مصدقنى يجيى نجرب