طب يا سمسم انت قعدت في اي عربية في فئتها ولقيت نفسك مستريح اوي ؟
طب يا سمسم انت قعدت في اي عربية في فئتها ولقيت نفسك مستريح اوي ؟
شوف ياباشا انا العربية كلها على بعضها ايا كانت لازم تبقى فيها الحاجات دية
( محرك قوى - ثبات عالى جدا - اعتمادية وتتحمل - فرامل ممتازة على السرعات العالية - صوت محرك يكون حلو ويحببنى ان اسمعة لما اضغط على البنزين )
شوف اى حاجة تانية انا ممكن اتغاطى عنها الا دول واللى يجيب عربية مافيهاش الحاجات دية او فيها بس طبعا بنسب عادية مش عالية يبقى مايخبطش فى الاعلى منة والا يبقى بيقول اى حاجة فى سبيل اعلاء اسم سيارتة عاليا
لو انت راجعت مشاركاتى قبل كدة مش فى الموضوع دة هتلاقينى بقول ان هيونداى تمتاز ب ( شكل عصرى - تابلوة شكلة حلو - اوبشن كتير - ناعمة - تكييف كويس الاداء - محركات بتجرى - الاعتمادية تقدر تقول عليت عن الاجيال السابقة )
دية الحاجات اللى انا بقولها من زمااااااااااااااااااااااا ان من اول لما بدأوا فى انتاج ( الالنترا 2007 ولحد دلوقتى وال rb )
لكن بقى تيجى تقولى ثباتها عالى جدا ويتفوق على الالمانى واليابانى طبعا سيارات معينة , ماتورها يعدى عربيات جامدة , فراملها بتقف من لمسة والكلام دة كلة اقولك لأ انت كدة اديتها اكبرمن حجمها وحقها لان فية ناس بتشترى على كلامنا دة
يعنى انت عارف انا لما حد بيقول انا عايز اشترى سيفيك لعائلة ومش بيجرى اقولة لأ ابعد لا السيفيك ممتعة جدا فى الجرى وتخليك تحب تجرى وأسال اى حد بيركب سيفيك مابيبقاش عايز ينزل منها من كتر ثباتها وصوت ماتورها وجريها
ودة اللى انا بقولة ياجماعة احنا مش ضد الكورى ولا حتى الصينى ماللى عايز يشترى يشترى هو حر هية فلوسى ولا فلوسى بس ماينفعش اضخم فى الحاجة وتحسسونى انكوا راكبين bmw m3 متنكرة فى النترا
دة اللى احنا طالبينة منكوا ياباشا المصداقية ومش بقى تقعدوا تحولوا الكلام وتقولوا خلاص ياعم الالنترا سيئة جدا وزفت واحنا اتضحك علينا والكارو احسن منها الكلام دة طبعا ماقصدوش الالنترا كويسة جدا بس فى حدود فئتها ليها كدة range معين تتعامل فية على اساسة
وبالنسبة للاخ اللى قال التجربة بتاعتة طبعا دة بس يدل على مدى مصداقية كلامنا انا حنا لو فية حاجة فى العربية هنقولها لقينا حاجة اتغيرت هنقولها سواء للاحسن او للاوحش احنا هنخبى لية هية الهيونداى دية عدوة ولا حاجة
عربية زى اى عربية فيها مواصفات اعلى ودية سياسة كويسة من الشركة بس بقى زى مابيهتموا بالاوبشن يبقوا يهتموا بقى بالثبات والفرامل والخامات والامان لما ابقى اشوف الهيونداى بتنزل عربياتها بsaftey system standard كدة اقول خلاص الهيونداى بقت شركة محترمة وساعتها التوكيل مش هيقدر يفتح بقى زى السيفيك كدة
وعلى فكرة اللى بيتزوق طعم الريادة مش بيتنازل عنها ابدا طالما الظروف سامحة والمبيعات شغالة فلو هيونداى قويت هتلاقى الشركات كلها بقت اقوى وكلة فى صالح العميل
بس بردة المنافسة مستمرة ورأى لن يتغير لانى مجررررررررررررررررررربها كتير واكتر من عربية مش واحدة وماشوفتش الاختلاف غير فى حاجة واحدة بس عربية ممكن تكون اسرع شوية طبعا على حسب طريقة القيادة
بالترتيب كدة : من الاوسع للاقل
1-نيسان البلو بيرد سيلفى: شوف تحفة بكل المقايس خامات ووسع بدرجة غريبة اول مرة اشوفة فى عربية بس عيبها انها تقفيل صينى وماتعملهاش تسويق كويس عشان كدة ماتت فى السوق المصرى
2- النيسان تيدا : ماشاء الله عليها سواء السيدان او الهاتشباك شوف والله كنت قاعد مرجع ظهر الكرسى وسايق براحتى جدا ورجعت ورا رجليا مالمستش الكرسى وراسى بعيدة جدا عن السقف بس عيبها فى العرض قليلة شوية
3- الرينو فلوانس : خامات وعزل ووسع ورحابة عشرة على عشرة والله العربية دية لو نزلت بمحرك اقوى شوية على الاقل يركبوا حتة تيربو يوصلة ل150 هتلاقيها قنبلة
4- الجيتا : 2012 كويسة جدا جدا مش عارف ازاى بتقولوا عليها ضيقة انا مستغرب اوى وشوف كدة الصورة وانت تعرف كلامى
http://i1271.photobucket.com/albums/...untitled-9.jpg
دول اوسع عربيات انا ركبتهم ( مساحة ارجل وسقف )
اضيق عربيات ركبتهم ( هيونداى - سيفيك - كيا سيراتو - شيفرولية كروز )
تيدا اوسع من الالنترا ؟ قلشت منك دي يا معلم وده مش عيب في التيدا , التيدا اصلا subcompact واوسع من ال rb بكتير لكن الالنترا معتقدش , بالنسبة لحتة الامان عندك حق هو عيب في هيونداي وغبور والحكومة , لو عندنا حكومة نضيفة كانت اجبرت الشركات على standards معينة زي في امريكا كده , العربية بره لو نزلت ب abs و 2 ايرباج يبقى الامان فيها يعتبر معدوم وهما معظم العربيات بتنزل بيهم وبنقول عليها امان , كمحرك الالنترا محدش قال انها تعدي بي ام ولا حاجة , ومحدش قال انها تتقارن بجولف tsi او برافو t-jet او حتى فوكاس وممكن السيفيك تكون اعلى منها في الجري بس مش بالفرق اللي يخليني اقول الالنترا بطة يعني بس اكيد السيفيك رياضية اكتر من الالنترا , ومش عارف انت ليه بتشتكي من فرامل الالنترا فراملها من غير مبالغة والله احسن من عربيات كتير , على الاقل احسن من الكورولا مثلا ( دي انا جربتها بنفسي ومتاكد منها ) , اينعم مش ممتازة بس بتقفل كويس جدا في وقت كويس
التيدا فعلا اوسع فى مساحة الرجلين للركاب الخلفين... انما فى عرض الكنبة ضيقة جدا و لو 3 قاعدوا ورا حيفعصو فى بعض... الالنترا الكنبة عريضة جدا و يعد 3 فى منتهى الراحة... و تشيل 4 كمان ورا بس حيكونو قاعدين مضيقين ذى 3 فى تيدا كدة ...
كمان مساحة الاكتاف فى الالنترا طبعا افضل نتيجة لعرض العربية المبالغ فيه.
يعنى هو انا قلت حيكون بينة و بين الكرسى 40 كم!!!! :grin28:
انت فى المقارنة اللى عملتها قلت مفيش فرق فى الوسع بين الالنترا و السيفك و انا اختلفت معاك و قلت فى فرق فى الوسع.
لما مقتنعتش جبتلك عشرات المواقع و كلام خبراء تقييم السيارات اللى بتثبت كلامى و انت جبت ادلة تثبت كلامك...
على العموم فرصة سعيدة انى اتعرفت بيك يا سمسم و بجد مشاركتك فى قسم هيونداى انت و فرميولاتور بتدى لموضيعة طعم خاص... صحيح هو راح فين فرميولاتور؟؟ دايما يجى يولعها و يخلع بعد كده و يسيب الناس تولع فى بعض هاهاها