السلا م عليكم الاخوة الافاضل اعضاء المنتدى
من يومين كنت مسافر القاهرة بالعربية وانا في الطريق لقيت لمبة التشيك نورت وانا ماشي المهم كنت وصلت الماستر ووقفت ابص على العربية لقيت مفيش حاجه فيها ظاهره المهم دورت العربية وطلعت لقيت اللمبة اطفت وكملت الطريق ووصلت لسرعة 120 وبعدين بهدي ل 80 تقريبا لقيت اللمبة بتاعت الاتشيك نورت المهم خلصت مشوار ي في القاهره ورجعت اسكندرية وطول الطريق كل ما اوصل لسرعة عالية واجي اهدي الاقي لمية الاتشيك نورت ابطل العربية وادورها اللمبة تنطفي
رحت رايح عامل اسكان للعربية والنتيجة :
1- timing adj. Circuit
2- in tank manifold prss. Signal high
3- vehicle speed sensor
مولانا الميكانيكي افتى ان اول مشكلتين مش مهمين ابدا وان المشكلة التالتة هي السبب في ان لمبة الاتشيك بتنور
اخر صيانه تمت من حوالي اسبوع وتم تغيير طقم سيور كامل طقم فلاتر بوجيهات واسلاك بوجيهات تيال فرامل وتغيير زيت الموتور .
العربية دايو اسبيرو 96 اتوماتيك
اسف على الاطالة والرغي ولكن ارجو من الاخوه الافاضل توضيح الامر وهل فعلا المشاكل ده ملهاش تأثير وان المشكلة الاساسية هي حساس السرعة