اعرف منين ان الصباب بايظ

**sameh_se** · 14-05-2012 12:04 PM

السلام عليكم ورحمة الله وبركاته
يا جماعة الطمع فى العلم حلو موش كدا .... ههههه
انا بصراحة واحد صاحبى موتور عربيتة الميكانيكى قالو ان فيها صباب .
بس انا شايف ان العربية مشية كويس .
السؤال بقا .
اعرف منين ان العربية كدا فعلا فيها صباب بايظ
و اصلا اية الى يخلى الصباب يبوظ
على فكرة عربيتة جولف 2
و شكرا للاهتمام .

**matrix012** · 14-05-2012 12:06 PM

معلش انا مش فاهم حاجه
الميكانيكى قال كده بنأ على ايه فى صوت او دربكه او سحب وحش او تخبيط
يعنى صاحبك كان بيشتكى من ايه وراح للميكانيكى علشانه
وربنا يستر طريقى وطريقكم

**ehab_mansour** · 14-05-2012 12:16 PM

المشاركة الأصلية كتبت بواسطة matrix012

معلش انا مش فاهم حاجه
الميكانيكى قال كده بنأ على ايه فى صوت او دربكه او سحب وحش او تخبيط
يعنى صاحبك كان بيشتكى من ايه وراح للميكانيكى علشانه
وربنا يستر طريقى وطريقكم

منتظر أشوف رد علي الكلام ده و بعدين نتكلم مع بعض !!!

**SYD** · 14-05-2012 12:19 PM

اول الأشارات او الدلائل او بيسموها الأعراض
هتلاقي الموتور مش مستقر وكأنه متلت (شغال 3 بوجيه)

بسهولة يعرف الكلام دة

لو شال سلك البوجيهات من علي كل بوجيه
بوجيه بوجيه والسلك الي يخلعه يرجعه تاني مكانه

لو لقي الموتور مبرجل لما يخلع سلك البوجيه وبعد لما يعيد تركيبه لسة مبرجل يبقي الصباب دة قاطع

طبعا بعد ما يتأكد
1- ان البوجيه اساسا شغال
2- ان الأسبراتير بيرمي كهربا للبوجيه الي شاكك فيه

الكلام دة لو شاكك انها قاطعة صباب

وممكن يكون كل مشاكله في اسلاك البوجيهات او الأسبراتير نفسه او الشاكوش او الكوباية (غطا الأسبراتير سواء البرتقالي او الأسود)

والله المستعان
،
،

**SYD** · 14-05-2012 12:36 PM

مواتير فولكس مش بتظبط تاكيهات
شغالة علي كوستبانات بتملي زيت وتظبط نفسها بنفسها

الي بيتظبط عندنا هو الأسبراتير والكاتينة فقط لا غير

شكرا علي الرد

والله المستعان
،
،

**sameh_se** · 14-05-2012 01:07 PM

طيب يا جماعة على كلامكم دة ممكن يكون الرشاش هوا الى فية المشكلة و يدى نفس الاعراض دى
ولا انا غلطان اعذرونى اناعلى قدى برضو

**SYD** · 14-05-2012 01:44 PM

المشاركة الأصلية كتبت بواسطة sameh_se

طيب يا جماعة على كلامكم دة ممكن يكون الرشاش هوا الى فية المشكلة و يدى نفس الاعراض دى
ولا انا غلطان اعذرونى اناعلى قدى برضو

حضرتك قولت انها جولف 2
وماقولتش الموتور انجيكشن
طبعا الرشاش لو مسدود هيدي نفس الأعراض بالظبط وهيخلي الصباب يقطع

والله المستعان
،
،

-

-

الموضوع: اعرف منين ان الصباب بايظ

LinkBack

أدوات الموضوع

عرض

-

-

-

-

المواضيع المتشابهه

اعرف من اين الرشاش بايظ

ازي اعرف اذا كان المساعد بايظ ؟؟

اعرف ازاي ان vtec بايظ ؟؟؟

كيف اعرف ان ترموستات الحرالرة بايظ ؟؟؟؟

عايز اعرف ازاى الكويل بايظ؟

الكلمات الدلالية لهذا الموضوع

المفضلات

المفضلات

ضوابط المشاركة