الغباء والاستهتار كان هيتسبب في كارثة على الدايري لولا ستر ربنا !!

السلام عليكم ورحمة الله وبركاته

الواحد بدا يحس انه دمه تقيل وكل مواضيعه عن الحوادث !!

لكن نعمل ايه القدر هو اللى بيجبرني اني اسوق بشكل يومي على الدايري من صفط اللبن لحد اكتوبر !! وياكمية المهازل اللى بشوفها على الطريق ده بشكل يومي

بشكل يومي حوادث ابشع من بعضها ربنا يسترها معانا

النهارده حصل موقف غريب كان هيتسبب في حادثة او كارثة بمعنى اصح لولا ستر ربنا

هقولكم على الموقف لانه فيه اكتر من سبب من اسباب الحوادث اللى بتحصل بشكل يومي لكن للاسف الناس مش بتاخد بالها

بتلاقي كارثة او حادثة مميتة حصلت بسبب حاجة بسيطة جدا !

اللى حصل وانا ماشي على الدايري بعد دريم بارك بحجات بسيطة متوجه نحية نزلة الصحراوي

طبعا الطريق ده زي ماحضراتكم عارفين مكون من ثلاث حرات واغلبه ملفات وياكثرة العربيات النقل والترلات على الطريق ده

انا واخد الحارة الشمال وماشي بسرعة 90/100 تقريبا

في الحارة اللى على اليمين بي ام معدي من جمبي

وقدامنا في الحارة اللى في النص عربيتين نص نقل تلاجة ماشيين ورا بعض

اول ما البي ام عدت من يميني قعدت ابص عليها كدة واقول بسم الله ماشاء الله البي ام شكلها وهي بتجري روووووووووعة "كانت 320i"

مكملتش الكلمة ولقيت بتاع النص نقل اللى كان قدامنا في الحارة اللى في النص يرمي يمين على البي ام !

البي ام مسك فرامل ومافيش اي مشاكل بالنسبة ليه

الكارثة فين بقى !!! زي ماقلت لحضراتكم فيه 2 نص نقل ورا بعض

لما الاولى رمت يمين على البي ام اللى وراه يتفاجأة بعربية تويوتا ياريس قدامه وماشية في نص الدايري على سرعة لا تزيد عن 30/40 كم !!! ماتفهمش ده ماشي في النص بالشكل ده ليه

طبعا مسك فرامل جامد وراح حاااادف شمال ! والحمد لله اني كنت في الشمال بس وراهم بحبة والا كان زمانه طيرني على الاتجاه التاني

العربية النص نقل مع الفرملة والكسرة الجامدة بدات تلف وتنحرف عن مسارها وكانت هتطلع عكس اتجاه لولا ان ربنا ستر واتعدلت في اخر لحظة !!

طبعا كل ده حصل في حوالي ثانيتين تلاتة بالكتير

عديت انا من الشمال وببص على الياريس اللى ماشية بتتمختر في نص الدايري على سرعة 30 دي عايز افهم بيعمل ايه !!؟

اتاري الاخ الفاضل صاحب النص نقل اللى كان هيتقلب وقف على الشمال وتقريبا نازل يتخانق مع بتاع الياريس ! وانا طبعا باصص للياريس ومش واخد بالي من الطريق

مرة واحدة ببص قدامي لقيت النص نقل واقف !! مسكت فرامل جامد وايدي على الكلاكس راح هو رامي يمين وفاتحلي حارتي والحمد لله ربنا سترها والموقف عدى على خير

مما سبق نستنتج ان كان هيحصل كارثة لا قدر الله لو كانت النص نقل طلعت عكس اتجاه !! او لو كان في اي حد في اللحظة دي جاي من الشمال كانو هيتعملو ساندوتش :oops2:

وان حجات بسيطة جدا كانت هتتسبب في كارثة وانا لخصتها لحضراتكم في التالي :

1- واحد حمار ماشي على الديري وفي النص وبسرعة لا تتجاوز 30/40 كم !! طبيعي يتسبب في كارثة لو عربيته فيها حاجة ياخد اليمين ويدي انتظار ويمشي براحته انما في النص وبالمنظر ده !!!

2- واحد اخر حمار سايق عربية نص نقل ولازق في العربية اللى قدامه لدرجة ان لما العربية اللى قدامه غيرت اتجاها لبست هو في اللى قدامها لانه مش سايب مسافة امان !!

3- واحد تالت حمار زيي كدة بالظبط سايب الطريق وبيتفرج على الياريس وبيشوفها ماشية براحة ليه <<<< انت مالك يابني ماتخليك في حالك !! يخربيت الفضول اللى عند الشعب المصري :fun_10_9_134[1]:

وطبعا رقم 3 دي بتحصل كتيير بغض النظر عن السبب في الانشغال عن الطريق !! اما واحدة بتعدي السكة وشاب بيتفرج عليها ! عربية جامدة عدت من جمبه ومركز معاها ومنشغل عن الطريق ! بياكل بيشرب بيكتب message على الموبايل ... الخ !!

كل دي اسباب بتتسبب في كوارث وللاسف الكوارث بتحصل في ثانية وماحدش بيلحق ياخد باله من حاجة

بس تفتكرو مين اللى يلام اكتر !! الياريس عشان ماشي في النص على سرعة هادية ؟؟ ولا النص نقل عشان مش سايب مسافة امان بينه وبين اللى قدامه ؟

منتظر تعليقاتكم

وربنا يسترها معانا ويحفظنا

حمد الله على السلامة ولا تنشغل بغير الطريق وخصوصا الدائرى وطبعا سواقين النقل والميكروباس فتوات الطريق وخدينها عافيه وفى نظرهم هم الصح وغيرهم غلط أما عن سؤالك عن الغلطان رقم 1/2/3
وربنا يستر طريقك وطريقنا جميعا . سلام

تحياتى لتحليلك و احب اضيف نقطتين كمان
1- سائق البى ام غلطان انه تخطاك من على يمينك, المفروض التخطى من الشمال, و لو الشمال مقفول المفروض يهدى و يستنى فرصه لما الشمال يكون متاح و بعد كده يتخطاك
2- سائق النص نقل اللى فى الامام ماشى سرحان ( لو كان اتفاجئ بالياريس امامه لان ده معناه انه مكانش مركز فى الطريق) او بيستهبل (لو كان شايفها امامه و فضل ماشى فى طريقه و قرر يغير اتجاهه فى اخر لحظه)
3- طبيعى جدا ان لما وحد كان هيعمل حادثه و ربنا بيسترها معاه بيقف و ينزل من العربيه لغاية ما يخلص من الخضه و يبدا يسيطر على اعصابه زى النقل اللى كان هيتقلب
فالمفروض ان لما بيحصل اى حركات من النوع اللى فى قصتك ان كل اللى ماشى فى الطريق بيهدى لحد ما الكل يعرف يسيطر على عربيته و نفسه
سلامات
و تقبلوا تحياتى

الحمد لله إن ما حصلش حاجة

موضوع السرحان دة بالذات مصيبة انا كنت ماشى مرة سرحت مع الأيفو بتاعت البهى وبعد بتاع 4 ثوانى ببص لقيت عربية افيو جاية فى وشى كنت هاخدها بالحضن لولا ستر ربنا

ربنا ستر الحمد الله

ربنا يستر يا عم ahmod ..

باقولك صحيح أنت ساكن في صفط ولا ايييييييييه ؟؟ ..

لو ساكن يبقى أنت جنبي مفيش 5 دقائق .. أصلي ساكن في مساكن الجامعة ..

حبيبي ..........

الخطأء على

1- اللى ماشي على الدائري وفي النص وبسرعة لا تتجاوز 30/40 كم !!
( خد من دووول كتييير اوووى)

2- اللى سايق عربية نص نقل ولازق في العربية اللى قدامه
( وملاكى كمان بيعمل كدا)

3- والنقل اللى بيمشوا جمب بعض وملعون ابو الطريق



ربنا يسترها ويحفظنا

ربنا يسترها علينا

الف حمدالله على سلامتك

ربنا يستر طريقك يا دكتور احمد

انا متعود علي حاجه معينه بعملها اول ما بمشي في طريق سريع
اشد الحزام الايد الشمال علي الدركسيون اليمين علي الفتيس والهاند بريك والكرسي في وضع قائم
بركز في الطريق بطريقه عاليه جداوبمشي بعمل حسابي ان اول عربيه علي بعد نظري هتقف امته عشان اكون جاهز مش اتفجئ وثانيا بتابع في المرايا العربيات الي بتيجي من وره
متفكرش في اي حاجه غير الطريق طول ما انت سايق

سترك يا رب

الحمد لله وقدر الله ماشاء فعل
الجمد لله عدت على خير والله كلها ماشية بستر ربنا
عايز اقولك ان نقطة رقم 1 بسببها اتقلبت بعربية فيرنا من حوالى 6 او 5 سنين
موقف مشابة كنت على اول الصحراوى عند توكيل تويوتا
ماشى 100 او 120 بالكتييييير اوى
وفجأة بلانوس الاقيها رمت قدامى بحوالى 5متر من اليمين للحارة النص اللى انا ماشى فيها وبردو كان ماشى حوالى 30 او 40 بالكتييييييييييييير اوى
الحارتين يمين مقفولة بمقطورة وهو قدامى الشمال طيارات اقل حاجة 150 واستحالة انا كمان هعمل نفس الحركة وارمى شمال
مجاش فى بالى غير الفرااااااامل غلط غلطة عمرى وهى وقفت على الفرامل بفيرنا طبعا اللى معاة فيرنا فاهم انا بتكلم فى اية الفيرنا لما بتفرمل جامد اوى مرة وحدة لازم تنحرف منك واصلا العربية كان راكبلها جنط 17 جديد وكان لسة بعد العيد هتركب عفشة اسبور فالعربية من ورا مرفوعة مع قوة الفرامل
ومع انى كنت مكلبش فى الطارة لقيت العربية عرضت منى يمين فى شمال
الحمد لله المقطورة اللى يمينى طلعت منى واللى ورايا لم نفسة
طبعا كنت سبت فرامل ومكلبش فى الطارة والعربية عرضت منى اربع مرات شمال فى يمين فى شمال فى اخر تعريضة يمين العربية متوجهة ببوذ الفانوس الييمين على عمود نور وخلاص هتطلع عن الطريق كسرت الطارة شمال افادى العمود كان تحت العمود كوم تراب يادوب فادين لبسة العامود مع كسرة العجلة شمال ورفعت العربية على كوم التراب العربية جت على جنبها وقلبت وسحفت على السقف على تراب حوالى 7متر مكنتش شايف ولا بتنفس غير ترااااب
الحمد لله كنا 4 افراد وطلعين بكدمات فقط الحمد لله
وطبعا شريط حياتى كلة كان بيمر قدام عنيا فى اللحظات دى
واحد منا فت الباب وزحف وخرج وبدأ يخرجنا والناس عدلوا العربية طبعا جنب وسقف وكبوت العربية مدمرة
هو الحمد لله لولا كوم التراب مكنش ممكن الواحد قلب بس دة قدر
بس شوف غلطة واحدة او غباء سائق ممكن يتسبب بكارثة
كنت ممكن انزل تحت التريلا واتعجن انا واللى فى العربية والعربية تحت ععجل المقطورة لو مكنش طلع منى
كنت ممكن بدال ما اقلب يمين برة الطريق كنت لبست الجزيرة وياعالم بقى كانت هتعدى الطريق وعملت كارثة الناحية التانية ولا هتتقلب على الجزيرة ووقتها مكنتش هتبقى قلبة واحدة بس
ولا ولا ولا
على فكرة فضلت شهرين كل ما احط دماغى على المخدة الاقى الجادثة بتشتغل فيديو قدامى وقعدت حوالى اسبوع مش عارف انام بسبب الموضوع دة

حمد الله بالسلامة
وربنا سترها معاكم

مع عدد السائقين الجهلاء اللى موجودين فى مصر ..لا انصح احد انة يعدى ال70 على الدائرى والمحور
90 على الصحراوى مهما كانت قدرة السيارة على الجرى و السرعة

اقتباس:

---

المشاركة الأصلية كتبت بواسطة ahmod

السلام عليكم ورحمة الله وبركاته

و عليكم السلام و رحمه الله و بركاته
مكملتش الكلمة ولقيت بتاع النص نقل اللى كان قدامنا في الحارة اللى في النص يرمي يمين على البي ام !
و هو ده العادي من النقل و الاجره
البي ام مسك فرامل ومافيش اي مشاكل بالنسبة ليه

الكارثة فين بقى !!! زي ماقلت لحضراتكم فيه 2 نص نقل ورا بعض

لما الاولى رمت يمين على البي ام اللى وراه يتفاجأة بعربية تويوتا ياريس قدامه وماشية في نص الدايري على سرعة لا تزيد عن 30/40 كم !!! ماتفهمش ده ماشي في النص بالشكل ده ليه
كانت متفيمه ؟ :yeah:
طبعا مسك فرامل جامد وراح حاااادف شمال ! والحمد لله اني كنت في الشمال بس وراهم بحبة والا كان زمانه طيرني على الاتجاه التاني

العربية النص نقل مع الفرملة والكسرة الجامدة بدات تلف وتنحرف عن مسارها وكانت هتطلع عكس اتجاه لولا ان ربنا ستر واتعدلت في اخر لحظة !!

طبعا كل ده حصل في حوالي ثانيتين تلاتة بالكتير

عديت انا من الشمال وببص على الياريس اللى ماشية بتتمختر في نص الدايري على سرعة 30 دي عايز افهم بيعمل ايه !!؟

اتاري الاخ الفاضل صاحب النص نقل اللى كان هيتقلب وقف على الشمال وتقريبا نازل يتخانق مع بتاع الياريس ! وانا طبعا باصص للياريس ومش واخد بالي من الطريق

مرة واحدة ببص قدامي لقيت النص نقل واقف !! مسكت فرامل جامد وايدي على الكلاكس راح هو رامي يمين وفاتحلي حارتي والحمد لله ربنا سترها والموقف عدى على خير

مما سبق نستنتج ان كان هيحصل كارثة لا قدر الله لو كانت النص نقل طلعت عكس اتجاه !! او لو كان في اي حد في اللحظة دي جاي من الشمال كانو هيتعملو ساندوتش :oops2:

وان حجات بسيطة جدا كانت هتتسبب في كارثة وانا لخصتها لحضراتكم في التالي :

1- واحد حمار ماشي على الديري وفي النص وبسرعة لا تتجاوز 30/40 كم !! طبيعي يتسبب في كارثة لو عربيته فيها حاجة ياخد اليمين ويدي انتظار ويمشي براحته انما في النص وبالمنظر ده !!!
نفسي افهم الناس دي مش متوقعه السيناريو ده ولا عارفين و مش خايفين ولا عاوزين ينتحروا ؟ :fun_10_9_134[1]:

2- واحد اخر حمار سايق عربية نص نقل ولازق في العربية اللى قدامه لدرجة ان لما العربية اللى قدامه غيرت اتجاها لبست هو في اللى قدامها لانه مش سايب مسافة امان !!
مش فاهم انا ازاي حصل كده...اكيد كان سرحان و طبعا مش سايب مسافه بينه و بين ال قدامه
3- واحد تالت حمار زيي كدة بالظبط سايب الطريق وبيتفرج على الياريس وبيشوفها ماشية براحة ليه <<<< انت مالك يابني ماتخليك في حالك !! يخربيت الفضول اللى عند الشعب المصري :fun_10_9_134[1]:

وطبعا رقم 3 دي بتحصل كتيير بغض النظر عن السبب في الانشغال عن الطريق !! اما واحدة بتعدي السكة وشاب بيتفرج عليها ! عربية جامدة عدت من جمبه ومركز معاها ومنشغل عن الطريق ! بياكل بيشرب بيكتب message على الموبايل ... الخ !!
لو سمحت متشتمش علي رقم 3 عشان انا منهم هههههههههههههههههه :36_2_55[1]: بس مش اوي...مش اوي ازاي؟....من اسبوعين كده واحد ب 132 ربنا ياخده ماشي زي التعبان في الشارع ونا مستعجل ,لا عارف اطلع منه من يمين ولا من شمال...اول ما غار ف داهيه هيحود ببص عليه عشان يعرف غلطه و يحس بالدنيا و هووووووووووووب لبست ف اسبيرانزا الصغيره دي..طبعا انا غلطان و غالبا الاسبرانزا كان واقف وقفه حمير مفاجأه و منه لله ابو 132 هو السبب الاساسي
كل دي اسباب بتتسبب في كوارث وللاسف الكوارث بتحصل في ثانية وماحدش بيلحق ياخد باله من حاجة

بس تفتكرو مين اللى يلام اكتر !! الياريس عشان ماشي في النص على سرعة هادية ؟؟ ولا النص نقل عشان مش سايب مسافة امان بينه وبين اللى قدامه ؟

منتظر تعليقاتكم

وربنا يسترها معانا ويحفظنا

---

اقتباس:

---

المشاركة الأصلية كتبت بواسطة _hema

3- والنقل اللى بيمشوا جمب بعض وملعون ابو الطريق
يا ويله يا سواد ليله لما بعدي منه....بطلع عليه القديم والجديد و الماضي و الحاضر....الواحد ساعتها بيبقي قلبه ميت و ضغطه في السما و عاوز يعمل اي حاجه عشان بنرفز النقل و ياخد حقه منه

---

اقتباس:

---

المشاركة الأصلية كتبت بواسطة zocor742

الحمد لله وقدر الله ماشاء فعل
الجمد لله عدت على خير والله كلها ماشية بستر ربنا
عايز اقولك ان نقطة رقم 1 بسببها اتقلبت بعربية فيرنا من حوالى 6 او 5 سنين
موقف مشابة كنت على اول الصحراوى عند توكيل تويوتا
ماشى 100 او 120 بالكتييييير اوى
بالنسبه للفيرنا علي السرعه دي بتكون لسه تحت السيطره علي ما اعتقد من خلال تجربتي للعربيه من 2008 حتي الان
وفجأة بلانوس الاقيها رمت قدامى بحوالى 5متر من اليمين للحارة النص اللى انا ماشى فيها وبردو كان ماشى حوالى 30 او 40 بالكتييييييييييييير اوى
الحارتين يمين مقفولة بمقطورة وهو قدامى الشمال طيارات اقل حاجة 150 واستحالة انا كمان هعمل نفس الحركة وارمى شمال
مجاش فى بالى غير الفرااااااامل غلط غلطة عمرى وهى وقفت على الفرامل بفيرنا طبعا اللى معاة فيرنا فاهم انا بتكلم فى اية الفيرنا لما بتفرمل جامد اوى مرة وحدة لازم تنحرف منك واصلا العربية كان راكبلها جنط 17 جديد

الفيرنا معايا بجنط 13 و بكلبش الاربع عجلات في نفس الوقت و الحمد لله ولا الهوا.....جايز عربيتك كان فيها مشكله لأن عندي كانت بترمي مع الفرامل زمان بس مش فاكر الصراحه المشكله اختفت بعد الترصيص ولا الزوايا ولا ايه بالظبط !!!!!
بس غريبه الحكايه دي مع الجنط ال 17
الفيرنا عاوزه ال يجاريها و الفرامل الكلبشه دي مصيبه اساسا سواء العربيه هتنحرف و مسافه التوقف بتبقي قليله...الموضوع بردو عاوز تمرين متهيألي عشان تعرف تفرمل جامد من غير ماتزحف و تكارك ف نفس الوقت و في رأيي و من خلال التجربه الهاند هي الحل السحري....بتخلص الكلام في الفيرنا :00020191:
ومع انى كنت مكلبش فى الطارة لقيت العربية عرضت منى يمين فى شمال
الحمد لله المقطورة اللى يمينى طلعت منى واللى ورايا لم نفسة
طبعا كنت سبت فرامل ومكلبش فى الطارة والعربية عرضت منى اربع مرات شمال فى يمين فى شمال فى اخر تعريضة يمين العربية متوجهة ببوذ الفانوس الييمين على عمود نور وخلاص هتطلع عن الطريق كسرت الطارة شمال افادى العمود كان تحت العمود كوم تراب يادوب فادين لبسة العامود مع كسرة العجلة شمال ورفعت العربية على كوم التراب العربية جت على جنبها وقلبت وسحفت على السقف على تراب حوالى 7متر مكنتش شايف ولا بتنفس غير ترااااب
الحمد لله كنا 4 افراد وطلعين بكدمات فقط الحمد لله
وطبعا شريط حياتى كلة كان بيمر قدام عنيا فى اللحظات دى
واحد منا فت الباب وزحف وخرج وبدأ يخرجنا والناس عدلوا العربية طبعا جنب وسقف وكبوت العربية مدمرة
هو الحمد لله لولا كوم التراب مكنش ممكن الواحد قلب بس دة قدر
بس شوف غلطة واحدة او غباء سائق ممكن يتسبب بكارثة
كنت ممكن انزل تحت التريلا واتعجن انا واللى فى العربية والعربية تحت ععجل المقطورة لو مكنش طلع منى
كنت ممكن بدال ما اقلب يمين برة الطريق كنت لبست الجزيرة وياعالم بقى كانت هتعدى الطريق وعملت كارثة الناحية التانية ولا هتتقلب على الجزيرة ووقتها مكنتش هتبقى قلبة واحدة بس
ولا ولا ولا
على فكرة فضلت شهرين كل ما احط دماغى على المخدة الاقى الجادثة بتشتغل فيديو قدامى وقعدت حوالى اسبوع مش عارف انام بسبب الموضوع دة

---

مش عارف الواحد من كتر ضغوط الحياه بقي يدخل غرز و يطلع منها بأعجوبه بأعجوبه بأعجوبه بأعجوبه بأعجوبه و بعدها ولا كأن في حاجه حصلت...كنت في الاول بتوتر جامد و بعدين اتعودت علي الموضوع جدا....كنت هموت من كام يوم بين نص نقل بطلع منه و اتوبيس جاي ف وشي ههههههههههههههههههه :b4_048:

اقتباس:

---

المشاركة الأصلية كتبت بواسطة ahmod

وربنا يسترها معانا ويحفظنا

---

+11111111111111

اولا حمدلله ع السلامه
ثانيا الياريس غلطان والنص نقل غلطان بس الياريس هوا اللي يتحمل الغلط الاكبر

اقتباس:

---

اما واحدة بتعدي السكة وشاب بيتفرج عليها !

---

فعلا كنت هلبس كتير بسبب الموضوع ده :d

الحمد لله ان ربنا ستر

ربنا يستر عالناس كلها يارب