كام موقف كده حصلوا على السريع

**حماده المصري** · 14-05-2012 04:47 AM

اليومين الي فاتوا دول وعز شارع الهرم ابو الغباء الي في العالم كله من سواقين المكروباس والتكاسي

كونت ماشي عي شارع اسمه خاتم المرسيلين ومفيش غير حاره وحده وهوباااا وحده وفقت تاكسي قدامي وراح راكن في وسط الشارع العادي بمبدا التكافل الاجتماعي والست كانت كبيره وكان معاها بنتها
طبعا انا اتجننت وده بكل برود مطلع ايده من الشباك راحت الست مزعقاله وقايلاله يركن على جنب وانا والله احترمتها

--------------------------

تاني موقف بقى في زحمه بنزينه عليها ميكروباصات كتييير وقلق وعربيه 128 على الشمال مفيمه مش باين مين جواها المهم سواق مكروباص تنح برضو على يمينهم وفجاه راح رامي عليهم شمال بتناحه غريبه وخابط العربيه ونازل يبرطم المهم البيه ده غلط غلطه عمره
فجاه لقيت الاربع بيبان بتتفتح ونازل منها اربع اشخاص ولا ال 777 اربع رجاله من الي تشوفهم تحس ان الدنيا بقت برد ________ مسكوه دغدغوه ضرب وكل الناس الي واقفه في الزحمه قعدت تضحك وهوه بصراحه يستاهل لانهم 99% منهم عربجيه

---------------------------------------------

تالت موقف بقى اللي شلني كنت هتجنن منه واقف في الزحمه في فيصل عادي فجاه سمعت صوت خبطه نزلت لقيت سواق ميكروباص بيركب في الاكصدام الخلفي بتاعي الي هو خبطه ووقعه على الارض بس الشهاده لله هوه الاكصدام يادوب متركب انا طبعا نزلت اتجننت وهو بصراحه منطقش كلمه نزل وقعد يحاول في الاكصدام وطبعا انا ركنت على جنب وهو فضل معايا يركب في الاكصدام بكل احترام ومشي

بصراحه 90% من زحمه مصر بسبب الميكروباصات والتكاسي وبعد كده تخلف بعض سواقين الملاكي

**kar!m** · 14-05-2012 10:02 AM

ربنا يسترها معانا .. اقول لك على حاجه .. هي الحاجات الصغيره دى بتضايق .. بس لما تشوف واحد عربيته متدغدغه و متشاله على ونش .. تقول الحمد لله.

و برضه لما تلاقي واحد ابنه عيان ولا حاجه .. تقول أي حاجه تييجي في العربيه مش مهم.

و الأهم من ده كله .. لما تلاقي حد عنده مشكلة فى عقيدتة .. تقول كل اللى فوق ده مش مهم.

اللهم لا تفتنا فى ديننا ولا تجعل الدنيا أكبر همنا.

**Inteltech** · 14-05-2012 10:23 AM

لا والشارع ده بصراحة تلاقي عجب العجب من ميكروباصات الفولكس القديمة دي ولا النقل العام بس هو العادي يعني حضرتك اكيد اتعودت المناظر دي بالهرم

**mazher_m** · 14-05-2012 12:18 PM

يا باشا المواقف دي اصبحت روتين يومي لازم علي الاقل يعدي علي 5او6 منها
ربنا يسترها

**mohammedabdallh** · 14-05-2012 12:25 PM

الزحمه وقله الادب والعربجيه هى دى مصر

**المنسي** · 14-05-2012 12:29 PM

يا باشا ده مبقاش شارع الهرم دلوقتى تلاقى التكاتك ماشية عليه ومية فل و14 طيب تعمل ايه لما تبقى ماشي فى امان الله فى شارع خاتم المرسلين وواحد ابن حلال بموتسيكل على شمالك وراكب وراه طفل صغير ويروح واخد منك غرزة ويروح مجرح الاكصدام ومقشر بوية من عليه انا كل ده حصل وساعتها انا كنت واقف مش ماشي يعنى الافندى اخد الغرزة والطريق كان واقف طبعا انا اتنرفزت والادهى تخيلو عمل ايه بيبصلى وعايز يقل ادبه على اساس ان انا كنت ماشي ورحت خابطه لما لقانى اساسا واقف مقدرش يفتح بقه وكمان اللى هدانى ساعتها ان كانت زوجتى معايا وقالتلى خلاص هتعملو ايه وانتو عارفين الكلام ده ربنا يتوب علينا من الغباء وسنينه

**moha4tec** · 14-05-2012 02:53 PM

ربنا معاك و فعلا لازم نغير من سلوكنا عشان نحسن من وضع المرور و الطرق .
اغلب الطرق بلاقيها زحمه و لما اعدى المنطقه الزحمه مبلاقيش اى حوادث هى الللى معطله الطريق و لا عربيات عطلانه و لا الهوا ّ.تقريبا السبب هو التريلات الكتير اللى بتمشى براحه جنب بعض و بيقفلوا الطريق