الموضوع: Iphone 4 32gb Black Locked ايفون 4 اسود 32 جيجا حالة الجديد مقفول

ايوه طبعا يا استاذ كريم
الموبايل شغااااااااال تمام كل حاجه فيه ، بس لما بتركب فيه شريحه بيكتب مفيش شبكة لأنه مقفول على شبكة فى كندا ، وبيتفتح بالجيفى سيم اللى صورتها فى العلبة ده لكن دى القديمة ، لما حدثت السوفت وير وقفت ومستنى الجديدة تنزل

لكن الموبايل شغال تمام كل حاجه فيه بكفاءة ، نت و واى فاى وبرامج والعاب وتصوير وفيديو وكل حاجه تمام وفايبر شغال والياهو مسنجر صوت وصورة وفيديو كول وسكايب فيديو كول و واتس اب

كل حاجه شغااااااااااااااالة تمام

ياريت حد من المشرفين يضيف الرد السابق بتاعى للموضوع فوق عشان جايز الناس تكون فاكرة انه مقفول مبيفتحش فلازم التوضيح بدل ما اعمل موضوع جديد

يا جماعه المشرف اللى دمج الموضوع ، بعذ اذنه ياريت يمسح الموضوع القديم ويخلى الجديد بس اللى بالصور وموضح فيه حاجات اكتر ، لكن مينفعش الموضوع الواضح يكون فى الاخر كده. ياريت بعد اذن الادارة يقفل الموضوع القديم او يحذفه ويخلى الجديد اللى هو آخر مشاركة هنا ده موضوع لوحده زى ما كان. يا يحذف الاتنين ويبلغنى اعمل موضوع تانى نهائى

مقفول على Fido -Canada يا باشا

لا يا استاذ ميدو ، مفيش محلات هتعملك حاجه ، هو عشان يعمل مكالمات لازم تنزله شريحة الجيفى سيم اللى بتفك شفرة الايفون 4 زى اللى كانت فيه معايا دى، لكن الموجوده حاليا شغالة لحد بيزباند 4.10 لكن 4.11.08 الجديدة واللى بعدها على موبايلى دلوقتى لسا منزلتش الجيفى بتاعتها ، يعنى مسألة وقت ، ممكن تتابعهم على صفحتهم على الفيس بوك ، واول ما بتنزل بيقولوا قبلها انها الاسبوع الجاى او اللى بعده.

لكن حاليا لو انا عايز اشغل منه مكالمات، فيه جهاز اسمه جى ميت ، ده حاجه صغيره كده زى الميدالية بيتحط فيها خط وتحطها فى جيبك وبتشتغل على بلوتوث الموبايل تخليه يعمل مكالمات تمام ، تمنها جديدة 500 جنيه ومستعمله فى حدود 300 جنيه ، ده لو مستعجل اوى.

لكن انا عارضه اللى هياخده هيستنى الجيفى سيم تنزل السوق للبيزباند ويتفك، يعنى هيصبر شوية، او يجيب الجهاز ده.
وكل الناس اللى معاها ايفون هنا عارفين ان ال 16 اللى من غير كارتونه بالجيفى سيم بتاعته حوالى 2400 وال 32 بالجيفى حوالى 2700 ، يعنى انا سايب 700 جنيه باعتبار ان اللى هياخده هينتظر نزول الجيفى اللى معرفش هتنزل امتى، لكن هتنزل زى اى موديل قبل كده ، او ممكن يشترى الجى ميت ده مستعمل فى حدود من 200 ل 300 جنيه ويشغله تمام لحد الجيفى ما تنزل او تنزل ثغرة سوفت وير زى اللى نزلت من 3 اسابيع وانا فكيته عليها لكن على خطى بس.

الموضوع موضوع وقت، عشان كده سايب فيه والله 800 جنيه على حالته دى وكارتونته ، وان شاريه جديد ، يعنى بطاريته اشتغلت 4 شهور بس ، منهم شهر ونص مقفول مش شغال يعنى مرتاح.

اى استفسار من اى حد انا جاهز