العربية مش بتدور

**madvoodoo** · 14-06-2008 02:31 PM

موقف محرج جدا العربية بطلت مني في الاشارة ومش راضية تدورة قعدت في الاشارة بعد ما فتحت حوالي خمس دقائق المهم مشيت وبعدين شوية وانا مروح خلاص وبركن العربية ولسه بعدلها في مكانها بطلت خالص ومش راضية تقوم تاني فتعكننت وسبتها المهم انا كانت تحت البيت الحمد لله جيت وكانت الساعة 1 بالليل ومراتي معايا المهم تاني يوم جبت كهربائي من جنب البيت زقناها فدارت والكهربائي قلي متقلقش يا بيه ديه البطارية نايمة علشان الميه بتاعتها احلوت احنا هنخدها نفضيها ونغيرلها ميه ونشحنها قلت الحمد لله عملنا الموضوع ده والعربية مشيت زي الفل تاني يوم خرجت بردو انا ومراتي والعربية ماشي بيها زي الفل قبلت واحد صحبي هو ومراتو نزلت اسلم عليهم ورجعت علشان امشي بالعربية لقتها عملت نفس الموضوع اتخنقت واتعقننت المهم اولاد الحلال زقوني فدارت ورحت راميها تحت البيت وانا بصراحة قرفان جدا ومش عارف اعمل ايه انا عندي العربية مهمة جدا علشان انا مراتي على وش ولادة خلاص ومش عارف لو حصل الموضوع ده بالليل في اي وقت اتصرف ازاي وانا نفسي حد يفدني في الموضوع ده وجزاكم الله خير
على فكرة البطارية لسة جديدة من 3 شهور

**mmolazem** · 14-06-2008 05:58 PM

ما تقلقش ان شاء الله بسيطه

بس فيه سؤال
الكهربائى فسر لك العطل ده بايه ، و ايه اخبار المارش.

- عموما احتمال يكون فيه عطل فى الشحن ( دينامو - وصلات الدينامو - كتاوت الشحن )
- او يكون فيه ( ماس ) وهو اللى بيسبب تفريغ شحنة البطاريه.

لو ممكن تحدد نوع العربيه ، و ان شاء الله الأخوه هنا ممكن يفيدوك جدا.