الموضوع: @ موضوع للنقاش. @ : بلد احجز واستنى ومفيش ميعاد !!!

المشاركة الأصلية كتبت بواسطة ahmed_mido1889

صحيح بلد بتاعت حجوزات

اه واللهِ بلد بتاعت حجوزات ، ومن كتر مافيها حجوزات بقيت تحس انك انتا ذات نفسك كمواطن محجووووووووز. ومسجون ومحصور .... وتبقى دايخ يا عيني هتصرف ازاي .... ويقلك نظم وقت. طيب هنظم وقتي ازاي اذا الناس بتلخبطلك وقتك
الدقيقة في العالم كلو معناها ٦٠ ثانية ، الا في مصر عندنا الوضع مختلف تماماً
فلو حد قالك دقيقه وجي اعرف انو بيقولك ربع ساعة وجي.
ولو حد قالك خمس دقايق اعرف انو بيقلك ساعه او ساعه الاربع
ولو حد قالك ١٠ دقايق وهجيلك. يعني هيجيلك بعد ساعتين.
أااااا الله اومال لو حد سئلني لو حد قالي يومين واعدي عليك .يعني كان. بيقولك اسبوع ولا اسبوعين وجيلك ههههههههههه.

وياعيني ياعيني لو بتتعامل مع صنيعي .... وقالك بكرة انشاء الله هتيجي وتلاقيها خلصت وتقعد انتا ياعيني على كلمة بكرررة دي تعيش معاه أيام وليالي .... وتقضي معاه ايام شبابك كلها ... ألله هو العمر فيه كام سنة ولا حياتي انا كلها فيها كام يوم علشان اعيش زهرة شباببي بجري وراك وابووس ايدك وش وظهر علشان تخلصني ..

هو خلاص عنصر الوقت بالنسبه لكم بقة معدوم ... مفيش حاجة اسمها وقت في حساباتك ..
وكل ماتروح تسئل عنو تلاقيه بره ورشتو ايه ياسطة خير كنت فين. يقلك كنت في شغل وتلاقيه عمال يفتح على نفسو شغل ورى شغل ورى شغل وحاجتك انتا لسه مخلصهاش .ومتقدرش تاخود حاجتك من عندو لانو يا يكون واخد منك عربووون وتقعد تعيش بقيت ربيع عمرك وانتا بتجري وراه عاوز فلوسك يا تاخود حاجتك وتروح .لواحد تاني وتبدء من جديد وتعيش معاه احلى ايام وليالي لانو مش فاهم العك بتاع الصنايعي الاولاني ... ده لسه هيكتشف فين المشكلة وده بتاع ايه ودي بتاعت ايه ... فتصبر .ويااااااااا صبر ايووووووووووب ..

حد جرب مرة يتصل على توكيل صيانة فريش ولا توشيبا ولا شركة تكيفات ... يقلك بالحجز واقرب ميعاد الاسبوع الي جي ... .في اليوم الفلاني. انشاء الله هنجيلك طيب ايمتى ولا الساعه كام. يقلك من واحدة لسته ههههههه. هو ايه الي من وحده لسته دي هو انا هدخل سيماااا. قلي وقت محدد حضرتك استناك فيه. ولا انا هسيب كل شغلي واقعد في البيت استنى بتاع الغسالة علشان يجي يصلحها..

وتطر ياعيني تستاذن من الشغل بدري علشان تستنى بتاع الغسلات وفي النهاية جيلك اخر الليل يقولك معليش بكرة انشاء الله هجيلك علشان الوووووقت اتأخر ههههههه.
كانك خدت اجازة من الشغل لله وللوطن او كاني واحد صايع موريش شغلانه في حياتي غير تصليح الغسالة دي !!!.

طيب هاخود اجازة من الشغل ازاي هقول لصاحب العمل ايه معليش بعد ازنك انا هستاذن من الشغل بدري علشان اشوف ايه قصة الغسالة ... طيب هيقولي ما انتا كل يوم بتستئذن من الشغل علشان الغسالة .... وعلى .كل شيء في حياتي كمواطن مصري أصيل علشان اصلحها يبقى محتاج اجازة مفتوحة من غير مرتب علشان اجري ورى السباك واستناه واجري ورى بتاع الغسلات. واجري ورى بتوع التكيف واجري ورى بتوع المصالح الحكومية .علشان استخرج ورقة ولا شهادة ولا مستند والخزنة بتقفل الساعه اتنين ..

ده حتى فاتورة التيلفونات بقالي اكتر من تلات تشهر عاوز اروح ادفعها. والمشكلة السنترال بيقفل الساعه ٢ الله طيب انا بخرط من شغلي الساعه اربعه واحياناً خمسة واجازتي جمعة وسبت .هدفعها ازاي !!! ده ايه المهلبية الي احنا عايشينها دي وفراخ بالطعمية ..

ليه تعصرونا بالشكل اده وليه مفيش حد بيحترم كلمتو ولا .مواعيدووو. ليه ليه ليه ..


.

ههههههههههههههه المشكلة مش في تنظيم المواعيد ولا الحجز يا باشا المشكلة انه مش بيطبق يعني لو انت عند الدكتور كمان وحاجز وحد جيه اده السكرتير او التمرجي ده اللي فيه النصيب على جنب هيدخل قبل ولو تكلمت هيقولك حالة طارئة او حتى بيراجع ودقيقة وطالع فده العادي بتاع مصر اعمل الموعد وروح بعده بساعة احسن

طيب تقول ايه لدكاترة بتخليك تحجز قبل 6 شهور ؟؟؟؟؟؟؟؟؟
قال يعنى أنا عارف أنا هعيا أمتى

المشاركة الأصلية كتبت بواسطة mohammedabdallh

انت حجزت قبل ما تعمل الموضوع ده

هى دى البلد كله بيشتغل كله

اه والله هههههههههههه وحشني واللهِ يامحمد باشا يالي خد ميعاد قبل مقابلت تويوتا ومجاش ههههه

المشاركة الأصلية كتبت بواسطة omar61995

طيب تقول ايه لدكاترة بتخليك تحجز قبل 6 شهور ؟؟؟؟؟؟؟؟؟
قال يعنى أنا عارف أنا هعيا أمتى

اه ده بقه نوعية الدكاترة الي هتجنني. يعني ايه دكتور يقول لمريضو. احجز لمة ست تاشهر. ليه انشاء. الله مسافر ايطالية ولا هيوديني امريكا ... والي يجنني ان في ناس. بتحجز يعني من قلت الدكاترة في مصر. ، يقولك لا اصلوو شاطر. طيب ماهو حتى لو شاطر هو انا ضامن اعيش لغايت بكرة. ولا انا عارف هتكون ظروفي ايه بعد ست تشهررر بجد نقطة مهمة ياعمر باشا احييك عليه كتر خيرك لبت عليا المواجع ههههههههههه.

المشاركة الأصلية كتبت بواسطة ahmedeihab

حاجه يعنى بقت تفقع و الله يا ميدو
امال هيعمل عليك مهم ازاى يا كبير
لازم يقولك خد معاد و الا مش هيبقى مشهور كده
^_^