المشاركة الأصلية كتبت بواسطة yaseenmohamed
والله الاسبوع اللي فات بدور العربيه الصبح لقيت العربيه فيها رجه قويه جدا ولقيت اللمبه اللي واخده شكل المحرك الاصفر منوره باستمرار ( لمبه ال injection المهم بطلت العربيه ورحت فاصل كابل البطاريه وركبته تاني لكن المشكله استمرت
قلت امشي شويه يمكن تختفي لكنها استمرت ولقيت الار بي ام بيعلي بشكل غريب ومافيش acceleration خالص المهم ركنت وقلت اشوف ايه الموضوع فتحت الكبوت ورحت فاكك الغطاء البلاستك والمفاجأه......
لقيت البوجيه رقم 3 السلك بتاعه متفرتك ومتأرأض تماما ولقيت بقايا ( سمك - فراخ - طعميه - قشر برتقال للتحليه - بقايا سجاير ) وبكيات كبيره
رحت موصل السلك ولفيته بشكرتون المشكله انتهت تماما ومستني بس أفضي شويه وأروح أغير السلك
وطلعت علي البنزينه ونضفلي الكلام ده كله بالهواء