الموضوع: لقيت قطة صغيرة جوه الموتور !!!!!!

حصلت معايا ومكنتش عارف ان فيه قطه كانت كبيره ومزنوقه عند الفرن وشغلت العربيه ومشيت على طول عشان كنت مستعجل شويه ولقيت رحية شياط قلت بس عليه العوض العربيه حصل فيها حاجه ركنت على جنب وفتحت الكبوت لقيت القطه متفحمه وميته وشلتها بلعافيه عشان كانت لاصقه فى الفرن وطبعا نفسيا تعبت

المشاركة الأصلية كتبت بواسطة hossam_elwani

حصلت معايا ومكنتش عارف ان فيه قطه كانت كبيره ومزنوقه عند الفرن وشغلت العربيه ومشيت على طول عشان كنت مستعجل شويه ولقيت رحية شياط قلت بس عليه العوض العربيه حصل فيها حاجه ركنت على جنب وفتحت الكبوت لقيت القطه متفحمه وميته وشلتها بلعافيه عشان كانت لاصقه فى الفرن وطبعا نفسيا تعبت

ههههههههههههه باشا مش باين خالص من السرد انك تعبت. ده متهيالي لو كنت لقيت قطة ماشية فالشارع كنت جبتها من ديلها وحطيتها تكمل سوي فالفرن بدل اللي اتفحمت.

اوعا تزعل بضحك معاك.

حصلت معايا قبل كده و في فيرنا برده :)

والدي قاللي انزل سخن العربيه عشان ورايا مشوار المهم دورت و سمعت صوت قطه
نزلت من العربيه قعدت ابص تحتيها و اخبط على الرفارف و خبطت على العربيه كلها تقريبا و برده مفيش فايده لسه في صوت قطه

المهم والدي نزل و قولتله قاللي نفض و ركب العربيه و مشي هما 20 متر و لاقيته وقف
ايه يا حاج قاللي مش هيفنع اسوق كده دورلي عليها
قعدت ادور تاني لحد اما قلت بس مفيش غير الكبوت

و فعلا فتحت الاقي القطوطه الصغيره واقفه فوق المحرك تماما و هو سخن طبعا و عماله تنوتنو.............المهم الغبيه اول ما شافتني كانت هتنط من المحرك على السيور و طبعا كانت هتتفرم .............. قمت بسرعه ماسكها و انا بطبعي بتقرف لما امسك الحيوانات قمت ماسكها بسرعه و راميها في الشارع ................ قام لحظي النحس واد بفيزبا معدي من جنب العربيه فجأه لقى قطه بتطير قدامه قام يا عيني مفرمل قبل ما تلبس في وشه :) ................. وقام باصصلي بصه عمري ما هنساها :)

بس كده و قام الحاج مكمل مشواره :)

انا مرة لقيت قطة مخلفه بتاع 4 قطط صغيرة فالماتور فالعربية الفيات
كل ده علشان سبتها مركونة بتاع 5 ايام مش بنزل بيها بس كانوا شكلهم حلو
قولت الحمد الله اني خت بالي
لاني العربية مدرتش اساسا
البطارية كانت نايمة
نصيبهم