قبل ما أدخل عالم الأندرويد : بعض الأسئلة محتاج إجاباتها
سلام الله عليكم
أنا بصدد أن أدخل عالم الأندرويد وأشتري أحد جوالات سامسونج الذكية
ومحتاج مشورتكم في بعض الأسئلة
1-كل نظام ناجح يعتمد على تطبيقاته المتاحة ومدى تنوعها وطبعا نظام الأندرويد هو السيد في هذا المقام
وعرفت إن فيه حاجة إسمها أندرويد ماركت لتطبيقات الأندرويد
لكن سؤالي : هو الأندرويد ماركت ده عبارة عن موقع واحد بتنزل عليه كل التطبيقات وهو ده المعتمد
رسميا ولا إيه ماهيته بالضبط
لأني بحثت عليه طلع لي حاجات كثير وملقيتش موقع إسمه كدة
ولا الموضوع مش مرتبط بموقع واحد يعني ممكن أكثر من موقع يحط تطبيقات كثيرة وإنت حمل
وعيش؟
من الأخر فهموني الليلة دي؟
2-هل كل التطبيقات المتاحة تعمل على الأنظمة المختلفة للأندرويد ولا لكل أندرويد تطبيقاته الخاصة؟
يعني التطبيقات اللي بتشتغل على أندرويد 2 هي برده بتشتغل على أندرويد4 ولا لأ؟
3-ممكن حد يشرح لي ببساطة كيف يعمل الأندرويد يعني في الأول بتلاقي صفحة قدامك وممكن بصباعك تقلب ما بين 4-5صفحات مش عارف ليه مش الصفحة الرئيسية دي فيها كل الإختصارات اللي إنت محتاجها
إيه لازمة الصفح اللي جنب الواجهة الرئيسية دي؟ ولا نوع من المساعدة إنك تحط إختصارات زيادة
4-ما بين HTC و سامسونج يقولك سامسونج بتستخدم في الواجهة نظام touchwiz
وhtc بتستخدم htc sense وفيه حاجة إسمها واجهة الأندرويد الأصلية من غير إضافات الشركات
هو إيه الكلام الكثير ده؟
5-فيه بقى شوية حاجات كدة غريبة يقولك نزلت الروم الفلانية إيه الروم دي؟
ويقولك فيه حاجة إسمها روت؟طيب إيه روم وإيه روت
على فكرة أنا قرأت على النت كثير عن الكلمتين دول ومفهمتش حاجة فبالراحة عليا
6-جزاكم الله كل الخير وشكرا لكم جزيلا وعذرا على الإطالة