انا مسافر مطروح بالسيارة الفيليشيا 1997 وعايز نصائح من ذوي الخبرة اكشف على العربية واغير الزيت الخ...
عرض للطباعة
انا مسافر مطروح بالسيارة الفيليشيا 1997 وعايز نصائح من ذوي الخبرة اكشف على العربية واغير الزيت الخ...
تغير زيت
الكشف علي عمل المراوح
الكشف علي المياه
الكشف علي كافه السوائل
حاله الاطارات
تربيط العفشه
ابدأ بالتريب ده :
1- تغيير الزيت ان قرب معاد تغييره
2- التاكد من مروحة الردياتير انها تعمل بكفاءة
3- التاكد من عدم وجود تسريب فى دورة التبريد
4-التاكد من مسوب مياه التبريد
5-ظبط ضغط هوا الاطارات
6- تربيط العفشة
7- ظبط الزوايا
8-يكون معاك مية للردياتير زيادة ( جركن )
9-واخيرا وقبل السفر الالتزام بدعاء ركوب السيارة وذكر دعاء السفر
تروح وترجع بالسلامة ورحلة ممتعه باذن الله
و أهم حاجة الإستبن و كفاءة النور عندك
اهم حاجه برضو تروح للكهربائى تكشف على البطارية والدينامو والمارش يقولك حالتهم ايه
أهم 3 حاجات الزيت والتبريد وضغط الإطارات
وحاول تفول العربيه قبل ما تمسك طريق وادي النطرون
علشان مش حتلاقي بنزينه غير علي طريق مطروح
اشترى راحة راسك و راحة جسمك و سافر بالاتوبيس
ا
توصل بالسلامة
وبعد ما تشيك على كل حاجة كما بالسابق
يفضل تسافر صباحا
توصل بالسلامة وترجعلنا بالسلامة
إن شاء الله
ومتنساش تجيب لنا شوية مياه من هناك
وكمان تقولنا عملت أيه فى الطريق وخد منك وقت قد أيه
لقيته عندنا امبارح في هايبر وان الشيخ زايد بـ 35 جنيه, وفي منه انواع أغلى.
بصراحة أنا مجربتوش قبل كدا لكن بفكر اشتريه..لان لما فردة كاوتش تضرب منك وانت على طريق سفر مثلا تنفخها على طول بيه وتروح لأقرب واحد بتاع كاوتش بدل ما تغيره وخاصة لو كنت بالليل ولا حاجة.
بالنسبة لصاحب الموضوع:
حاول تخلي معاك جركن بنزين في الشنطة احتياطي عشان يمشيك لو البنزين خلص منك لاقدر الله أو لأي ظرف,
وابقى فول العربية وحاول تزود العربية بنزين وانت على الطريق كل لما ينقص شوية متستناش لما ينقص كتير أو لما يكون فاضل الربع مثلاً.
وطبعا جركن أو جركنين مية احتياط لأي ظرف وجركن زيت ماتور 1 لتر صغير احتياط بردو لأي ظرف.
و بقيت نصايح الأعضاء مهمة بردو.
وربنا يستر طريقك وتوصل بالسلامة.
تحياتي للجميع.
الحمدلله انا روحت ورجعت بالسلامة
بصراحة رحلة ممتعة الطريق جميل خصوصا باللليل
الطريق خذ حوالي 4 ساعات ونص ماشي كويس لاسريع قوي ولا بطيء معدل 120كم/س
مطروح الجو برد بالنسبة للقاهرة كنت بلبس لبس شتوي بالليل الحرارة تفرق 10 درجات عن القاهرة
العربية بصراحة تعبتني قبل ماسافر في الصيانة وكشف ماقبل السفر خصوصا دورة التبريد بس الصراحة احسن حاجة انك تطمن على حالة العربية قبل السفر ماتضمنش الظروف
السواقة متعبة لما تكون متواصلة بدون راحات
شكرا على النصائح لكل من شارك بالرد وأتمنى لكم دوام الصحة والتوفيق
..
اهم حاجه ستر ربنا و متتقفش ردااااااااااااااااار
معلش انا هاسألك فى حاجه تانيه غير العربيه.....
اخبار مطروح ايه اليومين دول ؟
لانى متردد قوى انى اسافر ليها السنه دى ......
وهل حضرتك كنت نازل فى فندق ولا ماجر شقه ؟؟
وكنت نازل فى اى منطقه ؟؟؟
اسف على الاسئله الكتير بس كنت حابب اطمن منك.......
يلا كل مصيف وانت طيب
حمدلله على السلامه رحلة سعيدة انا كنت لسه جاي من اسبوع تقريباً الطريق رائع خصوصاً العالمين عشان مش زحمة ورايق بس وانت جاي تلاقي الاصلاحات في الطريق عبارة عن رقع تحسها لما تمشي عليها بس انا كنت راكب اللانوس واخدت الطريق من عين شمس لمرسى مطروح في 5 ساعات وموقفتش غير في العالمين اشتري مياه شرب قضيت خمسة ايام هناك كنت في باب البحر بالقرب من شاطئ روميل البلد كانت شبه فاضية الاسعار كويسه جداً بس فعلا الجو كان بيكون برد بالليل كنت واخد شقة مكيفه بالكامل وما استخدمتش التكييف خالص وكنت بتغطى باليل كنت مأجرها اليوم بـ175 جنيه طبعا نفس الشقة بتوصل لـ 500 جنيه في زروة الموسم خصوصاً انها على البحر وفرشها نضيف والاجهزة جديده وحديثه كلها وكان جيراني في نفس العقار امريكان تبع شركة بترول .... شارع الاسكندرية كان رايق على الاخر وطبعا اكلت في مشويات كمونة ولفيت في سوق ليبيا كان شبه مهوي من الزبائن للأسف مالفتش زي كل سنة وروحت شاطئ الغرام او عجيبة الحالة الامنيه هناك مستقرة جداً ومفيش مشاكل غالبية المصيفيين هناك كانو من الاسكندرية وظهر ذلك من لوحة ارقام السيارات .... وبعودة يامطروح ان شاء الله
الحمد لله على السلامة..ويارب تكون استمتعت هناك.