| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 2 1 2 الأخيرةالأخيرة
النتائج 1 إلى 10 من 14

  1. #1

    الصورة الرمزية Ahmed.TV

    رقم العضوية : 18439

    تاريخ التسجيل : 09Sep2008

    المشاركات : 8,548

    النوع : ذكر

    الاقامة : حدائق الاهرام

    السيارة: بولو 99

    السيارة[2]: تيدا 2009

    دراجة بخارية: honda

    الحالة : Ahmed.TV غير متواجد حالياً

    افتراضي - Facebook Twitter whatsapp انشر الموضوع فى :

    hasad">



    هناك بعض النقاط عند استلام السيارة يجب على كل مشترى جديد مراعاتها والتركيز عليها
    وقد حرصنا على تجميعها وتقديمها اليكم للمساعدة فى استلام السيارة بدون اى مشاكل او عيوب ظاهرية او جوهرية


    1- حاول تستلم العربية بالنهار افضل من الليل عشان تبص على صاج العربية وتطمن انه خالى من اى خرابيش او خبطات

    2- انزع عند الاستلام الورق الملزوق على صاج السيارة سواء اللى على الكابوت او على السقف , وذلك للتاكد من بوية السيارة سليمة ولالا , لان الورق ده ممكن يكون مدارى تحت منه فرق لون لقدر الله

    3- شيك على الزجاج الكهرباء كله , وتاكد من فتحه وقفله , و تشوف هل فى صوت تزيق او اى مشكلة فى الزجاج لقدر الله

    4- جرب الكاسيت وشوفه شغال ولالا , ومتنساش تسال هل بيجى معاه وصلة يو اس بى مثلا وليه ريموت ولالا بردوا , وياريت تكون واخد معاك اسطوانتين من نوعين مختلفين عشان تجرب الاتنين زي سوني وال جي مثلا, عشان محدش يتلكك ويقولك الاسطوانات نوعها وحش , وكمان خلى معاك فلاشة فيها قران مثلا اذا كان ينفع توصلها عليه

    5- اسال على الضمان بتاع السيارة وضمان الكاسيت والكتالوج بتاع العربية

    6- شيك على الروافع مثل : الولاعة بتاعت العربية وطفاية السجاير وعلى الاريال

    7- شيك وبص على المياة بتاعت السيارة من ميه مساحات والقربة والردياتير والبطارية عشان بس لو فى حاجة نقصة مش تمشى على عماك وتزودها فى اقرب مكان

    8- اتاكد من وجود الاستبن (الكاوتش الاحتياطى )

    9- نبص على شنطة العدة

    10- نقعد على الكراسى اللى قدام ونحرك فيها لقدام وكمان لورا عشان نشوف هل فيها اى مشكلة ولالا , وكمان احزمة الامان

    11- تشغيل الانوار كلها ونجربها سواء الانوار الداخلية جوة السيارة من نور الصالون والطابلوه ومن بره الفوجات والكشافات الامامية ولمبة الاستوب والفوانيس الخلفية

    12- تتاكد من عمل المساحة وتشغل المياه بتاعت المساحة كمان

    13- تفتح الابواب الاربعة والكابوت والشنطة وتشوفهم بيفتحوا ويقفلوا بسهولة ومفيش مشكلة فيهم ولالا

    14- نتاكد من ان السنتر شغال ونتاكد من الريموت شغال ولالا

    15- ركز فى استلام المفاتيح , فى عدد المفاتيح والريموت اللى بيجوا مع السيارة

    16- نبص على عداد الكيلومتر واهم حاجة انه لايزيد عن 70 كيلو وكدا كتير كمان

    17- التاكد من ان التكيف شغال ,لانك حتشغله بعد 500 كيلو فتكون مطمن ان مفيش مشكلة .. كفائته مش حتكون قوية لان العربية لسه جديدة ومش حيبان تبريده فى اللحظة دى لانك حتشغله لمدة دقيقة او اتنين بالكتير عقبال ما ترغى مع البائع ,المهم عشان بس تكون مطمن ان كل حاجة تمام .. وتاخد بالك هل فى اى قلق وهى واقفة ولالا مع تشغيل التكيف

    18- اتاكد من ان الماتور صوته ناعم وهادى فى بداية التشغيل

    19- حرك الدريكسيون يمين وشمال عشان تتاكد من عدم وجود اى مشكلة وصوت تزيق , وكمان شوف ظبط الدريسكيون لفوق ولتحت اخباره ايه

    20- سخن السيارة وبعد ماتسخن اتاكد من ان المروحة اشتغلت بتاعت الرديايتير ولالا

    21- اذا كان السيارة فيها فتحة سقف , نطمن انها شغالة وكله تمام



    دول اهم النقاط اللى تركز عليهم وانت بتستلم .. وحاول ان يكون معك صديق او قريب لك لمساعدتك فى وقت الاستلام
    ملحوظة هامة
    يفضل شراء سيارات نيسان من موزع معتمد لنيسان
    لان بيجيب العربية مباشرة من المصنع
    غير ايضا كل السيارات عنده نيسان ولو خزن منها فى مخزن مش بيخزن بكميات كبيرة او بتفضل عنده مركونة لفترة كبيرة
    على عكس المعارض الخاصة اللى بتبيع عربيات من ماركات كثيرة
    نظرا

    ونتمنى لكم حسن الاستلام وان نكون قد استطعنا تقديم القليل من العون لمساعدتكم


    ناتى إلي المرحلة الثانية والهامة بعد استلام
    السيارة على خير وهى ..
    تليين السيارة

    والتليين السليم .. فى الماتور السليم




    تأتى خطوة التليين كاهم خطوة تلى استلام السيارة كما ذكرنا حيث ان قيادة السيارة فى تلك الفترة تؤثر على اداء السيارة
    الجيد طيلة فترة قيادتها فيما بعد

    ولهذا فقد حرصنا على عرض كل المعلومات المفيدة والخطوات التى يجب علينا اتباعها فى تلك الفترة
    فى عدد من النقاط التالية :-


    1- بعد ما تخرج من المعرض وتركب السيارة وتقرا ادعية مباركة ان ربنا يحفظك ويكفيك شر الطريق تذهب الى محل كاوتش وتظبط ضغط الكاوتش على المقاس المكتوب فى قايم السيارة , ويفضل بعد ملئ الكاوتش تروح عند كام محل اخر للتاكد من ان المقاس مظبوط اللى نفخت بيه الكاوتش , اصل احيانا والله بتلاقى كل واحد عنده مقاس ممكن يختلف عن التانى ويقرالك القياسات غلط , حتى لو كان ديجيتال ,, لان مهم جدا جدا انك تظبط المقاس صح , لان احيانا لو فى خلل فى قياس الكاوتش بيأدى الى بطى فى سحب العربية وايضا ممكن يؤدى الى حدف يمين او شمال للسيارة واستهلاك بنزين حاد

    2- يفضل جدا ملئ الكاوتش نيتروجين افضل من الهواء و وذلك لانه يطول عمر الكاوتش ويحافظ عليه كما ايضا يساعد على استهلاك افضل للبنزين , واداء افضل وانعم للعفشة وله فوائد كثيرة

    3- التليين الجيد يجب ألا تتعدى سرعة لفات المحرك ال2500 لفة/ دقيقة, أو ال3000 لفة/ دقيقة بحسب قدرة المحرك, وتجنب الحرق على الغيارات والكيك دون

    4- مدة التليين أساسية هى تقريبا 1000 كيلو أو حسب السيارة , و يتم بعدها تغيير زيت التليين (و يتم تغييره بعد فترة قليلة لأنه يحمل رايش البساتم وبرادات حديد ) , ثم تستمر التليين والقيادة الهادئة بعدها الى 3000 الاف كيلو لكن بمحاذير أقل.
    التليين ليس فقط هام بالنسبة للماتور فقط , ولكن هام جدا لجميع اجزاء العربية وذلك لكى تطبع بعضها على بعض تأخذ كل قطعة موقعها الطبيعي بعد الإحتكاك الميكانيكي .

    5-التكييف تشغله عادي مافي اي مشاكل بس حاول يكون بعد 500 كيلو .

    6- يفضل في فترة ال-500 كم من عمر السيارة انه ممكن تقرص على الغيار بس خفيف جدا مش بعنف ويكون بتنوع مش باستمرار ويفضل لو قرصت على الغيار توصل الاربى ام الى 4000 مش اكتر من 4500
    وده عشان بس تفتح السيارة والماتور ,وده زى ما ذكرنا من بعد ال500 كيلو ومش كتير كمان (يعنى مش بعنف وحرق مستمر)

    7- يجب تجنب أن تعامل السيارة فى السلانسيه فترة طويلة أطول من عدة دقائق, فإذا طال الانتظار فى إشارة ولا تتوقع السير لبعض الوقت أطفئ المحرك أثناء فترة انتظار حركة المرور..والسبب فى ذلك يرجع إلى أنه من الصعب على أى طلمبة زيت أن تغطى جميع أجزاء المحرك فى السلانسيه فينخفض ضغط الزيت بين الأسطح المتحركة
    مما يتسبب فى اختراق قمم هذه الأسطح لطبقة الزيت لتؤذى بعضها البعض كما أن المحرك الجديد ليس عليه أى رواسب يمكن أن يعلق بها بقايا الزيت مما يجعله جافا باستمرار.

    8- ويجب ألا تزيد سرعة السير فى الفترة الأولى لإستخدام السيارة عن 100كم/ساعة وربما يكون ذلك صعبا ولكن تحمل ذلك وأصبر عليه.

    9- تجنب السير على سرعة ثابتة واجعل سرعتك ما بين 30كم/ساعة و 100كم/ساعة كلما أمكن ذلك عندما تتاح لك الفرصة وبحيث لا تكون على حساب القيادة الآمنة على الطريق.

    10- تجنب الفرامل المفاجئة خصوصا فى الفترة الاولى فى التليين قبل ال500 كيلو الاولى وذلك لتطبع الفرامل مع الطنابير

    11- تجنب الحمولة العالية فى السيارة وبلاش تقوم بجر عربية اخرى فى فترة التليين.

    12- تجنب الطرق الوعرة والمطبات لأن القيادة فى هذه الطرق تخلق سحابة من الغبار الناعم الذي يمكن أن يسحبه المحرك من خلال فلتر الهواء وتقوم ذرات هذا الغبار أو الرمال الناعمة بالعمل كصنفرة بين الأجزاء المتحركة للمحرك.

    13- تجنب المشاوير القصيرة فى فترة التليين لأن المحرك يأخذ مسافة طويلة حتى يمكن توزيع الزيت علي جميع أجزائه , فإذا كانت المشاوير قصيرة بإستمرار نجد أن بعض أجزاء المحرك لا يصل إليها الزيت نهائيا وسوف تتآكل سريعا.

    14- فترة التليين يجب أن تكون فى مشوار واحد كلما أمكن ذلك أو عدة مشاوير لا يقل الواحد عن200 كم ولا توزع فترة التليين على عدة أسابيع.

    15- سخن السيارة قبل ما تتحرك خصوصا فى فترة التليين والفائدة من ذلك هو انك بترفع حراره الزيت شويه لان الزيت لما بيكون بارد فيسبب اختلاف في وزن البساتم وده يؤثر على المدى البعيد في عزم السيارة .
    بس اذا انت مستعجل وحابب تطلع بالسيارة من غير ما تسخنها يبقا متدوسش على طول وتجرى وخلي السيارة تمشى واحدة واحدة مسافة 2 كيلو مثلا .

    16- لا تقم بالقيادة على سرعة واحدة لفترات طويلة , سواء كانت السرعة عالية أو منخفضة .ولذلك يجب تغيير سرعة المحرك لتليين المحرك بشكل مناسب.

    17- لا تترك المحرك في وضع التباطؤ أكثر من 3 دقائق في المرة الواحدة.

    18- كلما أسرعت في إنهاء فترة التليين كان ذلك أفضل لك ولماتور سيارتك

    19- بعد ما تغير زيت الالف وتعمل الصيانة الاولى على خير وتحط زيت 10 الاف او حتى 5000 كيلو حتلاحظ وتجد ان صوت الماتور بقا انعم , وادائه اتحسن الى الافضل واستهلاك البنزين بيتحسن للافضل فى الفترة الاولى من الالف الى 5000 كيلو.

    20- بعد فترة التليين ارفع السيارة وأكشف عن أى تسرب للزيوت أو مياه التبريد وقم بتربيط العفشة واحتمال تكون العربية محتاجة ظبط زوايا .


    واخيرا .. اتمنى ان تعم الفائدة على الاعضاء المقبلين على شراء سيارة جديدة وان اكون قد قدمت ولو معلومة بسيطة تساهم في استلام موفق وتليين آمن للسيارة.

    تقبلوا تحياتى
    اخوكم في الله
    احمد مصطفى

    محرر فى دعم اتخاذ القرار بوزارة الاعلام
    قليل المشاركة فى الموضوعات والرسائل الخاصة لانشغالى بالعمل
    برجاء الاتصال بى : 01288814049


  2. #2

    الصورة الرمزية engaass

    رقم العضوية : 65952

    تاريخ التسجيل : 23Mar2010

    المشاركات : 1,639

    النوع : ذكر

    الاقامة : Helwan

    السيارة: Nubira

    السيارة[2]: Lada, Lanos, Sportage

    دراجة بخارية: دراجة مش بخارية

    الحالة : engaass غير متواجد حالياً

    افتراضي -

    تسلم ايديك على الموضوع المفيد ده

    إن الله لا يغير ما بقوم حتى يغيروا ما بأنفسهم

    رحمك الله يا ابي


  3. #3

    الصورة الرمزية shaddadfalcon1

    رقم العضوية : 22704

    تاريخ التسجيل : 20Oct2008

    المشاركات : 6,911

    النوع : ذكر

    الاقامة : Alexandria-Sidi Bishr

    السيارة: ربنا يسهل

    السيارة[2]: Daweoo Lanos 1 model 99

    دراجة بخارية: لا

    الحالة : shaddadfalcon1 غير متواجد حالياً

    افتراضي -

    ماشاء الله ربنا يجازيك خير يارب

    المفروض الواحد يطبع الموضوع ده وياخده معاه وهو بيستلم اي عربيه


  4. #4

    الصورة الرمزية S O P H O S

    رقم العضوية : 71514

    تاريخ التسجيل : 25May2010

    المشاركات : 26,773

    النوع : ذكر

    الاقامة : EgYpT-ⵍⵎⵖⵔⵉⴱ-

    السيارة: -- -- all FiaT ---

    السيارة[2]: ToYoTa CorOllA ---

    دراجة بخارية: - - - - - - -

    الحالة : S O P H O S غير متواجد حالياً

    افتراضي -

    تسلم ايدك ...


  5. #5

    الصورة الرمزية Optiplex

    رقم العضوية : 118828

    تاريخ التسجيل : 08Jan2012

    المشاركات : 523

    النوع : ذكر

    الاقامة : cairo

    السيارة: Corolla 2014

    السيارة[2]: lancer2011

    دراجة بخارية: noo

    الحالة : Optiplex غير متواجد حالياً

    افتراضي -

    اية الجمال دة ياباشااا الله ينور فعلا و تسلم الايادى


  6. #6

    الصورة الرمزية exact

    رقم العضوية : 10617

    تاريخ التسجيل : 13May2008

    المشاركات : 2,422

    النوع : ذكر

    الاقامة : محافظة الغربية

    السيارة: NileMotors

    السيارة[2]: Suzuki SWIFT 1994 Japan

    دراجة بخارية: Phoenix

    الحالة : exact غير متواجد حالياً

    افتراضي -

    كلام زي الفل واخر جمال عدا نقطة النيتروجين دي... لأنها بلا اي فائدة

    Dr. Mostafa


  7. #7

    الصورة الرمزية abokhalo

    رقم العضوية : 86569

    تاريخ التسجيل : 22Jan2011

    المشاركات : 11

    النوع : ذكر

    الاقامة : cairo

    السيارة: mercedes

    السيارة[2]: lada

    دراجة بخارية: لا

    الحالة : abokhalo غير متواجد حالياً

    افتراضي -

    تقرير ممتاز من واحد فاهم مش حافظ الله ينور عليك


  8. #8

    الصورة الرمزية akmm

    رقم العضوية : 117583

    تاريخ التسجيل : 08Dec2011

    المشاركات : 7,811

    النوع : ذكر

    الاقامة : cairo

    السيارة: mercedes

    السيارة[2]: mazda

    دراجة بخارية: no

    الحالة : akmm غير متواجد حالياً

    افتراضي -

    موضوع هايل والف شكر لتعم الفائده . وبالنسبه للنتروجين هو افضل من الهواء العادى لأنه لايؤدى لإرتفاع درجه حراره الكاوتش لأنه غاز خامل بطبعه وايضا تشعر بليونه اكثر فى الكوتش وعن تجربه . المتابعه للضغط بتكون على فترات طويله بخلاف متابعه ضغط الهواء .العيب الوحيد لإستعمال النتروجين عدم وجوده فى اماكن كتيره وخاصه فى طرق السفر وإلى ان ينتشر بصوره اكبر -- تحياتى .


  9. #9

    الصورة الرمزية bassem.naguib

    رقم العضوية : 5577

    تاريخ التسجيل : 12Feb2008

    المشاركات : 4,439

    النوع : ذكر

    الاقامة : cairo

    السيارة: يا رب

    السيارة[2]: Fiat One twenty eight M/T

    دراجة بخارية: لا يوجد

    الحالة : bassem.naguib غير متواجد حالياً

    افتراضي -

    تسلم يا أبو حميد على الموضوع .

    اقتباس المشاركة الأصلية كتبت بواسطة exact مشاهدة المشاركة
    كلام زي الفل واخر جمال عدا نقطة النيتروجين دي... لأنها بلا اي فائدة

    أكتر حاجتين مفيدتين في موضوع النيتروجين ده :
    * عدم تأثر ضغط الإطارات بالحرارة أو ببرودة الجو (الضغط بيفضل ثابت) .
    * الحفاظ على "الجنط" من الصدأ .. لأن النيتروجين لا يوجد فيه بخار ماء بخلاف الهواء العادي






    Life's too Short for the Wrong Job

    ziabassem سابقا


  10. #10

    الصورة الرمزية zrzr1

    رقم العضوية : 64430

    تاريخ التسجيل : 07Mar2010

    المشاركات : 949

    النوع : ذكر

    الاقامة : Kuwait

    السيارة: E230

    السيارة[2]: Civic 13 1.8

    دراجة بخارية: NEJ

    الحالة : zrzr1 غير متواجد حالياً

    افتراضي -

    hasad">

    تسلم ايدك

    سبحانك اللهم وبحمدك ، أشهد أن لا إله إلا أنت أستغفرك وأتوب إليك
    Ahmad Zarzora



 
صفحة 1 من 2 1 2 الأخيرةالأخيرة

المواضيع المتشابهه

  1. نصائـح .. الاسـتلام الجيد والتليين السـليم لسياراتك الجديدة
    بواسطة Ahmed.TV في المنتدى نيـــــــــسان
    مشاركات: 199
    آخر مشاركة: 30-09-2017, 02:08 AM
  2. نصائـح .. الاسـتلام الجيد والتليين السـليم لسياراتك الجديدة
    بواسطة Ahmed.TV في المنتدى أخبار السيارات في مصر والعالم
    مشاركات: 98
    آخر مشاركة: 12-05-2012, 08:53 PM
  3. نصائـح .. الاسـتلام الجيد والتليين السـليم لسياراتك الجديدة
    بواسطة Ahmed.TV في المنتدى المنتــــــدى العـــــــــــام للسيــارات
    مشاركات: 42
    آخر مشاركة: 29-07-2011, 02:45 PM
  4. أهم النصائح والإرشادات لإستلام آمن لسياراتك الجديدة
    بواسطة Ahmed.TV في المنتدى أخبار السيارات في مصر والعالم
    مشاركات: 7
    آخر مشاركة: 25-04-2011, 01:03 AM
  5. بخصص ال rbm والتليين
    بواسطة islamnasser10 في المنتدى ميتـسوبيـشى
    مشاركات: 6
    آخر مشاركة: 30-07-2008, 03:56 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2